ເມືອງອຸທຸມພອນ ສັງເກດຄືນວຽກງານກະກຽມກອງປະຊຸມໃຫຍ່ ຂອງອົງຄະນະພັກເມືອງ ຄັ້ງທີ VIII

0
279

ໃນຕອນເຊົ້າວັນທີ 4 ຕຸລາ 2019 ທີ່ຜ່ານມາຢູ່ທີ່ສະໂມສອນເມືອງອຸທຸມພອນ ໄດ້ຈັດໃຫ້ມີກອງປະຊຸມ ຊຸກຍູ້ວຽກງານການກະກຽມກອງປະຊຸມໃຫຍ່ຂອງອົງຄະນະພັກເມືອງ ຄັ້ງທີ VIII ແລະ ເຜີຍແຜ່ແຈ້ງການຂອງທ່ານ ເຈົ້າແຂວງໆ ສະຫວັນນະເຂດ ສະບັບເລກທີ 1608/ຈຂ.ສຂ ລົງວັນທີ 25 ກັນຍາ 2019 ວ່າດ້ວຍ ການຍຸບເລີກຈຸດກວດກາ ຂອງເຈົ້າໜ້າທີ່ລັດພາຍໃນແຂວງ ສະຫວັນນະເຂດ. ໂດຍພາຍໃຕ້ການເປັນປະທານຂອງ ທ່ານ ປະສົງສິນ ຈະເລີນສຸກ ກຳມະການພັກແຂວງ ເລຂາພັກເມືອງ ເຈົ້າເມືອງໆ ອຸທຸມພອນ, ມີບັນດາທ່ານ ຄະນະ ບໍລິຫານງານພັກເມືອງ, ຫົວໜ້າຫ້ອງການ, ຄະນະຫ້ອງການ, ພະນັກງານ, ຫະຫານ, ຕຳຫຼວດ ຕະຫຼອດຮອດ ເລຂາຄະນະພັກຮາກຖານກຸ່ມບ້ານ ພາຍໃນເມືອງເຂົ້າຮ່ວມ.

ໃນກອງປະຊຸມກ່ອນອື່ນ ທ່ານ ປະສົງສິນ ຈະເລີນສຸກ ເຈົ້າເມືອງໆ ອຸທຸມພອນ ກໍ່ໄດ້ໃຫ້ກຽດເຜີຍແຜ່ ແຈ້ງການຂອງທ່ານ ເຈົ້າແຂວງໆ ສະຫວັນນະເຂດ ສະບັບເລກທີ 1608/ຈຂ.ສຂ ລົງວັນທີ 25 ກັນຍາ 2019 ວ່າດ້ວຍ ການຍຸບເລີກຈຸດກວດກາ ຂອງເຈົ້າໜ້າທີ່ລັດພາຍໃນແຂວງ ສະຫວັນນະເຂດ. ຈາກນັ້ນ ທ່ານ ພັນໂທ ບຸນເດັດ ແສນລາດ ຫົວໜ້າກອງບັນຊາການ ປກສ ເມືອງ ກໍ່ໄດ້ນຳພາເຊື່ອມຊຶມ ຜັນຂະຫຍາຍແຈ້ງກ່າວດັ່ງກ່າວ ໃຫ້ກັບພະນັກງານນັກຮົບ ພ້ອມກັນຈັດຕັ້ງປະຕິບັດຢ່າງເຂັ້ມງວດ.

