ສະຖານເອກອັກຄະລາຊະທູດແຫ່ງ ລາຊະອານາຈັກໄທ ປະຈຳ ສາທາລະນະລັດ ປະຊາທິປະໄຕ ປະຊາຊົນລາວ ໃຫ້ຮູ້ວ່າ: ວັນທີ 26 ກັນຍາ 2019, ທ່ານ ກຽດຕິຄຸນ ຊາດປະເສີດ ເອກອັກຄະລາຊະທູດແຫ່ງ ລາຊະອານາຈັກໄທ ປະຈຳ ສປປ ລາວ ໄດ້ເປັນປະທານໃນພິທີຮັບພະລາຊະທານເຄື່ອງລາຊະອິດສະລິຍາພອນ ອັນຊົງກຽດເປັນຢ່າງຍິ່ງຊັ້ນຫລຽນຄຳດິເລກຄຸນາພອນ ເຊິ່ງກະສັດ ແຫ່ງ ລາຊະອານາຈັກໄທ ໄດ້ພະລາຊະທານແກ່ທ່ານ ໄພຈິດ ກ້ອນປະທຸມ ແລະ ທ່ານ ອາເຢັນ ວິຊຸນດາລາ

ພິທີປະດັບຫຼຽນຄຳ ສະຖານເອກອັກຄະລາຊະທູດແຫ່ງ ລາຊະອານາຈັກໄທ ປະຈຳ ສປປ ລາວ

ຜູ້ເຂົ້າຮ່ວມປະຕິບັດການພາລະກິດຄົ້ນຫານັກກິລາບານເຕະເຍົາວະຊົນ ແລະ ຜູ້ຝຶກສອນຊາວໄທ ຈຳນວນ 13 ຄົນ ທີ່ຫລົງທາງຢູ່ໃນອຸທິຍານຖໍ້າຫລວງ-ຂຸນນ້ຳນາງນອນ ຈັງຫວັດຊຽງລາຍ ລະຫວ່າງວັນທີ 23 ມິຖຸນາ 2018-10 ກໍລະກົດ 2018.

ເຂົ້າຮ່ວມໃນພິທີ ມີພະນັກງານສະຖານເອກອັກຄະລາຊະທູດໄທ ປະຈຳ ສປປ ລາວ ແລະ ທີມປະເທດໄທ ພ້ອມດ້ວຍຄູ່ສົມລົດ, ຜູ້ຕາງໜ້າຈາກກະຊວງການຕ່າງປະເທດ ສປປ ລາວ ແລະ ຜູ້ແທນຈາກມູນລະນິທິຊ່ວຍເຫລືອຄົນທຸກຍາກແຫ່ງ ສປປ ລາວ ຫລື ກູ້ໄພ 1623 ເຊິ່ງເປັນມູນນິທິ ທີ່ຮັບພະລາຊະທານເຄື່ອງລາຊະອິດສະລິຍາພອນ.

ພິທີປະດັບຫຼຽນຄຳ ສະຖານເອກອັກຄະລາຊະທູດແຫ່ງ ລາຊະອານາຈັກໄທ ປະຈຳ ສປປ ລາວ

ໃນໂອກາດດັ່ງກ່າວ, ເອກອັກຄະລາຊະທູດ ໄທ ກໍໄດ້ກ່າວສະແດງຄວາມຍິນດີແກ່ທ່ານ ໄພຈິດ ກ້ອນປະທຸມ ແລະ ທ່ານ ອາເຢັນ ວິຊຸນດາລາ ທີ່ໄດ້ຮັບເຄື່ອງລາຊະອິດສະລິຍາພອນ ຊັ້ນຫລຽນຄໍາດິເລກຄຸນາພອນ ອັນຊົງກຽດ ເຊິ່ງສະແດງໃຫ້ເຫັນເຖິງນ້ຳໃຈໄມຕີຈິດຂອງປະຊາ ຊົນລາວ ທີ່ມີຕໍ່ຊາວໄທ ແລະ ຊ່ວຍສົ່ງເສີມການພົວພັນຮ່ວມມືລະຫວ່າງສອງປະເທດໃຫ້ແໜ້ນແຟ້ນຍິ່ງຂຶ້ນດ້ວຍ.

ໃນໂອກາດດຽວກັນ, ທ່ານ ເອກອັກຄະລາຊະທູດ ແລະ ພັນລະຍາ ຍັງໄດ້ເປັນເຈົ້າພາບລ້ຽງອາ ຫານທ່ຽງໃຫ້ແກ່ຜູ້ໄດ້ຮັບເຄື່ອງລາຊະອິດສະລິຍາພອນທັງສອງທ່ານ ແລະ ແຂກຜູ້ມີກຽດທີ່ເຂົ້າຮ່ວມພິທີອີກດ້ວຍ.