ລວມມິດສາຍຍາດ ມອບຊຸດກິລາໃຫ້ຫ້ອງວ່າການປົກຄອງເມືອງຄຳ, ແຂວງຊຽງຂວາງ

ວັນທີ 27 ກັນຍາ 2019 ຄະນະທີມງານລວມມິດສາຍຍາດ ນຳພາຄະນະໂດຍທ່ານບົວເງິນ ຫຸມໄຊຍະພົມ ຄະນະປະຈຳພັກແຂວງ, ຫົວໜ້າພະແນກແຜນການ ແລະ ການລົງທຶນແຂວງຊຽງຂວາງ ພ້ອມດ້ວຍຄະນະ ໄດ້ນຳເອົາຊຸດກິລາຈຳນວນໜຶ່ງ ໄປມອບໃຫ້ຫ້ອງວ່າການປົກຄອງເມືອງຄຳ, ແຂວງຊຽງຂວາງ ເພື່ອເປັນການສ້າງຂະບວນການຂຳນັບຮັບຕ້ອນ ກອງປະຊຸມໃຫຍ່ຄັ້ງທີ່X ຂອງອົງຄະນະພັກເມືອງຄຳ, ແຂວງຊຽງຂວາງທີ່ຈະຈັດຂື້ນໃນຕໍ່ໜ້ານີ້ ໃຫ້ມີບັນຍາກາດອັນຟົດຟື້ນ ແລະ ເພື່ອເປັນການຮັດແໜ້ນຄວາມສາມັກຄີລະຫວ່າງ ຫ້ອງວ່າການປົກຄອງເມືອງຄຳ,ແຂວງຊຽງຂວາງ ແລະ ລວມມິດສາຍຍາດ ໃຫ້ນັບມື້ແໜນແຟ້ນຂື້ນກວ່າເກົ່າ. ຈາກນັ້ນ, ໄດ້ສ້າງຂະບວນການຫຼີ້ນກິລາມິດຕະພາບເພື່ອຄວາມສາມັກຄີຕື່ມອີກ.