ໄຂຂື້ນຢ່າງເປັນທາງການກອງປະຊຸມໃຫຍ່ຜູ້ແທນອົງຄະນະພັກວຽງຄຳຄັ້ງທີ XII ໃນຕອນເຊົ້າຂອງວັນທີ 17 ກັນຍາ 2019 ທີ່ສະໂມສອນໃຫຍ່ຂອງເມືອງ ໂດຍການເປັນປະທານຂອງສະຫາຍ ຊາຍພອນ ຈັນທຸມມາ ຮັກສາການເລຂາພັກເມືອງ,ເຈົ້າເມືອງວຽງຄຳ,ໃຫ້ກຽດເຂົ້າຮ່ວມຂອງສະຫາຍ ຄຳຂັນ ຈັນທະວີສຸກ ກຳມະການສູນກາງພັກ,ເລຂາພັກແຂວງຫຼວງພະບາງ,ມີຄະນະປະຈາພັກແຂວງ,ແຂກຮັບເຊີນ ພ້ອມດ້ວຍສະມາຊິກພັກຜູ້ແທນທົ່ວເມືອງເຂົ້າຮ່ວມ 126 ສະຫາຍ,ຍິງ 6 ສະຫາຍ.

ເວລາ 6.00 ໂມງການນຳຂອງເມືອງ ໄດ້ເຂົ້າວາງກະຕ່າດອກໄມ້ ຢູ່ອານຸສາວະລີປະທານໄກສອນ ພົມວິຫານ ຜູ້ນຳທີ່ເຄົາລົບຮັກຂອງປະຊາຊົນລາວ,ຈາກນັ້ນທີ່ສະໂມສອນໃຫຍ່ຂອງເມືອງ ກໄດ້ໄຂກອງປະຊຸມຂື້ນຢ່າງເປັນທາງການ.ເຊິ່ງໃນວະລະກອງປະຊຸມ ຈະໄດ້ຜ່ານບົດລາຍງານການເມືອງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມໄລຍະຜ່ານມາ.

ຕີລາຄາຜົນສາເລັດຂອງການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກ, ມະຕິ VII ຂອງອົງຄະນະພັກແຂວງ ແລະ ມະຕິ XI ຂອງອົງຄະນະພັກເມືອງ,ນອກນີ້ກອງປະຊຸມຄັ້ງນີ້ຜູ້ແທນກອງປະຊຸມຍັງຈະໄດ້ສຸມໃສ່ຄົ້ນຄ້ວາ,ພິຈາລະນາ ແລະ ປະກອບຄວາມຄິດເຫັນໃສ່ບັນດາຂົງເຂດວຽກງານພາຍໃນເມືອງວຽງຄຳໄລຍະຜ່ານມາ,ຈາກນັ້ນຈະໄດ້ພິຈາລະນາຮັບຮອງເອົາແຜນພັດທະນາເສດຖະກິດ-ສັງຄົມໄລຍະ 5 ປີ,ຕາງໜ້າຄອບຄົວຕົວແບບດ້ານການປູກຝັງ,

ດ້ານການອານຸລັກວັງສະຫງວນສັດນໍ້າ ແລະ ຕົວແບບດ້ານການລ້ຽງສັດ ຂື້ນປະກອບຄໍາເຫັນ ແລະ ກອງປະຊຸມຄັ້ງນີ້ຍັງຈະໄດ້ປ່ອນບັດຄັດເລືອກເອົາຄະນະບລິຫານງານພັກເມືອງຊຸດໃໝ່ ແລະ ເພື່ອໃຫ້ກອງປະຊຸມມີຄວາມຟົດຟື້ນນັ້ນ ບັນດາກ້ອນກໍາລັງຕ່າງໆກໍ່ໄດ້ເຂົ້າອວຍພອນ ເປັນຕົ້ນແມ່ນກ້ອນກຳລັງປະກອບອາວຸດ,ຊາວຫນຸ່ມເຍົາວະຊົນ ແລະ ກ້ອນກຳລັງກຸ່ມພັກພະນັກງານຕື່ມອີກ.

ຂ່າວ: ເພັດສາຄອນ ສິມມະວົງ