ປະຊາຊົນ ໄດ້​ຮັບ​ເງິນ​ຊົດ​ເຊີຍ ໂຄງການກໍ່ສ້າງທາງລົດໄຟ ລາວ-ຈີນ

0
577

​ເມື່ອ​ບໍ່​ດົນ​ມາ​ນີ້, ພໍ່ແມ່ປະຊາຊົນເມືອງນາໝໍ້ ​ແຂວງ​ອຸດົມ​ໄຊ ທີ່ໄດ້ຮັບຜົນກະທົບ ຈາກໂຄງການກໍ່ສ້າງ ທາງລົດໄຟລ າວ-ຈີນ ຊ່ວງຜ່ານແຂວງອຸດົມໄຊ ​ໄດ້​ຮັບ​ເງິ​ຍຊົດ​ເຊີຍ ງວດທີ 2 ຈໍານວນ 5 ບ້ານ, ມີ 112 ຄອບຄົວ ມີມູນຄ່າ 11 ຕື້ 578 ລ້ານ ກວ່າກີບ.

ພິທີມອບ-ຮັບ ເງິນຊົດເຊີຍໂຄງການກໍ່ສ້າງທາງລົດໄຟ ລາວ-ຈີນ

ໂຄງການກໍ່ສ້າງເສັ້ນທາງລົດໄຟລາວ-ຈີນ ແຕ່ບໍ່ເຕ່ນ ຫາ ນະຄອນຫວງວຽງຈັນ ຕັດຜ່ານເມືອງນາໝໍ້ ມີ ຄວາມຍາວທັງໝົດ 35,1 ກິໂລແມັດ, ມີ​ບ້ານ​ທີ່​ໄດ້​ຮັບ​ຜົນກະທົບ 12 ບ້ານ, ເບື້ອງຕົ້ນກວມເອົາ 488 ຄອບຄົວ ແລະ ເນື້ອທີ່ ຖືກຜົນກະທົບປະມານ 168,02 ເຮັກຕາ. ມາຮອດປັດຈຸບັນ ໂຄງການໄດ້ອະນຸນັດງົບປະມານຊົດເຊີຍ-ທົດແທນ ຜົນກະທົບໃຫ້ເມືອງນາໝໍ້ທັງໝົດ 3 ຄັ້ງ ເລວມມູນຄ່າທັງໝົດ 12,5 ຕື້ກວ່າກີບໃນນີ້ປະກອບມີ: ຄ່າເຂົ້ານາປີ 2017 ມູນຄ່າ: 227 ລ້ານກວ່າກີບ, ເຂົ້ານາປີ 2018 ມູນຄ່າ 246 ລ້ານກວ່າກີບ, ຄ່າຊົດເຊີຍທົດແທນງວດ 2 ຈຳນວນ 5 ບ້ານ 112 ຄອບຄົວ ມູນຄ່າ 15 ຕື້ກວ່າກີບ.