ຍົກຍ້າຍນາຍຕຳຫຼວດທີ່ຂື້ນກັບກອງບັນຊາການ ປກສ ແຂວງສະຫວັນນະເຂດ

0
287

ເພື່ອເປັນການປັບປຸງກົງຈັກການຈັດຕັ້ງ ຂອງກອງບັນຊາການ ປກສ ແຂວງສະຫວັນນະເຂດຢູ່ແຕ່ລະຂັ້ນໃຫ້ມີຄວາມຫນັກແຫນ້ນທາງດ້ານການເມືອງແນວຄິດ, ເຂັ້ມແຂງທາງດ້ານການຈັດຕັ້ງ ແລະ ສາມາດ ຕອບສະຫນອງກັບຄວາມຮຽກຮ້ອງຕ້ອງການຂອງຫນ້າທີ່ການເມືອງໃນໄລຍະໃຫມ່ ໃນທ້າຍອາທິດທີ່ຜ່ານມານີ້ ກອງບັນຊາການ ປກສ ແຂວງສະຫວັນນະເຂດໄດ້ປະກາດການຈັດຕັ້ງຍົກຍ້າຍນາຍຕຳຫຼວດໄປຮັບໜ້າທີ່ໃໝ່ຢູ່ຄ້າຍຄຸມຂັງ-ດັດສ້າງແກ້ງຄັນ ແລະ ກອງຮ້ອຍເອກະລາດປ້ອງກັນບໍ່ຄໍາ-ທອງແດງ ໂດຍການເຂົ້າຮ່ວມຂອງທ່ານພັອ ສຸດທະສົມ ບຸນນະສິງ ຮອງກອງບັນຊາການ ປກສ ແຂວງສະຫວັນນະເຂດ, ມີຫົວໜ້າກອງຮ້ອຍເອກະລາດບໍ່ຄຳເຊໂປນ, ຫົວໜ້າຄ້າຍຄຸມຂັງດັດສ້າງແກ້ງຄັນ ພ້ອມດ້ວຍພະນັກງານຫຼັກແຫຼ່ງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ

ໃນພິທີທ່ານ ພັທ ແສງກາ ສຸວັນນະຄົງ ຮອງຫ້ອງການເມືອງ ປກສ ແຂວງໄດ້ຂື້ນຜ່ານຂໍ້ຕົກລົງລັດຖະມົນຕີປ້ອງກັນຄວາມສະຫງົບ ເລກທີ 1855-1886/ປກສ, ລົງວັນທີ່06ກັນຍາ2019 ວ່າດ້ວຍການຍົກຍ້າຍນາຍຕຳຫຼວດ ທີ່ຂື້ນກັບກອງບັນຊາການ ປກສ ແຂວງສະຫວັນນະໃນນີ້ແຕ່ງຕັ້ງ ພັທ ບຸນມາ ໄຊຍະລາດ ຈາກກອງຮ້ອຍເອກະລາດປ້ອງກັນບໍ່ຄໍາ ໄປຮັບຫນ້າທີ່ໃຫມ່ເປັນຮອງຄ້າຍຄຸມຂັງ-ດັດສ້າງແກ້ງຄັນ, ພັຕ ວິລຽມ ຂັນທະລຽມ ຈາກກອງພັນເຄື່ອນທີ່ ໄປຮັບຫນ້າທີ່ໃຫມ່ເປັນຫົວໜ້າ ກອງຮ້ອຍເອກະລາດປ້ອງກັນບໍ່ຄໍາ-ທອງແດງ ສ່ວນຮອງ ທີ່ມີຢູ່ແມ່ນຮັກສາໄວ້ຄືເກົ່າ.

ພາບ-ຂ່າວ ປກສ ແຂວງສະຫວັນນະເຂດ
ສີສະເຫຼີມສັກ ສິມມາລາ