ໃນວັນທີ 25 ກັນຍາ ປີ 2019 ນີ້ທ່ານ ບຸນກອງ ເກດທອງຄຳ ຮອງຫົວໜ້າພະແນກຖະແຫຼ່ງຂ່າວ-ວັດທະນະ ທຳ ແລະທ່ອງທ່ຽວ ແຂວງສາລະວັນ, ພ້ອມຄະນະໄດ້ຕອນຮັບ ແລະພົບປະໂອລົມກັບທ່ານ ຫງງນວັນຈຸງ ຫົວໜ້າພະແນກທ່ອງທ່ຽວ ແຂວງບິງດິງ ສສ ຫວຽດນາມພ້ອມຄະນະທີ່ໄດ້ລົງມາເຮັດວຽກຢູ່ທີ່ເຮືອນພັກຊັນໂຢເມືອງ ແລະແຂວງສາລະວັນ,
ທ່ານ ສຸກັນ ສອນສຸລິຍະສັກ ຫົວໜ້າຂະແໜງທ່ອງທ່ຽວແຂວງສາລະວັນກໍ່ໄດ້ລາຍງານສະພາບລວມໂດຍຫຍໍ້ກ່ຽວກັບວຽກງານການທ່ອງທ່ຽວພາຍໃນແຂວງສາລະວັນ, ແຂວງສາລະວັນປະກອບມີ 10 ຊົນເຜົ່າ, ມີ 8 ຕົວເມືອງອາ ຊີບສ່ວນໃຫຍ່ແມ່ນເຮັດນາ ແລະເປັນແຂວງທີ່ຢູ່ທາງພາກໃຕ້ຂອງປະເທດ, ມີຊາຍແດນຕິດຈອດກັບ 3 ແຂວງ ແລະ2 ປະເທດຄື: ທິດເໜືອຕິດກັບແຂວງສະຫວັນນາເຂດ, ທິດໃຕ້ຕິດກັບແຂວງຈຳປາສັກ ແລະແຂວງເຊກອງ, ທິດ ຕາເວັນອອກຕິດກັບ ສສ ຫວຽດນາມ ແລະທິດຕາເວັນຕົກຕິດກັບປະເທດໄທ, ພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວແຂວງສາລະວັນປະກອບມີ 7 ແໜງການ ແລະ 4 ກອງວິຊາການຄື:

ຂະແໜງທ່ອງທ່ຽວ, ຂະແໜງວັດທະນະທຳ, ຂະແໜງຖະແຫຼງຂ່າວ, ຂະແໜງວິຈິດສິນ ແລະມໍລະດົກ, ຂະແໜງບໍລິຫານ, ຂະແໜງກວດກາ ແລະຂະແໜງຈັດຕັ້ງ, ກອງວິຊາການປະກອບມີກອງວິຊາການຫໍສະໝູດ, ສູນວັດທະນະທຳເດັກ ສ.ວ.ດ, ວິທະຍຸ-ໂທລະພາບ ແລະຫໍພິຕະພັນ, ມີພະນັກງານທັງໝົດທົ່ວແຂວງ 136 ຄົນ, ຍິງ 44 ຄົນ, ໃນນັ້ນຂັ້ນແຂວງ 79 ຄົນ, ຍິງ 30 ຄົນ ແລະຂັ້ນເມືອງ 57 ຄົນ, ຍິງ 15 ຄົນ, ສະເພາະຂະແໜງທ່ອງທ່ຽວນີ້ປະກອບມີ 4 ໜ້າວຽກໃຫຍ່ຄື: ວຽກພັດທະນາແຫຼ່ງທ່ອງທ່ຽວ, ວຽກງານຄຸ້ມຄອງການທ່ງວທ່ຽວ, ວຽກງານໂຄສະນາການທ່ອງທ່ຽວ ແລະວຽກງານຄຸ້ມຄອງບຸກຄະລະກອນການທ່ອງທ່ຽວ, ເຊີ່ງມີພະນັກງານທັງໝົດ 14 ຄົນ, ຍິງ 4 ຄົນ, ມາຮອດປະຈຸບັນນີ້ໄດ້ສຳຫຼວດ ແລະມີແຫຼ່ງທ່ອງທ່ຽວທັງໝົດ 96 ແຫ່ງ, ໃນນັ້ນແຫ່ງທ່ອງທ່ຽວທາງທຳມະຊາດ 53 ແຫ່ງ, , ດ້າວັດທະນະທຳ 37 ແຫ່ງ ແລະປະຫວັດສາດ 6 ແຫ່ງ, ສະຖານທີ່ທ່ອງທ່ຽວທີ່ເດັ່ນຂອງແຂວງມີຄື: ແຫຼງທ່ອງທ່ຽວອຸທິຍານພູຜາສຸກ, ປ່ານສະຫງວນແຫ່ງຊາດເຊບັ້ງນວນ, ປ່ານສະຫງວນແຫ່ງຊາດພູຊຽງທ່ອງ, ໜູ່ບ້ານກະຕັງ, ໜູ່ບ້ານຕະໂອ້ຍ, ຊົນເຜົ່າລະເວນ, ນອກຈາກນັ້ນກໍ່ມີນໍ້າຕົກຕາດເຊເສດ, ຕາດເລາະ, ວັງຄໍາ, ແກ້ງກຸ, ນຳຕົກຕາດເທວະດາ, ສ່ວນແຄນ, ຫໍໄຕປີດົກວັດກາງ, ບຶງຫຼົ່ມໂລກ, ບຶງແຂ້, ບຶງກຸດຈະເກີງ ແລະອື່ນໆ

ທົ່ວແຂວງມີໂຮງແຮມທັງໝົດ 23 ແຫ່ງ, ເຮືອນພັກ 27 ແຫ່ງ, ຮ້ານອາຫານ 47 ແຫ່ງ, ຮ້ານຄາລາໂອເກະ 3 ຮ້ານ ແລະຮ້ານກິນດືມ 64 ແຫ່ງ, ມີບໍລິສັດນຳທ່ຽວ 3 ບໍລິສັດ, ພ້ອມດຽວກັນນີ້ທ່ານ ບຸນກອງ ເກດທອງຄຳ ຮອງຫົວໜ້າພະແນກຖະແຫຼຂ່າວ-ວັດທະນະທຳ ແລະທ່ອງທ່ຽວແຂວງສາລະວັນກໍ່ໄດ້ນຳພາທ່ານ ຫງງນວັນຈຸງ ຫົວໜ້າພະແນກທ່ອງທ່ຽວ ແຂວງ ບິງດິງ ສສ ຫວຽດນາມ ທ່ຽວຊົມແຫ່ງທ່ອງທ່ຽວຂອງແຂວງສາລະວັນເປັນຕົ້ນ ຫໍໄຕປີດົກວັດກາງ, ອະນຸສາວະລິອົງແກ້ວ, ສ່ວນແຄນ, ຕາດເລາະ ແລະບ້ານຫ້ວຍຫູນ ເມືອງເລົ່າງາມ ແຂວງສາລະວັນຕື່ມອີກ

ພາບ-ຂ່າວ: ສິດຕາ: ເພັດວົງສາ