ເສນາທິການທະຫານແຂວງ ຈັດພິທີມອບ-ຮັບບັດສະມາຊິກພັກສົມບູນ

0
81

ໃນຕອນເຊົ້າວັນທີ 26 ກັນຍາ 219 ນີ້ ໜ່ວຍພັກທີ 2 ຂື້ນກັບຫ້ອງເສນາທິການທະຫານແຂວງສະຫວັນະເຂດ,ໄດ້ຈັດພິທີມອບບັດສະມາຊິກພັກສົມບູນໃຫ້ສະມາຊິກພັກຈຳນວນ 21 ສະຫາຍ ໂດຍພາຍໃຕ້ການເຂົ້າຮ່ວມເປັນປະທານຂອງສະຫາຍ ພັນໂທ ແກ້ວ ຄຳບຸນເລີຍ ຄະນະພັກຮາກຖານ ຮອງຫົວໜ້າຫ້ອງເສນາທິການທະຫານແຂວງ,ມີສະຊິກພັກສົມບູນພາຍໃນໜ່ວຍ ແລະ ແຂກທີ່ຖືກເຊີນຈາກຈາກໜ່ວຍພັກຫ້ອງເສນາເຂົ້າຮ່ວມ.

ສະຫາຍ ພັນໂທ ຄຳເພັດ ໄຊຍະສີຍາ ເລຂາໜ່ວຍພັກທີ 2 ໄດ້ຂື້ນຜ່ານບົດສະຫຼຸບໃນໄລຍະຜ່ານມາ ແລະ ຜ່ານທິດທາງແຜນການໃນຕໍ່ໜ້າ ເຊິ່ງເຫັນໄດ້ດ້ານດີ-ດ້ານອອ່ນ ແລະ ຂໍ້ຄົງຄ້າງທີ່ຈະຕ້ອງໄດ້ແກ້ໄຂ ໂດຍສະເພາະວຽກງານການເມືອງແນວຄິດຕ້ອງໄດ້ເພີ້ມທະວີສືກສາອົບຮົມໃຫ້ພະນັກງານສະມາຊິກພັກພາຍໃນໜ່ວຍໄດ້ເຊື່ອມຊືມກຳແໜ້ນບັນດາແນວທາງແຜນນະໂຍບາຍຂອງພັກກົດໝາຍຂອງລັດ ກົດລະບຽບຂອງກອງທັບໃຫ້ເລີກເຊິ່ງ.

ຈາກນັ້ນກໍ່ໄດ້ຜ່ານຂໍ້ຕົກລົງຂອງທ່ານເຈົ້າແຂວງສະຫວັນະເຂດວ່າດ້ວຍການມອບບັດສະມາຊິກພັກສົມບູນໃຫ້ພະນັກງານທີ່ຄົບມາດຖານເງື່ອນໄຂທີ່ຈະຕ້ອງຮັບບັດແດງໃນໜ່ວຍພັກທີ 2 ຫ້ອງເສນາທິການທະຫານແຂວງ,ໂອກາດນີ້ກໍ່ໄດ້ຈັດພິທີມອບຢ່າງເປັນທາງການໂດຍຂື້ນມອບຂອງສະຫາຍແກ້ວຄຳບູນເລີຍ ຮອງຫົວໜ້າຫ້ອງເສນາທິການທະຫານແຂວງສະຫວັນະເຂດຢ່າງສົມກຽດ.

ຕອນທ້າຍຍັງໄດ້ຮັບຟັງການໂອ້ລົມຂອງສະຫາຍຮອງຫົວໜ້າຫ້ອງເສນາທິການທະຫານແຂວງ ເຊິ່ງກ່ອນອື່ນສະຫາຍໄດ້ສະແດງຄຳຍ້ອງຍໍຊົມເຊີຍຕໍ່ຜົນງານກໍ່ຄືບັນດາສະຫາຍທີ່ໄດ້ຮັບບັດສະມາຊິກພັກສົມບູນໃນຄັ້ງນີ້ ພ້ອມທັງຮຽກຮ້ອງໃຫ້ສະມາຊິກພັກທຸກສະຫາຍຈົ່ງພ້ອມກັນສືບຕໍ່ເຮັດໜ້າທີ່ວິຊາສະເພາະທີ່ຕົນຮັບພິຊອບໃຫ້ມີຜົນສຳເລັດເປັນຢ່າງດີຕາມທີ່ພັກ-ລັດ ແລະ ການຈັດຕັ້ງມອບໝາຍໃຫ້.

ພາບ-ຂ່າວ ພານິດ ພິລາວົງ