ກຳມະບານເມືອງພະລານໄຊ ຖືເອົາວຽກງານການເມືອງແນວຄິດຢູ່ຂັ້ນຮາກຖານເປັນບັນຫາສຳຄັນ

0
125

ໃນວັນທີ 18-19 ກັນຍາ 2019 ທີ່ຜ່ານມາ, ສະຫະພັນກໍາມະບານເມືອງພະລານໄຊ ເຊິ່ງນໍາໂດຍ ທ່ານ ບຸນທະວີ ປັ່ນທະເສນ ປະທານຄະນະບໍລິຫານງານສະຫະພັນກຳມະບານເມືອງພະລານໄຊ ພ້ອມດ້ວຍວິຊາການທີ່ກ່ຽວຂ້ອງ ໄດ້ມີການລົງເຄື່ອນໄຫວເຜີຍແຜ່ກົດໝາຍວ່າດ້ວຍກຳມະບານລາວ, ກົດໝາຍວ່າດ້ວຍການຕ້ານການຄ້າມະນຸດ, ສິດພາລະບົດບາດຂອງຫ້ອງການໃຫ້ຄຳປຶກສາທາງດ້ານກົດໝາຍ ແລະ ສຳລັບແຮງງານເຄື່ອນຍ້າຍ ໃຫ້ແກ່ອຳນາດການປົກຄອງໃນເຂດກຸ່ມບ້ານທີ 2 ແລະ ກຸ່ມບ້ານທີ 8 ຂອງເມືອງພະລານໄຊ ໃຫ້ໄດ້ຮັບຮູ້ເຊື່ອມຊຶມວຽກງານດັ່ງກ່າວຢ່າງທົ່ວເຖິງ.

ໂດຍມີເລຂາຄະນະພັກຮາກຖານ, ປກສ ກຸ່ມບ້ານ ແລະ ອຳນາດການປົກຄອງ 11 ບ້ານທີ່ຂຶ້ນກັບກຸ່ມບ້ານທີ 2 ແລະ ກຸ່ມບ້ານທີ 8 ເຂົ້າຮ່ວມຈຳນວນ 79 ທ່ານ, ຍິງ 22 ທ່ານ. ຊຶ່ງຈຸດປະສົງໂດຍລວມໃນການລົງເຜີຍແຜ່ກົດໝາຍດັ່ງກ່າວ ກໍ່ແມ່ນເພື່ອເປັນການສ້າງຄວາມຮັບຮູ້ ແລະ ຄວາມເຂົ້າໃຈໃຫ້ແກ່ອຳນາດການປົກຄອງຢູ່ຂັ້ນຮາກຖານ ໃນການປົກປ້ອງສິດຜົນປະໂຫຍດຂອງສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານລາວບັນດາເຜົ່າໃຫ້ໄດ້ເພີ່ມຫຼາຍຂຶ້ນ.

ສະຫະພັນກຳມະບານແຂວງສະຫວັນນະເຂດ
ຂ່າວ -ພາບ:ວັນນະເລດ ມະນີວົງ.