ພິທີພົບປະລະຫວ່າງຄະນະຜູ້ແທນສະພາປະຊາຊົນແຂວງດຽນບຽນ ແຫ່ງ ສສ ຫວຽດນາມ ກັບ ຄະນະຜູ້ແທນສະພາປະຊາຊົນແຂວງຜົ້ງສາລີ ແຫ່ງ ສ ປປ ລາວ ໄດ້ຈັດຂຶ້ນ ໃນວັນທີ 26 ກັນຍາ 2019 ທີ່ຜ່ານມານີ້ ທີ່ຫ້ອງປະຊຸມແຂວງສະພາປະຊາຊົນແຂວງ ດຽນບຽນ ແຫ່ງ ສສ ຫວຽດນາມ; ຄະນະຜູ້ແທນສະພາປະຊາຊົນແຂວງຜົ້ງສາລີ ນໍາໂດຍ ທ່ານ ປອ ຈັນສີ ແສງສົມພູ ກໍາມະການພັກແຂວງ, ຮອງປະທານ ສພຂ ແຂວງຜົ້ງສາລີ; ຄະນະຜູ້ແທນສະພາປະຊາຊົນແຂວງດຽນບ່ຽນ ນໍາໂດຍ ລໍ ວັນ ມ່ວນ ຮອງເລຂາພັກແຂວງ, ຜູ້ປະຈໍາການ, ປະທານສະພາປະຊາຊົນແຂວງດຽນບຽນ.

ພິທີພົບປະລະຫວາງຄະນະຜູ້ແທນ 2 ແຂວງໃນຄັ້ງນີ້ ກໍ່ເພື່ອເປັນການເພີ່ມທະວີ ສາຍພົວພັນ ລະຫວ່າງ ສະພາປະຊາຊົນແຂວງດຽນບ່ຽນ ກັບ ສະພາປະຊາຊົນແຂວງຜົ້ງສາລີ ໃຫ້ນັບມື້ນັບສູ່ງຂຶ້ນ ທາງເປັນການຮັດແໜ້ນ ນໍ້າໃຈຄວາມສາມັກຄີມິດຕະພາບແບບພິເສດລະຫ່ວາງ 2 ປະເທດ, 2 ແຂວງ ແລະ ທາງເປັນການຊຸກຍູ້ການຮ່ວມມືຮອບດ້ານ ລະຫວ່າງສອງຄະນະພັກ, ສອງສະພາປະຊາຊົນແຂວງ, ແລະ ພ້ອມດ້ວຍປະຊາຊົນບັນດາເຜົ່າ ທາງສອງແຂວງ.
ພິທິພົບປະໃນ ຄັ້ງນີ້ ທັງສອງຝ່າຍໄດ້ຜັດປ່ຽນກັນ ຂື້ນລາຍງານສະພາບລວມການພັດທະນາເສດຖະກິດ-ສັງຄົມຂອງແຂວງ, ລາຍງານໂຄງປະກອບການຈັດຕັ້ງຂອງສະພາປະຊາຊົນແຂວງ ແລະ ແລກປ່ຽນບາງບົດຮຽນລະຫວ່າງສອງສະພາປະຊາຊົນແຂວງ ເປັນຕົ້ນ: ການເຄື່ອນໄຫວຕິດຕາມກວດກາຂອງສະພາປະຊາຊົນແຂວງ ໃນແຕ່ຂົງເຂດ; ການຕ້ອນຮັບພົນລະເມືອງ, ແກ້ໄຂຄໍາຮອງຂໍຄວາມເປັນທໍາຂອງພົນລະເມືອງ ແລະ ການປະຕິບັດສິດໜ້າທີ່ຕົກລົງຂອງສະພາປະຊາຊົນແຂວງ.

ກ່ອນໜ້ານັ້ນ ທາງຄະນະຜູ້ແທນສະພາປະຊາຊົນແຂວງຜົ້ງສາລີ ໄດ້ໄປຢ້ຽມຢາມເຂດເສດຖະກິດ ຢູ່ຕາແສງແທັງຮຶ່ງ ແລະ ຕາແສງຕາແສງແທັງອ່ຽນ ເມືອງດຽນບຽນ, ແຂວງດຽນບ່ຽນ ແຫ່ງ ສສ ຫວຽດນາມ; ເຊິ່ງປະຊາຊົນ ໃນ 2 ຕາແສງນີ້ ແມ່ນປະກອບອາຊິບລ້ຽງປາ, ລ້ຽງເປັດເພື່ອຜະລິດເປັນໄຂ່ລຸກ ແລະ ເຮັດສ່ວນ ເປັນອາຊິບຕົ້ນຕໍ ເຊິ່ງອາຊິບດັ່ງກ່າວ ສາມາດ ສ້າງລາຍຮັບໃຫ້ກັບແຕ່ລະຄອບຄົວ ປະມານ 45,000,000 ດົ່ງ/ຄັ້ງ (17,550,000 ກີບ/ຄັ້ງ). ຈາກທ່າອ່ຽນໃນການຜະລິດ ຂອງ 2 ຕາແສງນີ້ ທາງຄະນະພັກແຂວງດຽນບ່ຽນ ໄດ້ໃຫ້ການຊ່ວຍເຫຼືອໃນດ້ານຕ່າງໆ ເປັນຕົ້ນ: ຈັດຝືກອົບຮົບໃຫ້ພໍ່ແມ່ປະຊາຊົນແຕ່ລະຄອບຄົວ, ຊ່ວຍສະໜອງແນວພັນທີ່ດີ ແລະ ລາຄາຖືກກວ່າທ້ອງຕະຫຼາດ, ພ້ອມທາງຊ່ວຍເຫຼືອເຄື່ອງຈັກເຂົ້າໃນການຜະລິດໃນ 50% ຂອງມູນຄ່າ; ເພື່ອເປັນລົງຕົນທຶນ, ເພີ່ມຂິດຄວາມສາມາດໃນການຜະລິດ ແລະ ສາມາດແຂງຂັນໃນທ້ອງຕະຫຼາດໄດ້, ໃຫ້ກັບຄອບຄົວທີ່ມີຄວາມສົນໃຈ ແລະ ປະກອບອາຊິບດັ່ງກ່າວ.

ພາບ – ຂ່າວ: ນາງ ສຸກສົມພອນ