ຄະນະນຳແຂວງຈໍາປາສັກມອບເຂົ້າສານ 10 ໂຕນ ໃຫ້ເມືອງຊະນະສົມບູນ

0
175

ໃນວັນທີ 18 ກັນຍາ 2019 ການນຳແຂວງ ຈຳປາສັກ ນຳໂດຍທ່ານ ສົມສະໜິດ ບຸດຕິວົງ ຮອງເຈົ້າແຂວງຈໍາປາສັກ ໄດ້ເດີນທາງໄປ ມອບເຂົ້າສານຈໍານວນ 10 ໂຕນ ໃຫ້ແກ່ເມືອງຊະ ນະສົມບູນ ເພື່ອນໍາໄປຊ່ວຍເຫລືອປະຊາ ຊົນທີ່ໄດ້ຮັບຜົນກະທົບຈາກນໍ້າຖ້ວມ. ໂດຍມອບ ຜ່ານທ່ານ ສອນສະຫວັນ ສີວິໄລ ເຈົ້າເມືອງ ຊະນະສົມບູນ ພ້ອມດ້ວຍຄະນະ ແລະ ພະນັກ ງານທີ່ກ່ຽວຂ້ອງເຂົ້າຮ່ວມ.

ໂອກາດນີ້ ທ່ານ ສົມສະໜິດ ບຸດຕິວົງ ໄດ້ຟັງລາຍງານສະພາບນໍ້າຖ້ວມ, ການຊ່ວຍເຫລືອ ປະຊາຊົນທີ່ໄດ້ຮັບຜົນກະທົບ, ຄວາມຕ້ອງການອັນຮີບດ່ວນຂອງປະຊາຊົນ, ຈາກນີ້ ກໍໄດ້ ໃຫ້ທິດຊີ້ນຳຕໍ່ຄະນະພັກຄະນະນຳເມືອງຊະນະສົມບູນ ໂດຍນໍາເອົາຄວາມ ເປັນຫ່ວງ ເປັນໄຍ ຂອງພັກ ແລະ ລັດ ກໍຄືຄະນະພັກ, ອົງການປົກຄອງແຂວງ ທີ່ມີຕໍ່ປະຊາຊົນບັນເຜົ່າ ກໍຄື ພໍ່ ແມ່ປະຊາຊົນເມືອງຊະນະສົມບູນ ອີກດ້ວຍ.