ໃນຕອນເຊົ້າຂອງວັນທີ 2 ຕຸລາ 2019 ກອງບັນຊາການ ປກສ, ປກຊ ແລະທະຫານຊາຍແດນ ກອງຮ້ອຍ 322 ຈັດພິທີ ພົບປະແລກປ່ຽນສະພາບການ ປະຈໍາໄຕມາດ 3 ຂຶ້ນຢູ່ທີ່ສະໂມສອນກອງບັນຊາການ ປກສ ເມືອງນອງ, ໂດຍການເປັນປະທານ ຂອງທ່ານ ລຳແກ້ວ ແສງໜູທອງ ເຈົ້າເມືອງໆນອງ, ມີກຳລັງປກສ, ປກຊ, ຈຸດສຸມ, ກຸ່ມບ້ານ ແລະ ກອງຮ້ອຍ ທະຫານຊາຍແດນນ 322 ເຂົ້າຮ່ວມ.

ໃນພິທີທັງ ສອງກອງບັນຊາການ ແລະ ກອງຮ້ອຍຊາຍແດນ 322ກໍ່ໄດ້ຂຶ້ນລາຍງານສະພາບການຈັດຕັ້ງປະຕິບັດຕະຫຼອດໄລຍະ3ເດືອນຜ່ານມາຂອງຕົນ ແລະໄດ້ຍົກໃຫ້ເຫັນເຖິງບັນຫາວຽກງານອັນພົ້ນເດັ່ນບາງໜ້າວຽກເປັນຕົ້ນແມ່ນ: ວຽກງານ ສະພາບການປະກົດການຫຍໍ້ທໍ້ທີ່ເກີດຂຶ້ນທາງສັງຄົມຄື: ເຫດການຄະດີຄາດຕະກຳສະເທືອນຂວັນທີ່ເກີດຂຶ້ນຢູ່ກຸ່ມບ້ານທີ 8 ບ້ານແດນວິໄລ ເມືອງນອງແຂວງສະຫວັນນະເຂດ ທາງກອງບັນຊາການ ປກສ ເມືອງໄດ້ສົມທົບກັບກໍາລັງກອງຮ້ອຍຊາຍແດນ 322 ເພື່ອວາງແຜນຈັບກຸມຜູ້ຕ້ອງຫາໃນທີ່ສຸດກໍ່ສາມາດກັກຕົວໄດ້ສຳເລັດ ແລະໄດ້ນຳສົ່ງໃຫ້ ປກສແຂວງດຳເນີນຄະດີໃນຂັ້ນຕໍ່ໄປ,ກັກຕົວຜູ້ຕ້ອງຫາຄະດີລັກຊັບພົນລະເມືອງມີ 2ລາຍ, ຄະດີຂົ່ມຂືນກະທຳຊຳເລົາ1ລາຍສ່ວນວຽກງານທີ່ຈະຕ້ອງໄດ້ສືບຕໍ່ຮ່ວມກັນແມ່ນ: ສືບຕໍ່ປັບປຸງການຈັດຕັ້ງເພື່ອເຮັດໃຫ້ກຳລັງ ປກສ, ປກຊ ຕະຫຼອດຮອດຈຸດສຸມກຸ່ມບ້ານມີຄຸນນະພາບໃນການປະຕິບັດວຽກງານຂອງຕົນໃຫ້ມີຄວາມເຂັ້ມແຂງ, ປັບປຸງການປະສານງານໃນການເຮັດວຽກລະຫວ່າງສອງກໍາລັງ ແລະ ກ້ອງຮ້ອຍໃຫ້ມີຄວາມລະອຽດຂຶ້ນກວ່າເກົ່າ, ທາງດ້ານວຽກງານວິຊາສະເພາະ, ພາກສ່ວນກ່ຽວຂ້ອງຈະຕ້ອງໄດ້ປະສານສົມທົບກັນຄືນກ່ຽວກັບບັນຫາສາສາໜາທີ່ເຫັນວ່າເພີ່ມຂຶ້ນເລື້ອຍໆໃນປັດຈຸບັນ.

ໂອກາດດັ່ງກ່າວ ທ່ານ ລຳແກ້ວ ແສງໜູທອງ ເຈົ້າເມືອງກໍ່ໄດ້ໃຫ້ກຽດໂອ້ລົມ ແລະໃຫ້ທິດທາງຕໍ່ກັບຄະນະພັກຄະນະບັນຊາການຂອງສອງກຳລັງໃຫ້ບັນດາສະຫາຍເພີ່ມທະວີຄວາມເປັນເຈົ້າການໃນວຽກງານຂອງຕົນ, ສຶກສາອົບຮົມການເມືອງແນວຄິດໃຫ້ທົ່ວເຖິງ,ຫັນລົງສູ່ຮາກຖານ, ປັບປຸງກົນໄກທາງດ້ານການປະສານງານໃນການເຮັດວຽກຢ່າງລະອຽດຫັນເຂົ້າສູ່ລະບົບ ລະບຽບການ, ຮັບຜິດຊອບໜ້າທີ່ຂອງຕົນຢ່າງຂາດຕົວ, ເຄັ່ງຄັດ, ໜັກແໜ້ນ ແລະໜ້າເຊື່ອຖືໄດ້, ນຳເອົາລະບຽບກົດໝາຍ, ມະຕິ, ຄຳສັ່ງຕ່າງໆ ຂອງຂັ້ນເທິງວາງອອກລົງເຜີຍແຜ່ໃຫ້ ປະຊາຊົນໄດ້ຮັບຮູ້ ແລະເຂົ້າໃຈເພື່ອເຮັດໃຫ້ ບັນຫາປະກົດການຫຍໍ້ທໍ້ທີ່ເກີດຂຶ້ນໃນສັງຄົມໃຫ້ຄ່ອຍຫຼຸດລົງເທື່ອລະກ້າວ.

ນັກຂ່າວເມືອງນອງ