ເພື່ອເປັນການສືບຕໍ່ໃນການຊີ້ນຳໆພາ ແລະພັດທະນາເມືອງສະໝ້ວຍໃຫ້ກ້າວຂື້ນຢ່າງບໍ່ຢຸດຢັ້ງດັ່ງນັ້ນ, ຜູ້ແທນສົມບູນຈຳນວນ 127 ສະຫາຍຈິ່ງໄດ້ໃຊ້ສິດປະຊາທິປະໄຕຂອງຕົນປ່ອນບັດຄັດເລືອກເອົາເລຂາ ແລະຄະນະບໍລິຫານງານພັກເມືອງຊຸດໃໝ່ຄັ້ງທີ VIII ເຊີ່ງມີຜູ້ສະໝັກເລືອກຕັ້ງທັງໝົດ 27 ສະຫາຍ, ເລືອກເອົາ 23 ສະຫາຍ, ຜ່ານການປ່ອນບັດຄັດເລືອກ ແລະກອງປະຊຸມປະຖົມມະລຶກໄດ້ຕົກລົງເຫັນດີເປັນເອກະພາບ ແລະແຕ່ງຕັ້ງສະຫາຍ ບຸນເຕີ້ຍ ດວງສຸລິຍະວົງສາ ເປັນເລຂາພັກເມືອງ, ເຈົ້າເມືອງໆສະໝ້ວຍ,

ແຕ່ງຕັ້ງສະຫາຍ ວິໄລສັກ ພົມພັກດີ ເປັນຮອງເລຂາພັກເມືອງ, ພ້ອມທັງແຕ່ງຕັ້ງສະຫາຍ ບຸນນານ ປັນຍາຈັກ ເປັນຮອງເລຂາ, ທັງເປັນປະທານກວດກາ, ພ້ອມດຽວກັນນັ້ນຜູ້ແທນກອງປະຊຸມກໍ່ໄດ້ປ່ອນບັດເລືອກຕັ້ງເອົາຜູ້ແທນສົມບູນໄປຮ່ວມກອງປະຊຸມໃຫຍ່ IX ຂອງອົງຄະນະພັກແຂວງຕື່ມອີກເຊີ່ງມີຜູ້ສະໜັກທັງໝົດ 22 ສະຫາຍເລືອກເອົາ 18 ສະຫາຍ, ໃນນັ້ນຜູ້ແທນສໍາຮອງມີ 4 ສະຫາຍ ເພື່ອເປັນຕົວແທນໃຫ້ແກ່ສະມາຊິກພັກ, ພະນັກງານ, ລັດຖະກອນ ແລະພໍ່ປະຊາຊົນຊາວເມືອງສະໝ້ວຍຕື່ມອີກ.

ພາບ-ຂ່າວ:ສິດຕາເພັດວົງສາ