ໃນວັນທີ 17 ກັນຍາ 2019 ນີ້ ທີ່ຫ້ອງການກຸ່ມກະທອງໃຕ້ ເມືອງທ່າປາງທອງ ແຂວງສະຫັວນນະເຂດ ພະອາຈານ ສີທາດ ແກ້ວສະເໜ່ຫາ ຮອງອໍພໍສໍ ເມືອງ ເຈົ້າອາທິການວັດໂພສີສົມພານ ບ້ານ ໂນນຈານ ພ້ອມດ້ວຍພະສົງ, ທ່ານ ນາງ ສຸພາບ ຈັນທະລາສີ ກຳມະການພັກເມືອງ,ທ່ານ ນາງ ຄອນສະຫັວນ ແກ້ວກີນນາລີ ເລຂາຄະນະບໍລິຫານງານຊາວໜຸ່ມເມືອງ,ທ່ານ ພັນຕີ ໄພມະນີ ພາວັນດີ ຮອງກອງບັນຊາການ ປກສ ເມືອງ ທັງເປັນນາຍບ້ານ ໂນນຈານ,ຮອງນາຍບ້ານ,ພະນັກງານ,ອົງການຈັດຕັ້ງຂັ້ນບ້ານ,ເຖົ້າແກ່ແນວໂຮມ ປະຊາຊົນ ໄດ້ພ້ອມກັນລົງມອບເຄື່ອງຊ່ວຍເຫຼືອ ບັນເທົ່າທຸກໃຫ້ແກ່ຜູ້ປະສົບໄພນ້ຳຖ້ວມ ຈຳນວນ 05 ບ້ານ ຄື:ບ້ານ ນາພະນຽດ,ບ້ານ ນາທະມານ,ບ້ານ ແກ້ງສັງກູ,ບ້ານ ນາແຊງ ແລະ ບ້ານ ເມືອງໂຮງ ເມືອງຊົນນະບຸລີ.

ເຄື່ອງທີ່ນຳໄປມອບໃນຄັ້ງນີ້ມີ ຜ້າຫົມ,ໜອນ,ເຂົ້າສານ,ໜີ່ໄວ,ປາກະປອ໊ງ,ນ້ຳດືມ,ເຄື່ອງອຸປະໂພກ ບໍລີໂພກ ແລະ ເຄື່ອງນຸ່ງຫົມອີກຈຳນວນໜື່ງ ລວມມູນຄ່າທັງໜົດ 13.275.000 ກີບ.
ເຄື່ອງຈຳນວນດັ່ງກາວນີ້ແມ່ນໄດ້ມາຈາກການປະກອບສ່ວນຂອງອອກຕົນ ຍາດໂຍມພໍ່ແມ່ປະຊາຊົນ,ນັກທຸລະກິດ,ພໍ່ຄ້າຊາວຂາຍໃນ 02 ບ້ານຄື:ບ້ານ ໂນນຈານ ແລະ ບ້ານ ທ່າສາລາຄຳ ທັງນີ້ກໍ່ເພື່ອແບ່ງເບົາໃຫ້ຜູ້ປະສົບໄພນ້ຳຖ້ວມໄດ້ຮັບແຮງໃຈດ້ວຍການແບ່ງປັນນ້ຳໃຈ.ໃຫ້ຊິວິດຢືນຕໍ່ສູ້ໄປໄດ້.

ຂ່າວ-ພາບ:ດວງໃຈ ແສນບຸດຕະລາດ.