ພິທີມອບ-ຮັບຢາ ແລະອຸປະກອນສະຕະວະແພດລະຫວ່າງພະແນກກະສິກໍາ-ປ່າໄມ້ແຂວງເຊກອງ ແລະ ກົມລ້ຽງ ແລະການປະມົງ, ກະຊວງກະສິກໍາ-ປ່າໄມ້ ໄດ້ຈັດຂຶ້ນໃນຕອນເຊົ້າວັນທີ 26 ກັນຍາ 2019 ທີ່ ພະແນກກະສິກໍາ-ປ່າໄມ້ແຂວງ ກ່າວມອບແມ່ນທ່ານ ດຣ. ສີແສງ ຂຸນສີ ຮອງຫົວໜ້າກົມລ້ຽງສັດ ແລະການປະມົງ, ກ່າວຮັບແມ່ນ ທ່ານ ສົມຫວັງ ຂໍາມະວົງ ຫົວໜ້າພະແນກກະສິກໍາ-ປ່າໄມ້ແຂວງ ໂດຍຊ້ອງໜ້າພະນັກງານທີ່ກ່ຽວຂ້ອງທັງສອງຝ່າຍ.

ອຸປະກອນທີ່ມອບຮັບໃນຄັ້ງນີ້ ປະກອບມີຢາປ້ອງກັນພະຍາດເຕົ້າໂຮມເລືອດງົວ-ຄວາຍ 1.000 ກ໋ອງມູນຄ່າ 23 ລ້ານກີບ, ຢາຕ້ານເຊື້ອ (ເພັນສະເຕັບ) 100 ກ໋ອງມູນຄ່າ 10 ລ້ານກີບ, ເຂັມ 60 ກັບມູນຄ່າ 2,28 ລ້ານກີບ, ສະແລັງ 30 ກັບມູນຄ່າ 2 ລ້ານກວ່າກີບ ແລະເງິນສົດຈໍານວນ 10 ລ້ານກີບ.
ເຄື່ອງອຸປະກອນ ແລະເງິນຈໍານວນດັ່ງກ່າວ ນີ້ແມ່ນຈະໄດ້ນໍາໃຊ້ເຂົ້າໃນການປະຕິບັດໜ້າທີ່ວຽກງານວິຊາສະ ເພາະລົງເຄື່ອນໄຫວສັກຢາໃຫ້ສັດລ້ຽງ (ງົວ-ຄວາຍ) ຂອງປະຊາຊົນໃຫ້ເກີດປະໂຫຍດສູງສຸດ

ຂ່າວ : ສັນຍາ