ໃນຕອນເຊົ້າວັນທີ 3 ຕຸລາ 2019ນີ້ຢູ່ທີ່ຫ້ອງປະຊຸມພະແນກສຶກສາທິການ ແລະ ກິລາແຂວງສະຫວັນນະເຂດໄດ້ສຳເລັດກອງປະຊຸມໃຫຍ່ຄັ້ງທີVຂອງຮາກຖານກຳມະບານຫ້ອງການບໍລິຫານພະແນກສຶກສາທິການແລະກິລາແຂວງໂດຍການເຂົ້າຮ່ວມຂອງທ່ານ ຖາວອນ ອິນສີຊຽງໃຫມ່ ປະທານກຳມະບານພະແນກສຶກສາທິການແລະກິລາແຂວງຮອງຫົວຫນ້າພະແນກ ສຶກສາທິການແລະກິລາແຂວງ.
ທ່ານ ສະຫງວນຮັກ ທົງພັກດີ ປະທານຮາກຖານກຳມະບານຫ້ອງການບໍລິຫານ ພະແນກສຶກສາທິການແລະກິລາແຂວງກໍໄດ້ຜ່ານບົດລາຍງານການເມືອງພາກ 1 ແລະ ພາກ 2 ຜ່ານຈາກການຈັດຕັ້ງ-ນຳພາສຶກສາອົບຮົມທາງດ້ານການເມືອງແນວຄິດໄດ້ເຮັດໃຫ້ພະນັກງານ,ສະມາຊິກກຳມະບານພາຍໃນຮາກຖານກຳແໜ້ນເຊື່ອມຊືມຕໍ່ແນວທາງນະໂຍບາຍຂອງພັກທີ່ວາງອອກໃນແຕ່ລະໄລຍະ,ເຊື່ອໝັ້ນຢ່າງໜັກແໜ້ນຕໍ່ການຈັດຕັ້ງ-ນຳພາຂອງພັກ-ລັດ ແລະ ອົງການຈັດຕັ້ງກຳມະບານເຊິ່ງໄດ້ສະແດງອອກຢູາບ່ອນວ່າສະມາຊິກຳມະບານໄດ້ມີຄວາມຕື່ນຕົວສູງທາງດ້ານການເມືອງ, ມີສະຕິເຄົາລົບ, ປະຕິບັດລະບຽບວິໄນຂອງລັດຖະກອນ,ລະບຽບສຳນັກງານ, ຫ້ອງການ ແລະ ລະບຽບກົດໝາຍບ້ານເມືອງ, ຕັ້ງໜ້າເຂົ້າຮ່ວມຊີວິດການເມືອງ ຕີລາຄາແບ່ງປະເພດ ແລະ ເສຍເງິນສະຕິບຳລຸງເປັນປົກກະຕິ,ຫ້າວຫັນ ແລະ ເຮັດສຳເລັດໜ້າທີ່ວຽກງານຕາມການຈັດຕັ້ງມອບໝາຍ ,ຄະນະຮາກຖານກຳມະບານຫ້ອງການບໍລິຫານພະແນກສຶກສາທິການແລະກິລາແຂວງປະກອບມີ3ທ່ານ ຍິງ2ທ່ານ ມີສະມາຊິກທັງໝົດ 97 ທ່ານ,ຍິງ 45 ທ່ານ,ເທົ່າກັບ100%ຂອງຈຳນວນພະນັກງານ-ລັດຖະກອນທັງຫມົດ,ມີສະມາຊິກກອງທຶນ 92 ຄົນຍິງ 48 ຄົນເທົ່າກັບ85%ຂອງຈຳນວນສະມາຊິກກຳມະບານທັງໝົດ ແລະ ໄດ້ແບ່ງການຈັດຕັ້ງອອກເປັນ12ຈຸທີ່ຂຶ້ນກັບ.

