ໃນວັນທີ 25 ກັນຍາ 2019ຜ່ານມາ ທີ່ຫ້ອງການ ປກສ ເມືອງທ່າປາງທອງ ແຂວງສະຫັວນນະເຂດ ໄດ້ຈັດພິທີມອບ-ຮັບ ອາວຸດລ່າເນື້ອໃຫ້ກອງບັນຊາການ ປກສ ແຂວງ ໂດຍການເປັນກຽດເຂົ້າຮ່ວມໃນພິທີມອບ-ຮັບຄັ້ງນີ້ມີທ່ານ ພັນໂທ ວຽງທອງ ຫຼ້າບົວພອນ ຄະນະກອງບັນຊາການປກສ ແຂວງ ຫົວໜ້າຫ້ອງສາມະໂນຄົວ ແລະ ກໍ່ສ້າງຮາກຖານ ປກສ ແຂວງ ພ້ອມຄະນະ,ທ່ານ ພັນໂທ ຈັນທະວີ ໄຊຍະຈັກ ຄະນະກອງບັນຊາການ ປກສ ເມືອງ,ທ່ານ ພັນຕີ ໄພມະນີ ພາວັນດີ ຄະນະກອງບັນຊາການ ປກສ ເມືອງ ຕະຫຼອດເຖີງຫົວໜ້າພະແນກ,ຮອງພະແນກ ພະນັກງານນັກຮົມເຂົ້າຮ່ວມ.

ພິທີມອບອາວຸດລ່າເນື້ອ

ທ່ານ ພັນໂທ ຈັນທະວີ ໄຊຍະຈັກ ຄະນະກອງບັນຊາ ປກສ ເມືອງ ໄດ້ໃຫ້ກຽດກ່າວມອບ ແລະ ໃຫ້ຮູ້ວ່າ:ກອງບັນຊາການ ປກສ ເມືອງ ໄດ້ສົມທົບກັບ ຄະນະພັກຮາກພັກຮາກຖານ ຈຸດສຸມກຸ່ມບ້ານ ອົງການປົກຄອງບ້ານ ໄດ້ເອົາໃຈໃສ່ ໃນການແກ້ໄຂ ແລະ ສະກັດກັ້ນ ປະກົດການຫໍ້ທໍ້ໃນສັງຄົມ ໂດຍສະເພະແມ່ການຕິດຕາມກວດກາ ເກັບກູ້ອາວຸດເສີກ ແລະ ຢຶດອາວຸດລ່າເນື້ອ,ທາດແຕກ,ທາດລະເບີດ ແລະ ອຸປະກອນອື່ນໆຈາກຜູ້ລະເມີດຕໍກົດລະບຽບກົດໜາຍໃນຄັ້ງນີ້ ປະກອບມີປືນແກ້ບ ແລະ ເລົາປືນແກ້ບ ຈຳນວນທັງໜົດ 422 ກະບອກ.
ກ່າວມອບແມ່ນ ທ່ານ ພັນໂທ ຈັນທະວີ ໄຊຍະຈັກ ຄະນະກອງບັນຊາການ ປກສ ເມືອງ ກ່າວຮັບແມ່ນທ່ານ ພັນໂທ ວຽງທອງ ຄະນະກອງບັນຊາການ ປກສ ແຂວງສະຫັວນນະເຂດ ໂດຍຊ້ອງໜ້າພະນັກງານ ປກສ ເມືອງ ແລະ ນາຍບ້ານທ່າສາລາຄຳ ເປັນສັກຂີພິຍານ.
ຂ່າວ-ພາບ:ດວງໃຈ ແສນບຸດຕະລາດ