ລັດວິສາຫະກິດລາວເດີນອາກາດ ຫລື lao sky way ຈະຂະຫຍາຍຕຶກບໍລິການ ຜູ້ໂດຍສານຫລັງໃໝ່ຢູ່ສະໜາມບິນແຂວງຫລວງພະບາງເພື່ອຮັບໃຊ້ສັງຄົມ ມາຮອດປັດຈຸບັນ ແມ່ນໄດ້ສຳເລັດການອອກແບບແລ້ວ ຄາດວ່າໂຄງການກໍ່ສ້າງຈະໃຫ້ສຳເລັດພາຍໃນ 2 ປີ ຂ້າງໜ້າ.

ທ່ານ ສີວຽງທອງ ກອນນິວົງ ຜູ້ອຳນວຍການລັດວິສາຫະກິດລາວເດີນອາກາດ ໄດ້ໃຫ້ສຳພາດຕໍ່ສື່ມວນຊົນໃນວັນທີ 4 ຕຸລາ 2019 ນີ້ວ່າ: ຕຶກອາຄານຜູ້ໂດຍສານທີ່ຈະສ້າງຂຶ້ນໃໝ່ນີ້, ແມ່ນໄດ້ປັບປຸງຕຶກອາຄານຜູ້ໂດຍສານຫລັງເກົ່າ ທີ່ໄດ້ຢຸດການນຳໃຊ້ ໂດຍປັບປຸງໃຫ້ມີຄວາມທັນສະໄໝ, ມີການບໍລິການແບບຄົບວົງຈອນ, ທຽບເທົ່າກັບສາກົນ ເພື່ອໃຫ້ບໍລິ ການແກ່ສັງຄົມ ກໍຄື ການບໍລິການຜູ້ໂດຍສານສາຍການບິນທັງພາຍໃນ ແລະ ຕ່າງປະເທດ ທີ່ມີເຮືອບິນເໝາະສົມກັບອາຄານ ແລະ ໃຫ້ການບໍລິການຍົນພິເສດ ສຳລັບນັກທຸລະກິດ ແລະ ອື່ນໆ.

Medialaos Massmedia