ວັນທີ 2 ຕຸລາ 2019 ນີ້, ໜ່ວຍງານສະກັດກັ້ນ ແລະ ຕ້ານຢາເສບຕິດ ປກສ ເມືອງໄຊພູທອງ ແຂວງສະຫວັນນເຂດ ໄດ້ກັກຕົວພວກຄ້າຂາຍຢາເສບຕິດໄດ້ 6 ຄົນ ພ້ອມຂອງກາງຢາເສບຕິດປະເພດຢາບ້າ 13 ຖົງ ແລະ ອາວຸດປືນສັ້ນປະເພດດັດແປງ ຈໍານວນ 9 ກະບອກ ,ໂທລະສັບ 5 ເຄື່ອງ ພວກຕ້ອງຫາຄື: ທ້າວ ຄໍາເກິງ ອາຍຸ 30 ປີ ຢູ່ບ້ານ ນາພານ ຂອງກາງຢາບ້າ 203 ເມັດ, ຕໍ່ມາໃນວັນທີ 21 ກັນຍາ 2019 ເຈົ້າໜ້າທີ່ໄດ້ກັກຕົວຜູ້ຖືກຫາໄດ້ຈໍານວນ 1 ຄົນ ທ້າວ ໃດ ຄຳມຸງຄຸນ ບ້ານ ທ່າໂພ ພ້ອມຂອງກາງຢາບ້າ 360 ເມັດ ຜ່ານການສອບສວນເບື້ອງຕົ້ນຢາບ້າຈໍານວນດັ່ງກ່າວ ໄດ້ຊື້ມາຈາກທ້າວ ຕູ່ ອາຍຸ30 ປີ ອາຊີບເຮັດນາຢູ່ບ້ານ ທ່າໂພ ຕໍ່ມາໃນເວລາ 10 ໂມງຂອງວັນ ດຽວກັນ ໄດ້ກວດຄົ້ນເຮືອນ ທ້າວ ຕູ່ ໄດ້ພົບເຫັນຢາບ້າຈໍານວນ 10 ຖົງ ແລະ 30 ເມັດຈາກນັ້ນເຈົ້າໜ້າທີ່ກໍ່ໄດ້ນໍາຕົວມາສອບສວນຫາພວກຮ່ວມຂະບວນການມາດໍາເນີນຄະນະດີ
ຂ່າວຍັງໃຫ້ຮູ້ຕື່ມວ່າ ໃນວັນທີ 30 ກັນຍາ 2019 ເຈົ້າໜ້າທີ່ ຕໍາຫຼວດ ສະກັດກັ້ນ ແລະຕ້ານຢາເສບຕິດ ປກສ ເມືອງໄຊພູທອງ ແຂວງສະຫັວນະເຂດ ໄດ້ຈັບຕົວພວກ ເຄື່ອນໄຫວຄ້າຂາຍຢາເສບຕິດປະເພດຢາບ້າຄື ທ້າວ ພອນ ອາຍຸ 20 ປີ ອາຊີບເຮັດນາ ບ້ານນາພານພ້ອມຂອງກາງ ປະເພດ ຢາບ້າ ຈໍານວນ 334 ເມັດ ຜ່ານການສືບສວນ-ສອບສວນຂອງເຈົ້າໜ້າທີ່ ພວກກ່ຽວ ໄດ້ໃຫ້ການຮັບສາລະພາບວ່າ ໄດ້ຮ່ວມກັນຄ້າຂາຍຢາເສບຕິດ ແລະ ຂອງກາງທີ່ທາງເຈົ້າໜ້າທີ່ຍຶດມາໄດ້ແມ່ນເປັນຂອງພວກກ່ຽວແທ້ ປະຈຸບັນເຈົ້າໜ້າທີ່ພວມດຳເນີນຄະດີ ຕາມກົດໝາຍ.

ຂ່າວ: ພັນທະມິດ ວົງສຸທິ