ໃນວັນທີ 16 ກັນຍາ 2019 ທີ່ຜ່ານມາ,ຢູ່ໂຮງຮຽນມັດທະຍົມຕອນຕົ້ນໂພນໄຮທີ່ຂຶ້ນກັບເມືອງເຊໂປນໄດ້ຈັດພິທີມອບຮັບໂຮງຮຽນຫລັງໃໝ່ຂຶ້ນຢ່າງເປັນທາງການ,ໂດຍເປັນກຽດເຂົ້າຮ່ວມ ທ່ານປອ ບຸນມາ ເກດເກສອນ ຫົວໜ້າພະແນກການຕ່າງປະເທດປະຈຳແຂວງສະຫວັນະເຂດ,ທ່ານ ນາງ ຫລິງທອງ ແສງຕາວັນກໍາມະການພັກແຂວງ,ຫົວໜ້າພະແນກສຶກສາທິການ-ກິລາແຂວງ,ທ່ານຄໍາຫລ້າ ພົມມີໄຊຮອງເຈົ້າເມືອງເຊໂປນ,ທ່ານຫງວຽນ ດຶກກວາງຮອງຫົວໜ້າພະແນກພົວພັນຕ່າງປະເທດແຂວງກວາງຈີ,ມີບັນດາຫົວໜ້າຫ້ອງການສຶກສາທິການ-ກິລາເມືອງ,ຄູອຈານພ້ອມດ້ວຍນ້ອງນັກຮຽນ,ສະມາຄົມພໍ່ແມ່ນັກຮຽນ,ຄະນະບ້ານອອ້ມຂ້າງ,ເຈົ້າຂອງໂຄງການພ້ອມດ້ວຍແຂກຖືກເຊີນເຂົ້າຮ່ວມຢ່າງພ້ອມພຽງ.

ໂຮງຮຽນມັດທະຍົມຕອນຕົ້ນໂພນໄຮ່ກໍ່ສ້າງຂຶ້ນວັນທີ 8/11/2018-8/6/2019 ສໍາເລັດ100%ເປັນອາຄານ 1 ຫລັງ,ຍາວ 40 ແມັດ,ກ້ວາງ 9 ແມັດ, ສູງ 5 ແມັດ 60 ຊັງຕິແມັດ, ມີ 4 ຫ້ອງຮຽນແຕ່ລະຫ້ອງກວ້າງ 4 ແມັດ, ຍາວ 7 ແມັດ,ຫ້ອງສະໝຸດ 1 ຫ້ອງ,ຫ້ອງການ1 ຫ້ອງ,ຫ້ອງເກັບມ້ຽນເອກະສານແລະວັດຖຸອຸປະກອນ1ຫ້ອງຊື່ງແຕ່ລະຫ້ອງກວ້າງ4ແມັດ,ຍາວ9ແມັດ,ສະຖານທີ່ເດີ່ນອາຄານພື້ນປູດ້ວຍເບຕົງ,ມີຫລັກເສົາແລະປະຕູຮົ້ວ,ໂຮງຮຽນແຫ່ງດັ່ງກ່າວພື້ນປູດ້ວຍກາໂລ,ຝາກໍ່ດ້ວຍດີນຈີ,ມຸ້ງດ້ວຍສັງກະສີ,ມີພັດລົມວົງຈອນແຂວນຝາ6ໜ່ວຍ,ດອກໄຟ16ດອກ,ຫ້ອງນໍ້າ1ຫລັງ,ມີຖັງເກັບນໍ້າ1ໜ່ວຍ,ນໍ້າສ້າງ1ແຫ່ງ,ນອກນັ້ນຍັງສະໜອງອຸປະກອນການຮຽນການສອນໃຫ້ຈໍານວນໜຶ່ງ,ໂຕະ72ໜ່ວຍ,ຕັ່ງ144ໜ່ວຍ,ໂຕະຄູອາຈານ4ໜ່ວຍ,ໂຕະຫ້ອງປະຊຸມ1ຊຸດ,ຕູ້ໃສ່ເອກະສານ7ໜ່ວຍ,ຕັ່ງເກ7ຊຸດ,ໂດຍແມ່ນບໍລິສັດຈອງຕິນຈໍາກັດເປັນຜູ້ຮັບເມົາການກໍ່ສ້າງ,ຮັບເໝົາອອກແບບບໍລິສັດຮ່ວມກຸ້ນທີ່ປືກສາແລະຮັບຮອງການກໍ່ສ້າງເດວຕາວິນາ,ຄວຍຄຸມໂຄງການບໍລິສັດທີ່ປືກສາການພັດທະນາທີເອເອັດຈໍາກັດຜູ້ດ່ຽວຊື່ງໄດ້ຮັບການທຶນສະໜັບສະໜູນຊ່ວຍເຫລືອຈາກແຂວງກວາງຈີແຫ່ງສສ ຫວຽດນາມເປັນຜູ້ໃຫ້ທຶນ100%ລວມມີມູນການກໍ່ສ້າງທັງໝົດ2.990.000.000ດົ່ງ(ສອງຕື້ເກົ້າຮ້ອຍເກົ້າສິບລ້ານດົ່ງ)ເທົ່າກັບ1.087.000.000ກີບ(ໜຶ່ງຕື້ແປດສິບເຈັດລ້ານກີບ),

