ສື່​ມວນ​ຊົນ​ແຂວງ​ຈຳປາ​ສັກ ​ລາຍ​ງານ​ວ່າ: ເມື່ອ​ບໍ່​ດົນ​ມາ​ນີ້, ທ່ານນາງ ທອງລ່ຽນ ສຸລະ​ທາ​ທອນ ປະທານສະຫະພັນແມ່ຍິງ ເມືອງບາຈຽງຈະເລີນສຸກ, ທັງເປັນສະມາຊິກ ສະພາປະຊາ ຊົນ ແຂວງຈຳປາສັກ ປະຈຳເຂດເລືອກຕັ້ງ ເມືອງບາຈຽງຈະເລີນສຸກ, ພ້ອມດ້ວຍ ທ່ານ ສຸ້ຍດ​າ​ໄລ ແກ້ວ​ພາ​ພອນ ຮອງຫົວໜ້າ ຫ້ອງວ່າການ ປົກຄອງເມືອງ ແລະ ພະນັກງານ ຫັນລົງກໍ່ສ້າງຮາກຖານ ເມືອງຂັ້ນແຂວງ ລົງໂຄສະນາວຽກງານ ການສ້າງ ຈິດສຳນຶກ ການຕ້ານການຄ້າມະນຸດ ໃຫ້ແກ່ແມ່ຍິງບັນດາເຜົ່າທີ່ມີອາຍຸ 12ປີຂຶ້ນໄປ ຕິດພັນກັບການຊຸກຍູ້ ວຽກ ງານຮາກຖານ ໂດຍສະເພາະແມ່ນ ວຽກງານ ສາທາລະນະສຸກ ຢູ່ທີ່ບ້ານກວາງຊີ ກຸ່ມ I ເມືອງບາຈຽງຈະເລີນສຸກ

​ທ່ານ​ນາງ ທ່ອງ​ລ່ຽນ ສຸລະ​ທາ​ທອນ ​ໄດ້ໃຫ້ຮູ້ວ່າ: ການລົງໂຄສະນາຄັ້ງນີ້ ກໍເພື່ອເຮັດໃຫ້ອຳ ນາດການປົກຄອງ ແລະ ເອື້ອຍນ້ອງແມ່ຍິງພາຍໃນບ້ານດັ່ງກ່າວ ໄດ້ຮັບຮູ້ເຂົ້າໃຈຕໍ່ລະບຽບກົດໝາຍແລະ ສາມາດປົກປ້ອງສິດ-ຜົນປະໂຫຍດອັນຊອບທຳຂອງແມ່ຍິງ ແລະ ເດັກ ນ້ອຍ, ຕ້ານໄດ້ພຶດຕິກໍາການຄ້າມະນຸດຂອງກຸ່ມຄົນບໍ່ຫວັງດີ, ພ້ອມນີ້ ທ່ານຍັງໄດ້ຮຽກຮ້ອງໃຫ້ອຳນາດການປົກຄອງບ້ານເອົາໃຈໃສ່ຊຸກຍູ້ປະຊາຊົນກໍ່ສ້າງ ແລະ ຊົມໃຊ້ວິດຖ່າຍໃນແຕ່ລະຄົວເຮືອນຢ່າງເປັນຂະບວນ.

ໃນ​ການ​ລົງ​ໂຄສະນາ​ຄັ້ງ​ນີ້, ອຳນາດການປົກຄອງ,ແມ່ຍິງ ແລະ ຍິງໝຸ່ມ ກຸ່ມ I ເມືອງບາຈຽງຈະເລີນສຸກໄດ້ເຊື່ອມຊຶມ 4ກົດໝາຍຄື: ກົດໝາຍວ່າດ້ວຍການຕ້ານການຄ້າມະນຸດ,​ ກົດ ໝາຍຕ້ານການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນອ້ຍ, ກົດໝາຍວ່າດວ້ຍປົກປ້ອງສິດທິເດັກ ແລະ ກົດໝາຍກ່ຽວກັບການພັດທະນາແມ່ຍິງ.