ພິທີຮັບທຸງໄຊນຳໜ້າຊາວໜຸ່ມເມືອງ 4 ບຸກ ແລະ ເມືອງເຍົາວະຊົນທັນວາ 3 ດີ 4 ຮູ້ ໄດ້ ຈັດຂື້ນ ໃນຕອນເຊົ້າຂອງວັນທີ 23 ກັນຍາ 2019 ນີ້ ທີ່ສະໂມສອນຂອງເມືອງວິລະບູລີ ພາຍໃຕ້ການເຂົ້າຮ່ວມຂອງສະຫາຍ ຄຳຜຸຍ ສີບຸນເຮືອງ ກຳມະການພັກແຂວງ ເລຂາພັກເມືອງ ເຈົ້າເມືອງວິລະບູລີ,ພາຍໃຕ້ການເປັນປະທານຂອງສະຫາຍ ພູລຳພອນ ສີຫາວົງ ເລຂາຄະນະບໍລິຫານງານຊາວໜຸ່ມແຂວງສະຫວັນນະເຂດ,ຄະນະບໍລິຫານງານຊາວໜຸ່ມເມືອງ, ສະມາຊິກຊາວໜຸ່ມ ຮາກຖານ, ໜ່ວຍ ແລະ ກອງເຍົາວະຊົນທັນວາພາຍໃນເມືອງ ພ້ອມດວ້ຍແຂກຖືກເຊີນເຂົ້າຮ່ວມ.

ກອງປະຊຸມແມ່ນເລີ່ມຕົ້ນດວ້ຍການຊົມການສະແດງສີລະປະວັນນະຄະນະດີຈາກນ້ອງນັກຮຽນມັດທະຍົມສົມບູນພູຄຳ ຈາກນັ້ນແມ່ນຕາມດວ້ຍກ້ອນກຳລັງຂອງ ໜ່ວຍຊາວໜຸ່ມທີ່ໄດ້ຮັບທຸງໄຊນຳໜ້າຊາວໜຸ່ມ 4 ບຸກ ຈຳນວນ 12 ໜ່ວຍ ແລະ ເຍົາວະຊົນ 3 ດີ 4 ຮູ້ ຈຳນວນ 6 ໂຮງຮຽນ, ກອງປະຊຸມຍັງໄດ້ຮັບຟັງການສະຫຼຸບລາຍງານໃນການຈັດຕັ້ງປະຕິບັດວຽກງານ 4 ບຸກ ຂອງຊາວໜຸ່ມ, ວຽກງານ 3 ດີ 4 ຮູ້ຂອງເຍົາວະຊົນ ແລະ ທິດທາງແຜນການໃນຕ່ໍໜ້າ ຈາກ ສະຫາຍ ນາງ ມົນຄຳ ຫຼວງພົມມາ ເລຂາຄະນະບໍລິຫານງານຊາວໜຸ່ມເມືອງວິລະບູລີ, ກອງປະຊຸມແມ່ນໄດ້ມີການມອບຮັບທຸງໄຊຊາວໜຸ່ມ 4 ບຸກ ແລະ ເຍົາວະຊົນ 3 ດີ 4 ຮູ້ ໃຫ້ກັບເມືອງວິລະບູລີ ຄັ້ງທີ 1 ໃຫ້ກຽດມອບໂດຍສະຫາຍ ພູລຳພອນ ສີຫາວົງ ເລຂາຄະນະບໍລິຫານງານຊາວໜຸ່ມແຂວງສະຫວັນນະເຂດ ຮັບ ໂດຍ ເລຂາຄະນະບໍລິຫານງານຊາວໜຸ່ມເມືອງວິລະບູລີ,

