ວັນທີ 25 ກັນຍາ 2019 ຢູ່ທີ່ເມືອງແກ້ວອຸດົມແຂວງວຽງຈັນໄດ້ຈັດພິທີເປີດ ການແຂ່ງຂັນກິລາ – ສີລະປະ ພາຍໄຕ້ການເປັນປະທານຂອງ ທ່ານ ຄຳສະເຫວີຍ ພົມມະຈັນ ເລຂາພັກເມືອງເຈົ້າເມືອງໆແກ້ວອຸດົມ.ໂດຍໃຫ້ກຽດເຂົ້າຮ່ວມຂອງທ່ານ ພູວົງ ອຸ່ນແສງ ຮອງເລຂາຄະນະພັກ,ທັງເປັນຮອງສະຖາບັນການເມືອງ-ການປົກຄອງແຫ່ງຊາດ,ມີທ່ານ ບຸດສະບາ ພັນທະໄລ ຫົວໝ້າຄຄະນະຈັດຕັ້ງເຂື່ອນໄຟຟ້ານໍ້າງື່ມI,ມີທ່ານ ກີ່ງເພັດ ຈັນທະວົງສາ ຮອງຫົວໝ້າ ໂຄງການນໍ້າງື່ມl ພາກຂະຫຍາຍ,ມີບັນດາຄະນະພັກເມືອງ,ຫົວໝ້າຫ້ອງການອ້ອມຂ້າງເມືອງພ້ອມດ້ວຍພະນັກງານພາຍໃນເມືອງແກ້ວອຸດົມເຂົ້າຮ່ວມ.

ໃນພິທີທ່ານ ຄຳສະເຫວີຍ ພົມມະຈັນ ເຈົ້າເມືອງໆແກ້ວອຸດົມ ໄດ້ໃຫ້ກຽດຂື້ນກ່າວເປີດພິທີສ້າງຂະບວນການແຂ່ງຂັນກິລາ – ສີນລະປະຢ່າງເປັນທາງການເຊີ່ງທ່ານໄດ້ໃຫ້ຮູ້ວ່າ: ກິລາແມ່ນສ່ວນປະກອບໃນການພັດທະນາຊັບພະຍາ ກອນມະນຸດສ້າງຄວາມສາມັກຄີ ແລະ ເຮັດໃຫ້ມີສຸຂະພາບເຂັ້ມແຂງ ເພື່ອພັດທະນາເສດຖະກິດສັງຄົມ ວຽກງານປ້ອງກັນຊາດປ້ອງກັນຄວາມສະຫງົບເປັນເຄື່ອງມືທີ່ສຳຄັນ

ໃນການປຸກລະດົມຈິດໃຈຮັກຊາດເສີມຂະຫຍາຍມູນເຊື້ອປະຕິວັດ ສ້າງຄວາມເປັນເອກກະພາບສ້າງກຳລັງແຮງສັງລວມຂອງລະບົບປະຊາທິປະໄຕປະຊາຊົນເຂົ້າໃນການປົກປັກຮັກສາແລະ ພັດທະນາປະເທດຊາດກິລາແມ່ນພາຫະນະທີ່ສຳຄັນໃນການປະຕິບັດນະໂຍບາຍຂອງພັກເຮົາເພື່ອແນໃສ່ເພີ່ມມິດ , ຫຼຸດ ຜ່ອນສັດຕູຮູ້ຈັກໃຫ້ອະໃພເຊີ່ງກັນ ແລະ ກັນ.

ການແຂ່ງຂັນໃນຄັ້ງນີ້ມີກິລາ 4 ປະເພດກິລາ ແລະ 5 ລາຍການ ເຊີ່ງປະກອບມີ: ກິລາບານເຕະຊາຍ,ກິລາບານສົ່ງຊາຍ,ກິລາກະຕໍ້ຊາຍ,ກິລາເປຕັງຊາຍ ແລະ ກິລາເປຕັງຍີງ.

ຂ່າວແຂວງວຽງຈັນ