ໃນກອງປະຊຸມຄັ້ງປະຖົມມະລຶກໄດ້ມີການບ່ອນບັດເລືອກຕັ້ງເອົາຄະນະປະທານຮາກຖານກຳມະບານຫ້ອງການບໍລິຫານຊຸດໃຫມ່ ເຊິ່ງມີຜູ້ລົງສະຫມັກເລືອກຕັ້ງທັງໝົດ 7 ທ່ານເລືອເອົາ 5 ທ່ານ ຜົນການປ່ອນບັດເລືອກໄດ້ ທ່ານ ສະຫງວນຮັກ ທົງພັກດີເປັນປະທານ,ທ່ານ ສີວິໄຊ ໃຈແກ້ວເປັນຮອງ, ທ່ານ ນາງບໍ່ແກ້ວ ແກ້ວພາວັນ,ທ່ານ ສົມນຶກ ໄຊສົງຄາມ ທ່ານ ໄກສອນ ຮົ່ມໂພທິຈັກ ເປັນຄະນະກຳມະການ.
ຈາກນັ້ນໃນພິທີ ທ່ານ ຖາວອນ ອິນສີຊຽງໃຫມ່ ຮອງຫົວໜ້າພະແນກສຶກສາທິການ ແລະ ກິລາແຂວງ ກໍໄດ້ມີຄຳເຫັນໂອ້ລົມຕໍ່ຄະນະປະທານຮາກຖານກຳມະບານຫ້ອງການບໍລິຫານຊຸດໃຫມ່ວ່າ:ຈົ່ງເອົາໃຈໃສ່ສຶກສາອົບຮົມພະນັກງານສະມາຊິກກຳມະບານ,ລັດຖະກອນໃຫ້ເຊື່ອມຊືມບັນດາແນວທາງນະໂຍບາຍຂອງພັກ-ລະບຽບກົດໝາຍຂອງລັດ, ຍົກສູງລັກສະນະຫຼັກໝັ້ນ,ມີຈິດໃຈຮັກຊາດຮັກບ້ານເກີດເມືອງນອນ, ກຽມພ້ອມທັບມ້າງກົນອຸບາຍຫັນປ່ຽນໂດຍສັນຕິ,ເປັນເຈົ້າການສະກັດກັ້ນປະກົດການຫຍໍ້ທໍ້ຕ່າງໆໃນສັງຄົມ, ເອົາໃຈໃສ່ປັບປຸງຈັດຕັ້ງໃຫ້ເຂັ້ມແຂງທາງດ້ານປະລິມານ ແລະ ຄຸນນະພາບເປັນຕົ້ນປັງປຸງແບບແຜນວິທີເຮັດວຽກເຂົ້າສູ່ລະບຽບຫຼັກກາຍເທື່ອລະກ້າວບົນພື້ນຖານປະຊາທິປະໄຕເອົາໃຈໃສ່ວຽກງານຢ່າງມີແຜນກວດກາສະຫຼຸບບົດຮຽນໃນແຕ່ລະໄລຍະພ້ອມນັ້ນຕ້ອງເປັນເຈົ້າການປະຕິບັດໜ້າທີ່ເສນາທິການໃຫ້ຄະນະພັກຂັ້ນຂອງຕົນເພື່ອເຮັດຫຼ້ອນໜ້າທີ່ວິຊາສະເພາະທີ່ກາຈັດຕັ້ງມອບໝາຍໃຫ້ ແລະ ສ້າງຂະບວນແຂ່ງຂັນ5ເປັນເຈົ້າໃຫ້ເປັນຂະບວນຟົດຟື້ນ,ສະມາຊິກຳມະບານໃນຮາກຖານທຸກຄົນຕ້ອງເຂົ້າຮ່ວມແຂ່ງຂັນດັ່ງກ່າວເພື່ອເຮັດໃຫ້ກຳມະບານຮາກຖານພວກເຮົາມີຄວາມເຂັ້ນແຂງໜັກແໜ້ນ.

ຂ່າວ :ວິລັດດາ ດວງຈັນທາ
Medialaos Massmedia