ປກສ ແຂວງສະຫວັນນະເຂດຈັດພິທີປະຖະກະຖາວັນສຳຄັນຂອງພັກຂອງຊາດ

0
276

ໃນວັນທີ 2ຕຸລາ2019ນີ້ ປກສ ແຂວງສະຫວັນນະເຂດໄດ້ຈັດພິທີປະຖະກະຖາ ວັນສັບປະດາແຫ່ງຊາດເພື່ອລຶບລ້າງຄວາມທຸກຍາກຂອງ ສປປ ລາວ ຄົບຮອບ 16ປີ (24ຕຸລາ2003-24ຕຸລາ2019 ແລະ ວັນສໍາຄັນຂອງພັກຂອງຊາດ ໂດຍການປະຖະກະຖາຂອງທ່ານ ພັອ ລຳຄູນ ວໍລະວົງ ຮອງກອງບັນຊາການ ປກສ ແຂວງ, ມີບັນດາຄະນະພັກຄະນະບັນຊາ ແລະ ພະນັກງານນັກຮົບພາຍໃນກົມກອງອ້ອມຂ້າງເຂົ້າຮ່ວມຮັບຟັງ

ໃນພິທີທ່ານໄດ້ຍົກໃຫ້ເຫັນປະຫວັດຄວາມເປັນມາຂອງວັນສາກົນ ສັບປະດາແຫ່ງຊາດເພື່ອລຶບລ້າງຄວາມທຸກຍາກ ແລະ ຜົນສຳເລັດໃນການພັດທະນາຊົນນະບົດ ແລະ ແກ້ໄຂຄວາມທຸກຍາກຂອງປະຊາຊົນລາວ ໃນກອງປະຊຸມວຽກງານລຶບລ້າງຄວາມທຸກຍາກທົ່ວປະເທດຄັ້ງທີ 1 ວັນທີ 17 – 19 ມີນາ 2003 ໄດ້ກໍານົດ ແລະ ປະກາດ ເອົາວັນທີ 17 – 24 ຕຸລາ ຂອງທຸກປີ ເປັນສັບປະດາແຫ່ງຊາດ ເພື່ອລຶບລ້າງ ຄວາມທຸກຍາກ ແລະ ເລີ່ມແຕ່ປີ 2003 ເປັນຕົ້ນມາ ເຊິ່ງຜົນສໍາເລັດອັນສໍາຄັນ ແລະ ເປັນພື້ນຖານກວ່າຫມູ່ແມ່ນ ສາມາດເຮັດໃຫ້ລະບົບການ ຈັດຕັ້ງຢູ່ຮາກຖານໄດ້ຮັບການປັບປຸງ ໃຫ້ມີຄວາມຫນັກແຫນ້ນເຂັ້ມແຂງ ທາງດ້ານການເມືອງ, ແນວຄິດ ແລະ ການຈັດຕັ້ງ, ໄດ້ຕັ້ງໜ້າຜັນຂະຫຍາຍແນວທາງປ້ອງກັນຊາດ – ປ້ອງກັນຄວາມສະຫງົບ ທົ່ວປວງຊົນຮອບດ້ານ ດ້ວຍທິດທາງ ແລະ ມາດຕະການ ສົມທົບແຫນ້ນລະຫວ່າງກໍາລັງ ປກຊ – ປກສ ສູນກາງ, ແຂວງ, ເມືອງ ແລະ ອົງການປົກຄອງແຕ່ລະຂັ້ນ, ປັບປຸງ ແລະ ສ້າງທ່າສະຫນາມ ສາມຂັ້ນ, ສ້າງບ້ານປ້ອມຫນັ້ນສູ້ຣົບ ແລະ ກຸ່ມ ບ້ານສູ້ຮົບຕິດລ່ຽນ, ປັບປຸງການຈັດຕັ້ງ ແລະ ບໍາລຸງຝຶກແອບສິນລະປະຍຸດ – ຍຸດທະວິທີ ໃຫ້ກໍາລັງກອງຫຼອນ ປກສ ແລະ ກຸ່ມບ້ານ, ໄດ້ຂົນຂວາຍ ປະຊາຊົນທີ່ດໍາລົງຊີວິດເລື່ອນລອຍຢູ່ປ່າມາຕັ້ງພູມລໍາເນົາຄົງທີ່ ທີ່ຫມັ້ນຄົງຖາວອນໄດ້ເພີ່ມຂຶ້ນ, ສາມາດແກ້ ໄຂຈຸດຮ້ອນ ແລະ ຈຸດຫຼໍ່ແຫຼມ ຂອງປະເທດໄດ້ໂດຍພື້ນຖານ, ເຮັດໃຫ້ທົ່ວປະເທດມີຄວາມສະຫງົບ ແລະ ປອດໄພ, ທຸກຂະແຫນງການ ແລະ ທ້ອງຖິ່ນຕ່າງໆ ໄດ້ຖືສໍາຄັນ ການພັດທະນາເສດຖະກິດ ແລະ ແກ້ໄຂຊີວິດານເປັນຢູ່ ຂອງປະຊາຊົນ ໃຫ້ດີຂຶ້ນເປັນຫນ້າທີ່ໃຈກາງ ຂອງວຽກງານຮາກຖານ, ພັດທະນາຊົນນະບົດຮອບດ້ານ ແລະວຽກງານອື່ນໆ ໂອກາດດຽວກັນຍັງໄດ້ ປາຖະກະຖາວັນຄູແຫ່ງຊາດ ຄົບຮອບ 25 ປີ ( 7.10.1994 – 7.10.2019 ), ວັນປະກາດເອກະລາດ – ວັນສ້າງຕັ້ງການທູດລາວ ຄົບຮອບ 74ປີ( 12.10.1945-12.10.2019 ), ວັນລະນຶກສາກົນ ຄົບຮອບ 32 ປີ(17.10.1987 -17.10.2019) ແລະ ວັນຊາດ ສປ ຈີນ ຄົບຮອບ 70ປີ (1.10.1949-1.10.2019 )ຕື່ມອີກ.

ພາບ-ຂ່າວ: ສີສະເຫຼີມສັກ