ວັນທີ 27 ກັນຍາ 2019 ຢູ່ທີ່ຫ້ອງປະຊຸມຫ້ອງການສຶກສາທິການ ແລະ ກິລາເມືອງຫີນເຫີບແຂວງວຽງຈັນໄດ້
ຈັດພິທີປະກາດການຈດຕງສວຍສາອາກອນປະຈໍາເມືອງໂດຍການເຂົ້າຮ່ວມຂອງ ທ່ານ ຄໍາຫຼ້າ ບຸນຍາສິງ ຮອງເລຂາພັກເມືອງປະທານຄະນະກວດກາພັກ ຫົວໜ້າຫ້ອງການກວດກາລັດເມືອງ, ມີ ທ່ານ ຂັນທອງ ພະລະຄອນ ຄະນະພັກຮາກຖານ ຫົວໜ້າສວຍສາອາກອນປະຈໍາແຂວງວຽງຈັນ, ມີຫົວໜ້າ, ຮອງຫົວໜ້າຫ້ອງການ, ຕາງໜ້າຫ້ອງການ ແລະ ພະນັກວິຊາການຫ້ອງການ ການເງິນເຂົ້າຮ່ວມ.

ທ່ານ ກົງຈັນ ພັນທະມິດ ກໍາມະການພັກເມືອງ ຫົວໜ້າຄະນະຈັດຕັ້ງເມືອງ ໄດ້ຂຶ້ນຜ່ານຂໍ້ຕົກລົງຂອງກະຊວງການເງິນເລກທີ 2043 / ກງ ລົງວນທີ ວ່າດ້ວຍ ການແຕ່ງຕັ້ງ ທ່ານ ອຸ່ນເຮືອນ ໄມວົງສາ ຫົວໜ້າໜ່ວຍງານສວຍສາອາກອນ ເປັນຫົວໜ້າສວຍສາອາກອນປະຈໍາເມືອງຫີນເຫີບ, ທ່ານ ນ. ອຸ່ນລໍ້າ ສະເໜຫາ ຮອງຫົວໜ້າໜ່ວຍງານສວຍສາອາກອນ ເປັນຮອງຫົວໜ້າສວຍສາອາກອນປະຈຳເມືອງຫີນເຫີບ ທັງເປັນຫົວໜ້າໜ່ວຍງານບໍລິຫານ ແລະ ກວດກາພາຍໃນ, ທ່ານ ແກ້ວອຸດອນ ສີສະຫວ່າງ ພະນັກງານວິຊາການ ເປັນຮອງຫົວໜ້າສວຍສາອາກອນປະຈໍາເມືອງຫີນເຫີບ ທັງເປັນຫົວໜ້າໜ່ວຍງານແຜນການ ແລະ ບໍລິການລາຍຮັບ ແລະ ທ່ານ ສຸລິສັກ ວິໄລ ເປັນຫົວໜ້າໜ່ວຍງານກວດກາຫຼັງການແຈ້ງລາຍຮັບ.

ທ່ານ ຄໍາຫຼ້າ ບຸນຍາສິງ ໄດ້ໃຫ້ກຽດມີຄໍາເຫັນ ແລະ ໂອ້ລົມຕໍ່ພິທີ ເຊິ່ງທ່ານໄດ້ເນັ້ນໜັກໃຫ້ພະນັກງານທີ່ໄດ້ຮັບການແຕ່ງຕັ້ງຮັບຜິດຊອບວຽກງານສວຍສາອາກອນໃນຄັ້ງນີ້ຈົ່ງເອົາໃຈໃສ່ປະຕິບັດຕາມພາລະບົດບາດ, ສິດ ແລະ ໜ້າທີ່ຂອງຕົນສືບຕໍ່ຜັນຂະຫຍາຍສ້າງຜົນງານ, ເພີ່ມທະວີຄວາມຮັບຜິດຊອບສູງໃນຈັນຍາບັນຕົນເອງ, ມີການພົວພັນປະສານສົມທົບກັບພາກສ່ວນທີ່ກ່ຽວຂ້ອງຕໍ່ການຈັດຕັ້ງປະຕິບັດເກັບລາຍຮັບຕ່າງໆ ແລະ ເຮັດໃຫ້ວຽກງານສວຍສາອາກອນຢູ່ເມືອງຫີນເຫີບໃຫ້ມີຜົນສໍາເລັດຂຶ້ນໄປເລື້ອຍໆ.

ໃນວັນດຽວກັນຢູ່ທີ່ຫ້ອງສວຍສາອາກອນເມືອງຫີນເຫີບກໍ່ໄດ້ມີການມອບ – ຮັບຄັອມພິວເຕີຈໍານວນ 1 ຊຸດລວມມູນຄ່າ 5.600.000 ກີບໃຫ້ສວຍສາອາກອນເມືອງໂດຍການມອບຂອງ ທ່ານ ຂັນທອງ ພະລະຄອນ ຄະນະພັກຮາກຖານ ຫົວໜ້າສວຍສາອາກອນປະຈໍາແຂວງວຽງຈັນກ່າວຮັບແມ່ນ ທ່ານ ສາຍສະໝອນ ຈັທະວົງ ຫົວໜ້າຫ້ອງການ – ການເງິນເມືອງຫີນເຫີບ ທ່ານຍັງໄດ້ກ່າວຄວາມຂອບໃຈນໍາຄະນະນໍາສວຍສາອາກອນປະຈໍາແຂວງວຽງຈັນທີ່ເຫັນຄວາມສໍາຄັນວຽກງານຂອງເມືອງ ກໍ່ຄືວຽກງານອັນຈໍາເປັນຂອງວຽກງານສວຍສາອາກອນປະຈໍາເມືອງ ພ້ອມທັງຈະຄຸ້ມຄອງນໍາໃຊ້ເຄື່ອງດັ່ງກ່າວໃຫ້ເກີດປະໂຫຍດ.

ຂ່າວແຂວງວຽງຈັນ