ອີງຕາມການໃຫ້ສຳພາດ ທ່ານ ຄຳພູນ ຕຸໄພທູນ ຮອງເຈົ້າແຂວງສະຫວັນນະເຂດ ທັງເປັນປະທານຄະນະກຳມະການຕ້ານໄພພິບັດຂັ້ນແຂວງ ໄດ້ໃຫ້ສຳພາດຕໍ່ຜູ້ສື່ຂ່າວພວກເຮົາກ່ຽວກັບຜົນເສຍຫາຍຈາກໄພພິບັດນໍ້າຖ້ວມໄລຍະເດືອນສິງຫາທີ່ຜ່ານມາມີນໍ້າຖ້ວມເຮືອນປະຊາຊົນຈຳນວນ 11 ເມືອງ, ທີ່ຢູ່ອາໄສປະຊາຊົນຖືກຖ້ວມຈຳນວນ 174 ບ້ານ ມີຜູ້ໄດ້ຮັບຜົນກະທົບທັງໝົດ17.159 ຄອບຄົວມີຜົນລະເມືອງມັງໝົດ 103.184ຄົນ,ຍິງ51.970ຄົນ ແລະ ບ້ານທີ່ມີການອົບພະຍົບຄົນໄປຢູ່ບ່ອນສະຖານທີ່ປອດໄພ ຢູ່ສູນພັກຊົ່ວຄາວຕາມຄະນະກຳມະການຕ້ານໄພພິບັດຈັດໃຫ້ຫຼືເຮືອນພີ່ນ້ອງຈຳນວນ 113 ບ້ານມີຈຳນວນ 10.446 ຄອບຄົວ, ມີຈຳນວນຜົນ 60.733ຄົນ, ຍິງ 29.951 ຄົນໃນັ້ນມີຄົນເສຍຊີວິດ 4 ຄົນ ເຊິ່ງແຜນການຟື້ນຟູພື້ນຖານໂຄ່ງລ່າງຕ່າງໆລວມທັງການປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນປະຈຸບັນຕ້ອງການທຶນຮີບດ່ວນຫຼາຍກວ່າ 138 ຕື້ກີບ ລວມທັງກະເສດກະສິກຳ, ຊົນລະປະທານ ແຜນຊື້ແນວພັນພືດປະມານ 400-500ໂຕນ ເຂົ້າທີ່ມີຢູ່ພາຍໃນແຂວງຈະເກັບກ່ຽວຕື່ມປະມານ100ໂຕນ ນອກນັ້ນກໍ່ຍັງຕ້ອງການງົບປະມານຟື້ນຟູເສັ້ນທາງ ແລະ ຂົວເພື່ອແກ້ໄຂສຸກເສີນຈຳນວນ 58 ເສັ້ນຂົວ 9ແຫ່ງເປັນເງິນ 75 ຕື້ 700ລ້ານກີບ .

ຕ້ອງການເຂົ້າສານຊ່ວຍເຫຼືອປະຊາຊົນຈຳນວນ 4.952.832ໂຕນ, ງົບປະມານເພື່ອຟື້ນຟູສ້ອມແປງຊົນລະປະທານ, ແນວພັນ ແລະ ປັດໃຈການຜະລິດເພື່ອຮັບໃຊ້ໃນລະດູແລ້ງລວມງົບປະມານທີ່ຈຳເປັນຕ້ອງໃຊ້ 48 ຕື້ 500ລ້ານກີບ, ຕ້ອງການງົບປະມານໃສ່ວຽກປ້ອງກັນພະຍາດ 1 ຕື້ 511 ລ້ານກີບ, ຄວາມຕ້ອງການງົບປະມານສ້ອມແປງໝໍ້ໄຟ, ຕາຂ່າຍແຮງກາງ ແຮງຕໍ່າລວມມູນຄ່າ 496 ລ້ານ1ແສນ99ພັນກີບ , ງົບປະມານໃນການສ້ອມແປງອາຄານຮຽນ ວັດຖຸ ແລະ ອຸປະກອນການຮຽນ-ການສອນລວມມູນຄ່າ 2 ຕື້ 62 ລ້ານກວ່າກີບ,ນອກນີ້ກໍ່ຍັງມີງົບປະມານຈຳນວນໜຶ່ງເພື່ອຊ່ວຍເຫຼືອສົງເຄາະປະຊາຊົນ ທີ່ເຮືອນຊານເປ້ເພ ຄື: ບ້ານບົວໄຂ ມ້າງເຮືອນອອກ 4 ຫຼັງ, ໂຮງສີເຂົ້າ 1 ໂຮງ ແລະ ເຮືອນມີຄວາມສ່ຽງ 47 ຫຼັງ.