ໃນພິທີກໍ່ໄດ້ຮ່ວມເຊັນບົດບັນທຶກການມອບຮັບໂຮງຮຽນມັດທະຍົມຕອນຕົ້ນຫລັງໃໝ່ຂື້ນຢ່າງເປັນທາງການລະຫວ່າງທ່ານປອ ບຸນມາ ເກດເກສອນຫົວໜ້າພະແນກການຕ່າງປະເທດປະຈຳແຂວງສະຫວັນນະເຂດແລະທ່ານຫງວຽນ ດຶກ ກວາງຮອງຫົວໜ້າພະແນກພົວພັນຕ່າງປະເທດແຂວງກວາງຈີຊ້ອງໜ້າທ່ານນ.ຫລິງທອງ ແສງຕາວັນກໍາມະການພັກແຂວງ,ຫົວໜ້າພະແນກສຶກສາທິການ-ກິລາແຂວງ,ທ່ານຄໍາຫລ້າ ພົມມີໄຊຮອງເຈົ້າເມືອງເຊໂປນ,ທ່ານນາງເລທິຖີ໋ຮັ່ງຫົວໜ້າຂະແໜງບໍລິຫານ,ພະແນກພົວພັນຕ່າງປະເທດ,ຄະນະຄຸ້ມຄອງໂຄງການ,ມີບັນດາທ່ານຫົວໜ້າສຶກສາເມືອງພ້ອມຄະນະໜ່ວຍງານ,ຄູອາຈານ,ນັກຮຽນ,ນາຍບ້ານອອ້ມຂ້າງແລະແຂກຖືກເຊີນເປັນສັກຂີພິຍານນໍາດ້ວຍແລະໃນພິທີເມືອງກໍ່ໄດ້ມອບຂອງຂັວນທີ່ລະນຶກໃຫ້ຜູ້ຊວ່ຍເຫລືອທຶນຮອນໃນການກໍ່ສ້າງໂຮງຮຽນມັດທະຍົມຕອນຕົ້ນໂພນໄຮພ້ອມໃບຍ້ອງຍໍຂອງແຂວງໃນການປະກອບສ່ວນທຶນຮອນ,ຂອງຂັວນທີ່ລຶກຈາກພໍ່ແມ່ປະຊາຊົນບ້ານໂພນໄຮ່,

ສຸດທ້າຍທ່ານຄໍາຫລ້າ ພົມມີໄຊຮອງເຈົ້າເມືອງເຊໂປນກໍ່ໄດ້ໃຫ້ກຽດໂອ້ລົມແລະໃຫ້ທິດເຍື່ອງທາງແກ່ພິທີມອບຮັບຄັ້ງນີ້ຊື່ງກ່ອນອື່ນທ່ານໄດ້ຍ້ອງຍໍຊົມເຊີຍຕໍ່ເຈົ້າຂອງໂຄງການທີ່ຊວ່ຍສະໜັບສະໜູນທຶນຮອນອັນມະຫາສານໃນການກໍ່ສ້າງໂຮງຮຽນແຫ່ງນີ້ຈົນສໍາເລັດແລະຮຽກຮ້ອງມາຍັງຄູອາຈານແລະນ້ອງນັກຮຽນຊ່ວຍປົກປັກຮັກສາວັດຖຸສີ່ງຂອງສວ່ນລວມ,ເອົາໃຈໃສ່ສ້າງໂຮງຮຽນໃຫ້ກາຍເປັນໂຮງຮຽນສີຂຽວຕາມ3ລັກສະນະ5ຫລັກມູນຂອງວຽກງານການສຶກສາໃຫ້ປະກົດຜົນເປັນຈິ່ງ.