​ເມື່ອ​ອາທິດ​ທີ່​ຜ່ານ​ມາ, ບໍລິສັດຢາສູບຫົງຖາໂຊກດີ ລາວ-ຈີນ ຈຳກັດມອບລົດ ກູ້ໄພ 1 ຄັນ, ມູນຄ່າ 23.200 ໂດລາສະຫະລັດ ແລະ ລົດຮັບ​ໃຊ້ໃນການປຸກລະດົມ ຈັດຫາເລືອດປອດໄພ 1 ຄັນ, ມູນຄ່າ 32.000 ໂດລາສະຫະລັດ ໃຫ້ແຂວງສະຫວັນນະເຂດເພື່ອນຳໃຊ້ເຂົ້າໃນວຽກ ງານຊ່ວຍເຫລືອສັງຄົມຂອງແຂວງ. ໃຫ້ກຽດຮັບລົດມີ ທ່ານ ຄຳພູນ ຕຸໄພທູນ ຮອງເຈົ້າ ແຂວງສະຫວັນນະເຂດ ແລະ ມອບໂດຍທ່ານ ມາ ຊູ້ ຜູ້ອຳນວຍການໃຫຍ່ ຂອງບໍລິສັດຢາ ສູບຫົງຖາໂຊກດີ ລາວ-ຈີນ ຈຳກັດ, ພ້ອມ​ດ້ວຍພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີ ພິຍານ.

ລົດ 2 ຄັນດັ່ງກ່າວ, ແມ່ນເປັນລົດທີ່ມີລະບົບທັນສະໄໝ ແລະ ໄດ້ອອກແບບມາສະເພາະ ໂດຍຄັນທີ 1 ທາງແຂວງແມ່ນຈະມອບໃຫ້ໜ່ວຍກູ້ໄພສະຫວັນນະເຂດ, ສ່ວນຄັນທີ 2 ແມ່ນ ມອບໃຫ້ອົງການກາແດງ ແຂວງສະຫວັນນະເຂດ ເພື່ອນຳໃຊ້ເຂົ້າໃນການເຄື່ອນໄຫວ ວຽກ ງານວິຊາສະເພາະ, ໂດຍສະເພາະ ກໍ່ແມ່ນການຊ່ວຍເຫລຶອສັງຄົມພາຍໃນ ແຂວງສະຫວັນນະ ເຂດ ໃຫ້ມີປະສິດທິພາບປະສິດທິຜົນດີຂຶ້ນກວ່າເກົ່າ.

ໃນໂອກາດນີ້, ທ່ານ ຄຳພູນ ຕຸໄພທູນ ກໍ່ໄດ້ຕາງໜ້າແຂວງ ກ່າວສະແດງຄວາມຂອບໃຈ ແລະ ຍ້ອງຍໍຊົມເຊີຍຕໍ່ການປະກອບສ່ວນຊ່ວຍເຫລືອຂອງທາງບໍລິສັດໃນຄັ້ງນີ້. ພ້ອມນີ້, ທາງ ແຂວງສະຫວັນນະເຂດ ກໍໄດ້ມອບໃບຍ້ອງຍໍໃຫ້ບໍລິສັດ ຢາສູບຫົງຖາໂຊກດີ ລາວ-ຈີນ ທີ່ໄດ້ປະກອບສ່ວນຊ່ວຍເຫລືອໃນຄັ້ງນີ້.