ເປີດກອງປະຊຸມ ບັ້ນດຳເນີນຊີວິດການເມືອງທາບທາມໂຄງປະກອບ

0
336

ໃນວັນທີ 18-20 ກັນຍາ 2019 ນີ້ ຢູ່ສະໂມສອນ ຫ້ອງວ່າການປົກຄອງເມືອງອຸທຸມພອນ ເເຂວງສະຫວັນນະເຂດ ເປີດກອງປະຊຸມບັ້ນດຳເນີນຊີວິດການເມືອງທາບທາມໂຄງປະກອບ, ຄະນະໜ່ວຍພັກ ຄະນະພັກຮາກຖານ ປກສ ເມືອງອຸທຸມພອນ ແຂວງສະຫວັນນະເຂດ ໂດຍການເຂົ້າຮ່ວມຂອງ ສະຫາຍ ພັອ ລໍາຄູນ ວໍລະວົງ ຮອງເລຂາຄະນະພັກ ຮອງຫົວໜ້າ ກອງບັນຊາການ ປກສ ເເຂວງ, ສະຫາຍ ໂພໄຊ ອິນທະວົງສາ ຄະນະປະຈຳພັກເມືອງ ຮອງເຈົ້າເມືອງ ເມືອງອຸທຸມພອນ ສະຫາຍ ພັທ ບຸນເດັດ ແສນລາດ ເລຂາຄະນະພັກຮາກຖານ ຫົວໜ້າ ກອງບັນຊາການ ປກສ ເມືອງ ອຸທຸມພອນ ພ້ອມຄະນະ, ຄະນະຫ້ອງການເມືອງ ປກສ ແຂວງ, ພະນັກງານ ອ້ອມຂ້າງເມືອງ, ສະມາຊິກພັກສົມບູນ, ສຳຮອງ ແລະ ພະນັກງານຫຼັກແຫຼ່ງເຂົ້າຮ່ວມ.

ໃນພິທີ ສະຫາຍ ພັທ ສຸກສໍາລານ ຫມື່ນແກ້ວມຸງຄຸນ ຮອງເລຂາຄະນະພັກ ຮອງກອງບັນຊາການປກສ ເມືອງ ອຸທຸມພອນ ກໍ່ໃດ້ຜ່ານບົດລາຍງານການເມືອງຕະຫລອດໄລຍະ 5ປີ ຜ່ານມາ ຄະນະພັກແຕ່ລະຂັ້ນ ໄດ້ສຸມໃສ່ເຮັດວຽກງານຂອງຕົນແນໃສ່ປົກປັກຮັກສາທາງດ້ານຄວາມສະຫງົບທາງດ້ານການເມືອງ ຄວາມເປັນລະບຽບຮຽບຮ້ອຍທາງດ້ານສັງຄົມພາຍໃນເມືອງອຸທຸມພອນດ້ວຍຄວາມຮັບຜີດຊອບສູງ ເພາະມັນແມ່ນຄວາມຮັບຜີດຊອບໂດຍກົງ ຂອງພະນັກງານສະມະຊິກພັກ ໃນກຳລັງປ້ອງກັນຄວາມສະຫງົບ ສະນັ້ນໃນຊຸມຫລາຍປີທີ່ຜ່ານມາ ຄະນະພັກ-ຄະນະບັນຊາ ໃດ້ເອົາໃຈໃສ່ລົງເລີກຊີ້ນຳບັນດາເລົ່າລົບວິຊາສະເພາະປະຕິບັດທິດຊີ້ນຳວຽກງານສາມສ້າງ ຄະນະພັກຄະນະບັນຊາໃດ້ສຸມໃສ່ສ້າງບ້ານປ້ອງກັນຄວາມສະຫງົບ. ບ້ານປອດຢາເສບຕິດ, ສຳເລັດການປະກາດບ້ານປ້ອງກັນຄວາມສະຫງົບດີໄດ້ 70 ບ້ານ, ປະກາດບ້ານປອດຢາເສບຕິດໄດ້ 70 ບ້ານ ຮັບຮອງເເລ້ວ 04 ບ້ານ
ໃນຕອນທ້າຍຍັງໄດ້ປ່ອນບັດຄັດເລືອກເອົາສະມາຊິກພັກເພື່ອເຂົ້າກອງປະຊຸມໃຫຍ່ຄັ້ງທີ 8 ຂອງເມືອງອຸທຸມພອນ ໃນນັ້ນໃດ້ຄັດເລືອກ 15 ສະຫາຍ ເລືອກເອົາ 9 ສະຫາຍເພື່ອເຂົ້າກອງປະຊຸມໃຫຍ່ຂອງເມືອງ

ພາບຂ່າວ ປກສ ເເຂວງສະຫວັນນະເຂດ