ໃນວັນທີ 27 ກັນຍາ 2019 ນີ້, ພະແນກໂຍທາທິການ ແລະຂົນສົ່ງ ແຂວງສາລະວັນ ເຊື່ອມຊຶມເອກະສານດໍາເນີນຊີວິດການເມືອງທ້າຍສະໄໝ, ໂດຍການເປັນປະທານຂອງທ່ານ ຄໍາຈັນ ແຈ່ມສະໝອນ ຄະນະປະຈໍາພັກແຂວງ ປະທານຄະນະກວດກາແຂວງ, ທ່ານ ບົວແພງເພັດ ໂພໄຊ ເລຂາຄະນະພັກຮາກຖານ ຫົວໜ້າພະແນກໂຍທາທິການ ແລະຂົນສົ່ງ, ມີບັນດາແຂກຖືກເຊີນ ແລະສະມາຊິກພັກຮາກຖານພາຍໃນໜ່ວຍເຂົ້າຮ່ວມ.

ໄດ້ເຊື່ອມຊຶມເອກະສານເອກະສານເດັດດ່ຽວປັບປຸງປົວແປງພັກປອດໃສ, ເຂັ້ມແຂງ ແລະໜັກແໜ້ນ, ຄໍາສັ່ງວ່າດ້ວຍການເພີ່ມທະວີກໍ່ສ້າງໜ່ວຍພັກປອດໃສ, ເຂັ້ມແຂງ ແລະໜັກແໜ້ນ, ເຊື່ອມຊຶມຄໍາແນະນຳກ່ຽວກັບການຈັດຕັ້ງປະຕິບັດຄຳສັ່ງຂອງກົມການເມືອງສູນກາງພັກ, ບົດແນະນຳການດຳເນີນຊີວິດການເມືອງພາຍໃນພັກ ເພື່ອກ້າວເຂົ້າສູ່ກອງປະຊຸມໃຫຍ່ 3 ຂັ້ນ, ຄຳສັ່ງວ່າດ້ວຍ ການກະກຽມກອງປະຊຸມໃຫຍ່ອົງຄະນະພັກແຂວງ, ອົງຄະນະພັກເມືອງ ແລະຮາກຖານພັກໃນທົ່ວແຂວງສາລະວັນ ແລະຄຳແນະນຳກ່ຽວກັບການຈັດຕັ້ງປະຕິບັດຄຳສັ່ງຂອງຄະນະເລຂາທິການສູນກາງພັກ ວ່າດ້ວຍການກະກຽມດຳເນີນກອງປະຊຸມໃຫຍ່ອົງຄະນະພັກກະຊວງ-ອົງການແຂວງ, ນະຄອນຫຼວງ, ອົງຄະນະພັກເມືອງ ແລະຮາກຖານພັກໃນຂອບເຂດທົ່ວປະເທດ

ພາບ-ຂ່າວ:ທິດລານີ