ທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວ ໄດ້ແຈ້ງໃຫ້ຮູ້ວ່າ: ພາຍຫລັງໄດ້ເກີດໄພນ້ຳຖ້ວມ ຢູ່ 2 ແຂວງພາກກາງ ແລະ 4 ແຂວງພາກໃຕ້, ທາງອົງການກາແດງລາວ ກໍໄດ້ລົງໃຫ້ຄວາມຊ່ວຍເຫລືອສຸກເສີນຢ່າງຮີບດ່ວນ, ເລັ່ງປະສານງານກັບອົງການກາແດງສາກົນ ເພື່ອວາງແຜນກຽມນຳໃຊ້ກອງທຶນສຸກເສີນ ຂອງກາແດງສາກົນ ເຂົ້າໃນການຊ່ວຍເຫລືອປະຊາຊົນ ແລະ ປຸກລະດົມຂົນຂວາຍບັນດາຄູ່ຮ່ວມທຸລະກິດ, ຫ້າງຮ້ານພາຍໃນ, ຕ່າງປະ ເທດ ແລະ ສັງຄົມ ປະກອບສ່ວນທາງດ້ານວັດຖຸປັດໄຈ ເພື່ອນຳໄປຊ່ວຍເຫລືອຜູ້ປະສົບໄພດັ່ງກ່າວ ໃຫ້ທົ່ວເຖິງ ແລະ ທັນການ.

ທ່ານ ຄຳຮຸ່ງ ເຮືອງວົງສີ ຍັງໃຫ້ຮູ້ຕື່ມວ່າ: ພາຍຫລັງໄດ້ເກີດໄພນ້ຳຖ້ວມ ຢູ່ 2 ແຂວງພາກກາງ ແລະ 4 ແຂວງພາກໃຕ້, ທາງອົງການກາແດງລາວ ກໍໄດ້ຈັດຕັ້ງໜ່ວຍກູ້ໄພ 2 ທີມງານລົງໄປຊ່ວຍເຫລືອ 2 ແຂວງ ຄື ແຂວງຈຳປາສັກ ແລະ ແຂວງສະຫວັນນະເຂດ. ພ້ອມນີ້, ຍັງໄດ້ນຳວັດຖຸເຄື່ອງໃຊ້ທີ່ຈຳເປັນນຳໄປມອບໃຫ້ບັນດາແຂວງ ທີ່ໄດ້ຮັບຜົນກະທົບ, ລວມມີ ເຂົ້າ ສານສານອາຫານແຫ້ງ, ປາກະປ໋ອງ, ໝີ່ສຳເລັດຮູບ, ເຄື່ອງນຸ່ງຫົ່ມ, ເຄື່ອງໃຊ້ຄົວເຮືອນ ແລະ ຢາປົວພະຍາດ, ພ້ອມຜະລິດນ້ຳສະອາດ ສະໜອງແຈກຢາຍໃຫ້ປະຊາຊົນຕື່ມອີກ. ໃນປີ 2019, ອົງການກາແດງລາວ ໄດ້ລົງຊ່ວຍເຫລືອຜູ້ປະສົບໄພ ຢູ່ 13 ແຂວງ 19 ເມືອງ, 51 ບ້ານ, 5.539 ຄອບຄົວ 24.834 ກ່ວາຄົນ, ມີມູນຄ່າປະມານ 828 ລ້ານກວ່າກີບ.

Medialaos Massmedia