ເມື່ອບໍ່ດົນມານີ້, ແຂວງບໍ່ແກ້ວ ໄດ້ສຳເລັດຊຸດຝຶກອົບຮົມ ການຂຽນຂ່າວ, ຂຽນບົດ ແລະ ຈັດລາຍວິທະຍຸ ເພື່ອຍົກລະດັບຄວາມຮູ້ໃຫ້ແກ່ບັນດານັກຂ່າວ, ນັກຈັດລາຍການວິທະຍຸ ຢູ່ບັນດາພະແນກການອ້ອມຂ້າງແຂວງ ແລະ ເມືອງ ໂດຍມີທ່ານ ສີສະອາດ ກຸມພົນ ຫົວ ໜ້າຫ້ອງການ ຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ເມືອງຕົ້ນເຜິ້ງ, ທ່ານ ບຸນທ່ຽງ ແກ້ວວິໄລວົງ ຫົວໜ້າພະແນກລາຍການເປົ້າໝາຍວິທະຍຸກະຈາຍສຽງແຫ່ງຊາດ ແລະ ພາກສ່ວນກ່ຽວຂ້ອງເຂົ້າຮ່ວມ.

ຕະຫລອດໄລຍະຝຶກອົບຮົມເປັນເວລາ 2 ວັນ ສຳມະນາກອນໄດ້ຮຽນຮູ້ກ່ຽວກັບ ປະເພດ ຂອງຊື່ຂ່າວ, ຂ່າວແມ່ນຍັງ, ພື້ນຖານການຂຽນຂ່າວ, ປັດໄຈຂ່າວ, ໂຄງຮ່າງການຂຽນຂ່າວ ໃນປັດຈຸບັນ, ປະເພດລາຍການທາງໂທລະສັບ, ພາລະບົດບາດ, ໜ້າທີ່ ແລະ ຈຸດພິເສດ ຂອງວິທະຍຸກະຈາຍສຽງ, ຄຸນສົມບັດຂອງໂຄສົກ, ນັກຈັດລາຍການ, ພາສາວິທະຍຸ, ຄວາມ ແຕກຕ່າງລະຫວ່າງພາສາຂຽນ ແລະ ເວົ້າ, ການສໍາພາດຂ່າວ ແລະ ປະເພດລາຍການວິທະ ຍຸ, ພ້ອມທັງໄດ້ມີການເຮັດທົດລອງການຈັດລາຍການວິທະຍຸຕົວຈິງ ການຂຽນຂ່າວ, ຂຽນ ບົດ ແລະ ອັດລາຍການທາງ ວິທະຍຸໂທລະໂຄ່ງ ຕື່ມອີກ.