ໃນວັນທີ 1-3 ຕຸລາ 2019 ນີ້, ຢູ່ທີ່ ສະໂມສອນຂອງຫ້ອງວ່າການປົກຄອງເມືອງໄຊບູລີ ໄດ້ເປີດກອງປະຊຸມບັ້ນດໍາເນີນຊິວິດການເມືອງ ຄົບຄະນະບໍລິຫານງານພັກເມືອງໆ ໄຊບູລີ ໂດຍການໃຫ້ກຽດເຂົ້າຮ່ວມ ເປັນປະທານ ຂອງສະຫາຍ ປອ ຄໍາເຜີຍ ຜັນທະຈອນ ຮອງເລຂາຄະນະບໍລິຫານງານພັກແຂວງ, ປະທານສະມາຊິກສະພາປະຊາຊົນແຂວງສະຫວັນນະເຂດ, ສະຫາຍ ອ່ອນລໍາພັນ ບົວສີແກ້ວ ວ່າການເລຂາພັກເມືອງ ເຈົ້າເມືອງໆ ໄຊບູລີ, ມີບັນດາສະຫາຍ ເລຂາ, ຮອງເລຂາຄະນະພັກຮາກຖານ, ບັນດາສະມາຊິກພັກສົມບູນຫົວໜ້າ, ຮອງຫົວໜ້າຫ້ອງການອ້ອມຂ້າງເມືອງ, ນາຍແລະພົນທະຫານ, ນາຍແລະພົນຕໍາຫຼວດ, ເລຂາພັກຮາກຖານຂັ້ນບ້ານເຂົ້າຮ່ວມ 160 ສະຫາຍ, ຍິງ 13 ສະຫາຍ

ໃນກອງປະຊຸມ ສະຫາຍ ອ່ອນລໍາພັນບົວສີແກ້ວ ວ່າການເລຂາພັກເມືອງ ເຈົ້າເມືອງໆ ໄຊບູລີ ກໍ່ໄດ້ຜ່ານບົດສະຫຼຸບການຕີລາຄາຂອງການຊີນໍາໆ ພາຂອງຄະນະພັກບໍ່ລິຫານພັກເມືອງ ສະໄໝທີ VI, ມະຕິກອງປະຊຸມບັ້ນດໍາເນີນຊິວິດການເມືອງຄົບຄະນະເປີດກວ້າງທ້າຍສະໄໝ 2019, ໃນນັ້ນໄດ້ເຖິງສະພາບລວມໃນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກ, ມະຕິຂອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງ, ມະຕິກອງປະຊຸມໃຫຍ່ຄັ້ງທີ VI ຂອງອົງຄະນະພັກເມືອງ ແລະ ສະຫຼຸບການຊີ້ນໍາໆ ພາວຽກງານອັນພົ້ນເດັ່ນ ໃນຄວາມຮັບຜິດຊອບຂອງສັງຄົມ, ການຊີ້ນໍາໆ ພາວຽກງານປ້ອງກັນຊາດປ້້ອງກັນຄວາມສະຫງົບ, ຊີ້ນໍາການພັດທະນາທາງດ້ານຂົງເຂດເສດຖະກິດ, ວັດທະນະທໍາ- ສັງຄົມ, ການບູລະນະລັດປະຊາທິປະໄຕປະຊາຊົນ, ວຽກງານພັກ ແລະພະນັກງານ, ການກະກຽມຄວາມພ້ອມສໍາລັບກອງປະຊຸມໃຫຍ່ຄັ້ງທີ VII ຂອງອົງຄະນະພັກເມືອງໄຊບູລີ, ມາຮອດປັດຈຸບັນແມ່ນຄວາມພ້ອມແລ້ວ, ຈາກນັ້ນກອງປະຊຸມຍັງໄດ້ຮັບຟັງການໂອ້ລົມຂອງຄະນະພັກຂັ້ນເທິງ ໂດຍສະຫາຍ ປອ ຄໍາເຜີຍ ຜັນທະຈອນ ຮອງເລຂາຄະນະບໍລິຫານງານພັກແຂວງ ໄດ້ສະແດງຄວາມຍ້ອງຍໍຊົມເຊີຍມາຍັງຄະນະຮັບຜິດຊອບເປີດບັ້ນດໍາເນີນຊິວິດການເມືອງໃນຄັ້ງນີ້ ເຊິ່ງໃນນັ້ນສະຫາຍຍັງໄດ້ເນັ້ນໜັກມາຍັງຍັງບັນດາແຕ່ລະສະຫາຍຂອງສະມາຊິກພັກ ຈະຕ້ອງໄດ້ສຸມແຮງສຸມໃຈ, ຄົ້ນຄວ້າໃນ 3 ວຽກງານອັນໃຫຍ່ຄື: 1 ເປີດບັ້ນດໍາເນີນຊິດການເມືອງນີ້ ຈະຕ້ອງໄດ້ສໍາຫຼວດກວດກາການ, ນໍາພາລວມຂອງຄະນະພັກບຸກຄົນໃນຄະນະ ແລະມາຊິກພັກ, 2 ຈະຕ້ອງໄດ້ສະຫຼຸບ, ວິເຄາະຜົນສໍາເລັດ ອັນໃດເຮັດໄດ້ ແລະອັນໃດຍັງຄົງຄ້າງ, ເຮັດບໍ່ໄດ້ຍ້ອນຫຍັງ, ເຫດຜົນຫຍັງ, ມີມາດຕະການແກ້ໄຂແນວໃດ ແລະ ອັນ 3 ທາບທາມ, ຂັດເລືອກ ບຸກຄະລາກອນ ປະກອບເຂົ້າໃນຄະນະບໍລິຫານງານພັກເມືອງ ຈະຕ້ອງໄດ້ຂັດຈ້ອນເອົາຜູ້ທີ່ມີຜົນງານ,ຜູ້ເຮັດແທ້ທໍາຈິງຕິດຜັນກັບແຜນກໍານົດພະນັກງານ – ນໍາພາຄຸ້ມຄອງ ຫຼິກເວັ້ນຫາງສຽງບໍ່ດີ ເພື່ອຮັບປະກັນໃຫ້ຖືກຕ້ອງຕາມມາດຕະຖານເງື່ອນໄຂທີ່ຂັ້ນເທິງໄດ້ກໍານົດໄວ້

Medialaos Massmedia