ວັນທີ 17 ກັນຍາ 2019 ສະຫະພັນກຳມະບານເມືອງອາດສະພອນ ແຂວງສະຫວັນນະເຂດ ໄດ້ລົງມອບເງິນກອງທຶນຊ່ວຍເຫຼືອເຊິ່ງກັນແລະກັນແລະທານຸເຄາະໃຫ້ແກ່ຄອບຄົວຂອງທ່ານ ຄຳສີ ພົມມະນີວົງ ຜູ້ເປັນຜົວຂອງສະມາຊິກກອງທຶນ ຈຳນວນ 24.000.000 ກີບ ທີ່ບ້ານດົງທະດາ ຂື້ນກັບຮາກຖານອົງການຈັດຕັ້ງມະຫາຊົນຂອງເມືອງອາດສະພອນ ເຊິ່ງຜູ້ກ່ຽວເຂົ້າເປັນສະມາຊິກກອງທຶນ ແຕ່ປີ 2013 ລວມ 05 ປີ 08ເດືອນ .

ເປັນກຽດມອບເງິນໂດຍແມ່ນທ່ານ ບົວລີ ຈັນສີ ຮອງເລຂາພັກເມືອງ ຜູ້ຊີ້ນຳອົງການຈັດຕັ້ງມະຫາຊົນ ພ້ອມດ້ວຍທ່ານ ຄຳຫລ້າ ສຸລິຍະ ຮອງປະທານກຳມະບານເມືອງ ແລະພະນັກງານວິຊາການ ພ້ອມມີບັນດາ ຍາດຕິພີ່ນ້ອງເຂົ້າຮ່ວມເປັນສັກຂີພິຍານນຳດ້ວຍ.

ຂ່າວ: ວຽງສະໄໝ ຊົມຊອບ