ແຂວງຈຳປາສັກ ປືກສາຫາລືຮ່ວມກັບຂະແໜງການກ່ຽວກັບນະໂຍບາຍເຂົ້າຫາແຫຼ່ງທຶນໃຫ້ວິສາຫະກິດຂະໜາດນ້ອຍແລະຂະໜາດກາງ

0
293

ວັນທີ 1 ຕຸລາ 2019 ນີ້ ຫ້ອງການອຸດສາຫະກຳ-ການຄ້າເມືອງບາຈຽງຈະເລີນສຸກ ເປີດກອງປະຊຸມປືກສາຫາລືຮ່ວມກັບຂະແໜງການ,​ ກ່ຽວກັບນະໂນບາຍເຂົ້າຫາແຫຼ່ງທຶນໃຫ້ແກ່ວິສາຫະກິດຂະໜາດນ້ອຍ,ຂະໜາດກາງ ຈັດຂື້ນຢູ່ທີ່ສະໂມສອນຂອງເມືອງ ພາຍໃຕ້ການເປັນປະທານຂອງທ່ານ ປອ ຄໍາກີ່ງແກ້ວ ປັດທຳມະວົງ ຮອງເຈົ້າເມືອງໆບາຈຽງຈະເລີນສຸກ, ທ່ານ ສຸດທະເຮືອງສັກ ກຸນລະບຸດ ຫົວໜ້າຫ້ອງການອຸດສາຫະກຳ-ການຄ້າເມືອງ ມີຫົວໜ້າຫ້ອງການ- ຄະນະຫ້ອງການ,ໜ່ວຍບໍລິການທະນາຄານພັດທະນາລາວ,ໜ່ວຍບໍລິການທະນາຄານນະໂຍບາຍ ແລະ ຂະແໜງການທີ່ກ່ຽວຂ້ອງຂອງແຂວງ-ເມືອງ ຕະຫຼອດຮອດຜູ້ປະກອບການວິສາຫະກິດຂະໜາດນ້ອຍແລະຂະໜາດກາງ (SME) ເຂົ້າຮ່ວມຢ່າງຫຼວງຫຼາຍ.

​ຈຸດປະສົງເພື່ອເຮັດໃຫ້ວິສາຫະກິດຂະໜາດນ້ອຍ,ຂະໜາດກາງໄດ້ມີບົດບາດສໍາຄັນໃນການພັດທະນາເສດຖະກິດ-ສັງຄົມ ໂດຍສະເພາະແມ່ນການພັດທະນາສິນຄ້າ,ການຄ້າ ແລະ ການບໍລິການປະກອບສ່ວນເຂົ້າໃນການສ້າງວຽກເຮັດງານທໍາ ແລະ ຍົກສູງລະດັບຊິວິດການເປັນຂອງປະຊາຊົນ ສ້າງປະຖົມປັດໃຈໃຫ້ແກ່ການຫັນເປັນອຸດສາຫະກໍາທີ່ທັນສະໄໜ ແລະຂະຫຍາຍຕົວຢ່າງຕໍ່ເນື່ອງ.
ໃນຕອນທ້າຍ ທ່ານ ປອ ຄໍາກິ່ງແກ້ວ ປັດທະທໍາມະວົງ ຮອງເຈົ້າເມືອງໆບາຈຽງຈະເລີນສຸກໃຫ້ຄໍາຄິດ-ຄຳເຫັນໂອ້ລົມຕໍ່ນັກວິທະຍາກອນແລະຜູ້ປະກອບການນັກທຸລະກິດຂະໜາດນ້ອຍແລະຂະໜາດກາງໂດຍທ່ານໄດ້ເໜັ້ນໜັກນະໂຍບາຍສົ່ງເສີມການເຂົ້າຫາແຫຼງທຶນປະກອບມີ7 ກິດກໍາຫຼັກໃນການພັດທະນາຜະລິດຕະພັນການເງິນໃຫ້ແກ່ວິສາຫະກິດSMEໃຫ້ມີຄວາມຫຼາກຫຼາຍ,ສົມທົບກັບຂະແໜງການທີ່ກ່ຽວຂ້ອງເພື່ອສ້າງຄວາມເຂັ້ມແຂງໃນການຕອບສະໜອງທຶນອິກດ້ວຍ.

ສື່ມວນຊົນແຂວງຈຳປາສັກ
ຂ່າວ: ນາງ ເພັດສະຫວັນ ຖວທເມືອງ