ມອບທຸງໄຊຊາວໜຸ່ມ4 ບຸກ ໃຫ້ 12 ໜ່ວຍ ປະກອບມີ ຮາກຖານຊາວໜຸ່ມ ກອງບັນຊາການປ້ອງກັນຄວາມສະຫງົບສຸກເມືອງ, ຮາກຖານ ຊາວໜຸ່ມກອງບັນຊາການທະຫານເມືອງ, ໜ່ວຍຊາວໜຸ່ມຫ້ອງວ່າການເມືອງ, ໜ່ວຍຊາວໜຸ່ມກະສິກຳ-ປ່າໄມ້ເມືອງ, ໜ່ວຍຊາວໜຸ່ມແນວລາວສ້າງຊາດເມືອງ, ໜ່ວຍຊາວໜຸ່ມ ຫ້ອງການ ຖະແຫຼ່ງຂ່າວ-ວັດທະນະທຳແລະທ່ອງທ່ຽວເມືອງ, ໜ່ວຍຊາວໜຸ່ມຫ້ອງການການເງິນເມືອງ,ໜ່ວຍຊາວໜຸ່ມຈັດຕັ້ງເມືອງ,ໜ່ວຍຊາວໜຸ່ມສາທາລະນະສຸກເມືອງໜ່ວຍຊາວໜຸ່ມສຶກສາທິການແລະກິລາເມືອງ, ໜ່ວຍຊາວໜຸ່ມຫ້ອງການຊັບພະຍາກອນທຳມະຊາດແລະສິ່ງແວດລ້ອມເມືອງ ໂດຍໃຫ້ກຽດມອບໂດຍ ສະຫາຍ ຄຳຜຸຍ ສີບຸນເຮືອງ ເຈົ້າເມືອງວິລະບູລີ, ມອບທຸງໄຊກອງເຍົາວະຊົນ 3 ດີ 4 ຮູ້ ໃຫ້ ໂຮງຮຽນ ປະກອບມີ ໂຮງຮຽນມັດທະຍົມສົມບູນພູຄຳ, ໂຮງຮຽນມັດທະຍົມສົມບູນເມືອງວັງ, ໂຮງຮຽນປະຖົມສົມບູນພູຄຳ,

ໂຮງຮຽນປະຖົມສົມແກ້ວວິໄລ ແລະ ໂຮງຮຽນປະຖົມສົມບູນນາຍົມ ເຊິ່ງໃຫ້ກຽດມອບຂອງສະຫາຍ ນາງມົນຄຳ ຫຼວງພົມມາ ເລຂາຊາວໜຸ່ມເມືອງ, ຈາກນີ້ ກໍ່ຍັງໄດ້ມີການມອບໃບຍ້ອງຍໍຂອງຊາວໜຸ່ມແຂວງສະຫວັນນະເຂດ ໃຫ້ກັບບໍລິສັດລ້ານຊ້າງ ມີເນໂຣນ ລີເມເຕັດ ທີ່ໄດ້ປະກອບສ່ວນທຶນງົບປະມານເຂົ້າໃນກອງປະຊຸມດັ່ງກ່າວ, ມີການມອບໃບສັນລະເສີນຂອງທ່ານ ເຈົ້າເມືອງວິລະບູລີໃຫ້ກັບຮາກຖານ ໜ່ວຍຊາວໜຸ່ມ, ກອງເຍົາວະຊົນ ຈຳນວນ 100 ສະຫາຍ ຍິງ 43 ສະຫາຍ ໃຫ້ກຽດມອບໂດຍ ສະຫາຍ ທອງໄຫຼ ວິໄລພອນ ປະທານກວດກາພັກ-ລັດເມືອງ, ມອບໃບຊົມເຊີຍຂອງຄະນະບໍລິຫານງານຊາວໜຸ່ມແຂວງໃຫ້ກັບຮາກຖານ, ໜ່ວຍຊາວໜຸ່ມ ແລະ ກອງເຍົາວະຊົນຈຳນວນ 53 ສະຫາຍ ຍິງ 16 ສະຫາຍ, ໂດຍໃຫ້ກຽດມອບ ຂອງສະຫາຍ ມຸນທາ ໄຊຍະລິດ ຮອງເຈົ້າເມືອງວິລະບູລີ, ມອບໃຫ້ຍ້ອງຍໍຂອງຄະນະບໍລິຫານງານຊາວໜຸ່ມແຂວງສະຫວັນນະເຂດ ໃຫ້ກັບຮາກຖານ,ໜ່ວຍຊາວໜຸ່ມແລະ ກອງເຍົາວະຊົນ ຈຳນວນ 23 ສະຫາຍ ຍິງ 6 ສະຫາຍ ໂດຍ ສະຫາຍ ຄຳຜຸຍ ສີບຸນເຮືອງ ເຈົ້າເມືອງວິລະບູລີ ມອບໃຫ້ຢ່າງສົມກຽດ, ເຊິ່ງໃນຕອນທ້າຍ ຍັງໄດ້ຮັບກຽດຈາກສະຫາຍ ພູລຳພອນ ສີຫາວົງ ເລຂາຊາວໜຸ່ມແຂວງສະຫວັນນະເຂດ ແລະ ສະຫາຍ ຄຳຜຸຍ ສີບຸນເຮືອງ ເລຂາພັກເມືອງວິລະບູລີ ມີຄຳເຫັນໂອ້ລົມຕື່ມອີກ.

ພາບຂ່າວ:ຄຳແພງເພັດ ຂັນຕິວົງ