ງ່າຍໆ ໃນການເບີ່ງແຍງຜິວຕົນເອງໃນແຕ່ລະມື້

0
201

ສຳລັບການຮັກສາຜິວຂອງເຮົາ ຈຳເປັນຕ້ອງເຮັດໃຫ້ຜິວຂອງເຮົາມີສຸຂະພາບດີ ນຸ້ມນວນ ແລະ ມີຊີວິດຊີວາຕະຫຼອດ ສະນັ້ນເຮົາຈີ່ງມາບອກວິທີທີ່ຮັກສາຜິວແບບສະໝໍ່າສະເໝີ ແລ້ວຈະເຮັດໃຫ້ຜິວເຮົາດີຂື້ນຕາມລຳດັບ:

  • ອາບນໍ້າລ້າງໜ້າມື້ລະ 2 ເທື່ອ: ເຮົາຄວນອາບນໍ້າຢ່າງໜ້ອຍມື້ລະ 2 ເທື່ອ ເພື່ອໃຫ້ຮ່າງກາຍຂອງເຮົາໄດ້ເຮັດຄວາມສະອາດເຊວຜິວ ແລະ ເອົາສີ່ງເປື້ອນເປີະອອກໄປຈາກຮ່າງກາຍໄດ້ ຈາກການສະສົມຜິວຂອງເຮົານັ້ນໃຫ້ມີຄວາມສະອາດ ແລະ ສົດຊື່ນຄວນໃຊ້ສະບູ່ທີ່ເໝາະສົມກັບຜິວໜ້າ ແລະ ຮ່າງກາຍຂອງເຮົານຳອີກ.
  • ຮັກສາຜິວໃຫ້ຊຸ່ມຊື່ນ: ສຳລັບການເບີ່ງແຍງຜິວໃຫ້ຊຸ່ມຊື່ນນັ້ນອາດຈະມີຫຼາຍວິທີ ແຕ່ວິທີທຳມະຊາດ ກໍ່ໃຊ້ສີ່ງທີ່ເປັນທຳມະຊາດ ເຊັ່ນ: ການກິນນໍ້າໝາກພ້າວ ການທາຄີມກໍ່ສາມາດຈະເຮັດໄດ້ຄືກັນ ແລະ ຄວນທາຄີມທັງກາງເວັນ ແລະ ກາງຄືນ ເພາະໃນໄລຍະທີ່ເຮົານອນນັ້ນຜິວເຮົາຈະມີປະສິດທິພາບໃນການດູດຊືມໄປໃຫ້ຜິວໜັງໄດ້ດີກ່ວາກາງເວັນ ຫຼັງຈາກທີ່ເຮົາຕື່ນມາຈະພົບວ່າຜິວເຮົາມີຄວາມຊຸ່ມຊື່ນຫຼາຍ ມີຄວາມສະຫວ່າງໃສອີກ.
  • ຮັກສາຄວາມຊຸ່ມຊື່ນຂອງປາກ: ປາກເປັນສີ່ງເບີ່ງຂ້າມບໍ່ໄດ້ເພາະເປັນສ່ວນທີ່ມີສະເໜ່ຫຼາຍຄົນຈີ່ງຕ້ອງໃສ່ໃຈ ການທາລິບສະຕິກ ຫຼື ໃຊ້ນໍ້າມັນໝາກພ້າວ ທາດ້ວຍວາດສະລິນຈະເຮັດໃຫ້ປາກຂອງເຮົາຊຸ່ມຊື່ນ.
  • ດື່ມນໍ້າຫຼາຍໆ: ການດື່ມນ້ຳສາມາດແມ່ນການບໍາລຸງຜິວທີ່ງ່າຍທີ່ສຸດ ແລະ ຄວນຫຼຸດການດື່ມທີ່ມີແອລກໍຮໍ ອາຫານທີ່ມີລົດເຄັມຫຼາຍ ຫຼື ຫວານຫຼາຍ ໃນໄລຍະຕອນເດີກຄວນດື່ມນໍ້າກ່ອນນອນ ຈະຊ່ວຍຫຼຸດອາການບວມທີ່ຂອບຕາ ແລະ ຮູ້ສຶກສົດຊື່ນຕອນເຊົ້າ.
  • ການນອນຫຼັບໃຫ້ພຽງພໍ: ການນອນຫຼັບພຽງພໍຈະຊ່ວຍປັບຜິວ ແລະ ຊ່ວຍຮັກສາສຸຂະພາບຜິວໃຫ້ຊຸ່ມຊື່ນ ຫາກເຮົານອນຫຼັບບໍ່ພຽງພໍຈະເຮັດໃຫ້ເກີດສິວ, ຕາບວມ ຜິວແຫ້ງດໍາຄໍ້າຕ່າງໆ  ແລະ ການທີ່ນອນເໝາະສົມໃຫ້ໝອນສູງຂື້ນເລັກໜ້ອຍ ຈະຊ່ວຍປ້ອງກັນການເກີດຮີ້ວຮອຍ ແລະ ຕາບວມໄດ້.
  • ການຜ່ອນຄາຍກ່ອນນອນ: ບໍ່ຄວນທີ່ຈະເບີ່ງໂທລະພາບ ຫຼື ໂທລະສັບ, ຄອມພິວເຕີຫຼາຍກ່ອນນອນ ຄວນທີ່ຈະຊອກໜັງສືອ່ານກ່ອນຈະນອນຈະດີກ່ວາເພາະວ່າການທີ່ເຮົາຈ້ອງໄປທີ່ໜ້າຈໍອາດຈະເຮັດໃຫ້ເກີດສາຍຕາທີ່ຜິດປົກກະຕິ ແລະ ເພີ່ມຕາຄໍ້າອີກດ້ວຍ.
  • ໝັ່ນຊັກບ່ອນນອນ: ຄວນທີ່ຈະເຮັດໃຫ້ບ່ອນນອນເຮົາມີຄວາມສະອາດຢູ່ສະເໝີ ເພາະບ່ອນນອນທີ່ເປື້ອນຈະເຮັດໃຫ້ຜິວອຸດຕັນ ເຮັດໃຫ້ເກີດສິວຕາມຕົນໂຕ ແລະ ໃບໜ້າໄດ້.
  • ກິນອາຫານທີ່ມີຜັກ, ໝາກໄມ້ໃຫ້ຫຼາຍ: ເພາະໃນຜັກ, ໝາກໄມ້ ຈະມີວິຕາມິນສູງຫຼາຍ ເຮັດໃຫ້ການເສີມສ້າງຜິວຂອງເຮົາໃຫ້ສົດໃສ ແລະ ແຂງແຮງ.