ໃນຕອນເຊົ້າຂອງວັນທີ 02 ຕຸລາ 2019 ໄດ້ມີພິທີການມອບ-ຮັບເຄື່ອງອຸປະກອນຮັບໃຊ້ການຮຽນການສອນໂດຍການຊ່ວຍເຫຼືອລ້າຈາກໂຮງງານເຟີນີເຈີ້ໄມ້ ທ່ານ ບຸນຕອມ ແລະ ໂຮງງານເຟີນີເຈີ້ໄມ້່, ທານ ແອສະຫວັນ ເຊີ່ງໄດ້ນໍາໄປມອບຢູ່ທີ່ໂຮງຮຽນປະຖົມບ້ານກະຢ໋ອງ ມີໂຕະ+ຕັ່ງປະຖົມ 10 ຊຸດ, ໂຕະຕັ່ງອະນຸບານ 10 ຊຸດ, ໂຕະຕັ່ງຄູ 01 ຊຸດ, ຕູ້ໄວ້ເອກະສານ 01 ໜ່ວຍ ແລະກະດານດໍາ 01 ແຜ່ນ ລວມມູນຄ່າທັງໝົດ 7.700.000 ກີບ. ເປັນກຽດຕ່າງໜ້າມອບ-ຮັບໃນຄັ້ງແມ່ນ ທ່ານ ອຸດອນ ສີສົມບັດ ຮອງເຈົ້າເມືອງໆພີນ, ມີທ່ານ ພັທ ເພັດ ໄຊສົງຄາມ ກໍາມະການພັກເມືອງ ຫົວໜ້າກອງບັນຊາການ ປກສ ເມືອງພີນ ທັງເປັນຜູ້ຊີ້ນໍາເຂດກຸ່ມບ້ານທີ 07 ພ້ອມຄະນະຊີ້ນໍາເຂດ, ມີອໍານາດການປົກຄອງບ້ານ ແລະພໍ່ແມ່ປະຊາຊົນເຂົ້າຮ່ວມ.

ຈາກນັ້ນ ທ່ານ ອຸດອນ ສີສົມບັດ ຮອງເຈົ້າເມືອງໆພີນກໍ່ໄດ້ນໍາພາຂະບວມການຊາວໜຸ່ມຂອງໂຮງຮຽນ ມສ ພີນ ແລະ ມສ ເຊທ່າມວກຂື້ນໄປອອກແຮງງານ,ອະນາໄມຊ່ວຍເຫຼືອຢູ່ທີ່ໂຮງຮຽນ ມສ ໄຊພູວຽງ ເຂດຈຸດສຸມຫ້ວຍຫອຍ-ທູນຂາມ-ຍາງ ເມືອງພີນ ທີ່ໄດ້ຮັບຜົມກະທົບຈາກໄພທໍາມະຊາດ(ນໍ້າຖ້ວມ)ທີ່ຜ່ານມາ. ໂດຍມີຊາວໜຸ່ມແລະຄູອາຈານທັງສອງ ມສ ຮ່ວມແຮງຮ່ວມໃຈພ້ອມພຽງຮຽງໜ້າກັນຈໍານວນຫຼາຍຮ້ອຍກວ່າຄົນພ້ອມພາກັນອະນາໄມຢ່າງຫ້າວຫັນ.

ແລະມາໃນວັນທີ 03 ຕຸລາ 2019 ນີ້ກໍ່ໄດ້ມີການ ມອບ-ຮັບ ເຄື່ອງລະດົມຊ່ວຍເຫຼືອຜູ້ປະສົບໄພນໍ້າຖ້ວມ ຂອງສະມາຊິກຊາວໜຸ່ມ – ໄວໜຸ່ມທົ່ວເມືອງພີນ ມີເຂົ້າສານ, ເຄື່ອງນຸ່ງຮົ່ມ, ອາຫານເຄີ່ງສໍາເລັດຮູບ, ເຄື່ອງຮັບໃຊ້ຄົວເຮືອນ ແລະອື່ນ…ລວມມູນຄ່າທັງໝົດ 8.236.000 ກີບມອບໃຫ້ຫ້ອງວ່າການປົກຄອງເມືອງພີນ. ໂດຍການເປັນກຽດ ມອບ-ຮັບ ຂອງທ່ານ ສາລີ ວີນລາວັນ ເຈົ້າເມືອງ-ເມືອງພີນ ແລະ ທ່ານ ນາງ ກອງມະນີ ຍອດພະຍາ ກໍາມະການພັກເມືອງ ເລຂາຄະນະບໍລິຫານງານຊາວໜຸ່ມເມືອງ, ມີຄະນະພັກ-ກໍາມະການພັກ, ຮາກຖານຊາວໜຸ່ມອ້ອມຂ້າງເຂົ້າຮ່ວມ.

Medialaos Massmedia