ພິທີມອບ-ຮັບເຄື່ອງຊ່ວຍເຫຼືອໃຫ້ຜູ້ປະສົບໄພນໍ້າຖ້ວມທີ່ເມືອງວິລະບູລີ

0
159

ໃນວັນທີ23 ກັນຍາ 2019ຜ່ານມານີ້ຄະນະບໍລິຫານງານຊາວໜຸ່ມແຂວງມອບເຄື່ອງຊ່ວຍເຫຼືອຈຳນວນໜຶ່ງເຊິ່ງມີ: ນໍ້າດື່ມ,ເຂົ້າສານ, ນົມ,ໝີ່ແລະອື່ນໆລວມເປັນມູນຄ່າທັງໝົດ2.000.000ກີບໃຫ້ແກ່ເມືອງວິລະບູລີໂດຍເປັນກຽດມອບຂອງສະຫາຍ ພູລຳພອນ ສີຫາວົງ ເລຂາຄະນະບໍລິຫານງານຊາວໜຸ່ມແຂວງພ້ອມຄະນະໂດຍເປັນກຽດກ່າວຮັບຂອງສະຫາຍ ຄຳຜຸຍ ສີບຸນເຮືອງ ກຳມະການພັກແຂວງ,ເຈົ້າເມືອງໆວິລະບູລີມີບັນດາຜູ້ທີກ່ຽວຂ້ອງທັງສອງຝ່າຍເຂົ້າຮ່ວມທັງໝົດ16 ສະຫາຍ: ຍິງ7ສະຫາຍ.

ໃນໂອກາດນີ້, ສະຫາຍ ຄຳຜຸຍ ສີບຸນເຮືອງ ເຈົ້າເມືອງໆວິລະບູລີໄດ້ສະແດງຄວາມຂອບໃຈຢ່າງສູງກັບ ຄະນະບໍລິຫານງານຊາວໜຸ່ມແຂວງພ້ອມຄະນະທີ່ມີນໍ້າໃຈເອື້ອເພື້ອເພື່ອແຜ່ໃຫ້ການຊ່ວຍເຫຼືອປະຊາຊົນທີ່ຖືກໄພນໍ້າຖ້ວມຄັ້ງນີ້,ຕາງໜ້າໃຫ້ປະຊາຊົນເມືອງວິລະບູລີປະຕິຍານວ່າ: ຈະນຳເອົາເຄື່ອງຊ່ວຍເຫຼືອດັ່ງກ່າວໄປມອບໃຫ້ຮອດມື ປະຊາຊົນ ແລະ ຫວັງວ່າໂອກາດໜ້າຈະໄດ້ຮັບການຊ່ວຍຈາກບັນດາທ່ານຕື່ມອີກ.