ພ້ອມດຽວກັນນີ້ ໃນກອງປະຊຸມຍັງໄດ້ຜ່ານມະຕິຕົກລົງຂອງຄະນະປະຈຳພັກເມືອງ ສະບັບເລກທີ 355/ຄປພ.ອທພ ລົງວັນທີ 1 ຕຸລາ 2019 ວ່າດ້ວຍການແຕ່ງຕັ້ງຄະນະກຳມະການຮັບຜິດຊອບກະກຽມ ແລະ ດຳເນີນກອງປະຊຸມໃຫຍ່ ຄັ້ງທີ VIII ຂອງອົງຄະນະພັກເມືອງອຸທຸມພອນ. ເຊິ່ງທ່ານ ປະສົງສິນ ຈະເລີນສຸກ ເຈົ້າເມືອງໆ ອຸທຸມພອນ ໄດ້ໃຫ້ຮູ້ວ່າ: ເພື່ອປະຕິບັດຕາມມະຕິຕົກລົງ ຂອງຄະນະປະຈຳພັກແຂວງ ສະບັບເລກທີ 0669/ຄປພສ.ສຂ ລົງວັນ 13 ກໍລະກົດ 2018 ກ່ຽວກັບການກະກຽມດຳເນີນກອງປະຊຸມ ໃຫຍ່ອົງຄະນະພັກເມືອງອຸທຸມພອນ ຄັ້ງທີ VIII ທີ່ຈະໄຂຂຶ້ນ ໃນເດືອນຕົ້ນເດືອນທັນວາທີ່ຈະມາເຖິງນີ້, ພ້ອມທັງຕີລາຄາການຊີ້ນຳ-ນຳພາຈັດຕັ້ງປະຕິບັດມະຕິ ກອງປະຊຸມໃຫຍ່ຄັ້ງທີ VII ຂອງອົງຄະນະພັກເມືອງ ແລະ ແຜນພັດທະນາເສດຖະກິດ-ສັງຄົມ 5 ປີຄັ້ງທີ VII ຂອງເມືອງອຸທຸມພອນ ຢ່າງຮອບດ້ານ, ຖືກຕ້ອງ ແລະ ພາວະວິໄສ, ຄາດໝາຍ ສູ້ຊົນແຕ່ລະດ້ານຂອງອົງຄະນະພັກ ແລະ ແຜນພັດທະນາ ເສດຖະກິດ-ສັງຄົມ 5 ປີຕໍ່ໜ້າ ໃຫ້ຖືກຕ້ອງ, ສອດຄ່ອງກັບຄວາມເປັນຈິງ ແລະ ສາມາດຈັດຕັ້ງປະຕິບັດໄດ້ ຄະນະປະຈຳພັກເມືອງອຸທຸມພອນ ໄດ້ອອກມະຕິຕົກລົງ ສະບັບເລກທີ475/ຄປພ.ອທພ ລົງວັນທີ 10 ຕຸລາ 2018 ແລະ ໄດ້ ປັບປຸງມາເປັນມະຕິຕົກລົງຂອງ ຄະນະປະຈຳພັກເມືອງ ສະບັບເລກທີ 355/ຄປພ.ອທພ ລົງວັນທີ 1 ຕຸລາ 2019 ວ່າດ້ວຍ ການແຕ່ງຕັ້ງຄະນະຮັບຜິດຊອບຊີ້ນຳລວມ ແລະ ບັນດາອະນຸກຳມະການກະກຽມ ແລະ ດໍາເນີນກອງປະຊຸມໃຫຍ່ຄັ້ງທີ VIII ຂອງອົງຄະນະພັກເມືອງອຸທຸມພອນ ຊຶ່ງປະກອບມີ 9 ອະນຸກຳມະການຄື: ອະນຸກຳມະການເນື້ອໃນ, ອະນຸກຳມະການໂຄງປະກອບບຸກຄະລາກອນ, ອະນຸກຳມະການເສດຖະກິດ, ອະນຸກຳມະການຂະບວນການ, ແຂ່ງຂັນ ແລະ ຍ້ອງຍໍ, ອະນຸກຳມະການສະຖານທີ່ ແລະ ປະດັບປະດາ, ອະນຸກຳມະການຮັບແຂກ, ອະນຸກຳມະການຕິດຕາມສຸຂະພາບ, ອະນຸກຳມະການປ້ອງກັນຄວາມສະຫງົບສຸກ ແລະ ອະນຸກຳມະການກອງເລຂາຂອງຄະນະຊີ້ນຳລວມ. ຜ່ານການຊີ້ນຳ-ນຳພາ ບັນດາອະນຸກໍາມະການຕ່າງໆ ປະຕິບັດຕາມໜ້າທີ່ ທີ່ໄດ້ກຳນົດໄວ້ມາຮອດປັດຈຸບັນ ວຽກງານທີ່ເປັນພື້ນຖານຕົ້ນຕໍ່ ໃນການກະກຽມກອງປະຊຸມ ໃຫຍ່ຄັ້ງທີ VIII ຂອງອົງຄະນະພັກເມືອງອຸທຸມພອນ ແມ່ນສຳເລັດເປັນສ່ວນໃຫຍ່ ແລະ ຄາດວ່າ ຈະສາມາດສະເໜີໃຫ້ຄະນະປະຈຳພັກແຂວງ ພິຈາລະນາອະນຸມັດໃຫ້ດຳເນີນກອງປະຊຸມ ໃນລະຫວ່າງຕົ້ນເດືອນທັນວາ 2019 ຈະມາເຖິງນີ້.

ຂ່າວ: ພອນປະເສີດ ແຜນພັກດີ່