ກອງປະຊຸມຜ່ານຮ່າງເນື້ອໃນ ແລະ ທາບທາມບຸກຄະລາກອນ ຮອບທີ 2 ຂອງກອງປະຊຸມໃຫ່ຍຄັ້ງທີ 13 ຂອງອົງຄະນະພັກເມືອງປາກແບງ ໄດ້ໄຂຂຶ້ນໃນຕອນເຊົ້າວັນທີ 26 ກັນຍາ 2019 ທີ່ສະໂມສອນຂອງເມືອງປາກແບງ ໂດຍການເຂົ້າຮ່ວມຂອງທ່ານ ພອນສະຫັວນ ພັນທະວິຈິດ ຄະນະປະຈຳພັກແຂວງ ຫົວໜ້າພະແນກ ຖວທ ແຂວງອຸດົມໄຊ ຜູ້ຊີ້ນຳເມືອງປາກແບງ, ມີທ່ານ ຄຳເຜີຍ ງອນວັນຄຳ ກຳມະການພັກແຂວງ ເລຂາພັກເມືອງ ເຈົ້າເມືອງ ເມືອງປາກແບງ, ມີຄະນະພັກເມືອງ ເລຂາຄະນະພັກກຸ່ມບ້ານ ຄະນະຮັບຜິຊອບຊ່ວຍວຽກກອງປະຊຸມຂອງເມືອງ ເຂ້າຮ່ວມ.

ໃນກອງປະຊຸມຄັ້ງນີ້ຜູ້ແທນທີ້ເຂົ້າຮ່ວມແມ່ນໄດ້ຮັບຟັງການຜ່ານຮ່າງເນື້ອໃນລາຍງານການເມືອງ, ແຜນພັດທະຈາເສດຖະກິດ -ສັງຄົມ, ບົດສຳຫຼວດການນຳພາລວມຂອງຄະນະພັກເມືອງ ໃນນັ້ນຜູ້ແທນທີ່ເຂົ້າຮ່ວມແມ່ນໄດ້ພ້ອມກັນປະກອບຄຳຄິດຄຳເຫັນຕໍ່ກັບຮ່າງເນື້ອໃນ ເພື່ອເຮັດໃຫ້ຮ່າງເນື້ອໃນດັ່ງກ່າວມີເນື້ອໃນຄົບຖ້ວນສົມບູນ ແລະ ສອດຄ່ອງ. ໃນກອງປະຊຸມຜູ້ແທນສົບູນທີ່ເຂົ້າຮ່ວມຍັງໄດ້ໃຊ້ສິດປະຊາທິປະໄຕໃນການປ່ອນບັດທາບທາມບຸກຄະລາກອນ ທີ່ຈະສະໝັກເຂົ້າຄະນະພັກເມືອງ ເພື່ອກະກຽມຄວາມພ້ອມໃຫ້ແກ່ການດຳເນີນກອງປະຊຸມໃຫ່ຍຄັ້ງທີ 13 ຂອງອົງຄະນະພັກເມືອງປາກແບງ ທີ່ຈະໄຂຂຶ້ນໃນທ້າຍເດືອນຕຸລາ 2019 ໃຫ້ທັນຕາມກຳນົດເວລາ.

ພາບ-ຂ່າວ: ສີຈັນ ເກດວົງສາ.