ໃນທ້າຍອາທິດທີ່ຜ່ານມານີ້,ຢູ່ທີ່ຫ້ອງປະຊຸມຂອງຫ້ອງການອຸດສາຫະກໍາ-ການຄ້າເມືອງນອງ ໄດ້ຈັດພິທີເຜີຍແຜ່ລະບຽບການຕ່າງໆໃຫ້ຜູ້ປະກອບການທຸລະກິດພາຍໃນເມືອງໂດຍພາຍໃຕ້ການເປັນປະທານຂອງທ່ານ ແຕ່ງອ່ອນ ຈັນທະລະນອງ ຮອງເຈົ້າເມືອງໆນອງ,ມີຜູ້ປະກອບການທຸລະກິດ, ຊາວຕ່າງຊາດພາຍໃນເມືອງເຂົ້າຮ່ວມ.
ໃນພິທີກໍ່ໄດ້ເຜີຍແຜ່ເອກະສານ,ຄໍາແນະນໍາຕ່າງໆແລະການແບ່ງປະເພດຂອງສິນຄ້າ, ເຜີຍແຜ່ຄໍາແນະນໍາກ່ຽວກັບການແກ້ໄຂບັນຫາຄົນຕ່າງປະເທດທີ່ມາເຄື່ອນໄຫວດໍາເນີນທຸລະກິດທີ່ບໍ່ຖຶກຕ້ອງຕາມລະບຽບກົດໝາຍໃນ ສປປລາວ.ພ້ອມທັງອະທິບາຍຊີ້ແຈງໃຫ້ນັກທຸລະກິດໄດ້ເຂົ້າໃຈວ່າ ຖ້າຫາກຢາກເຄື່ອນໄຫວດຳເນີນທຸລະກິດຢູ່ປະເທດລາວ ພໍ່ຄ້າຊາວຂາຍ ຫຼື ນັກທຸລະກິດຈະຕ້ອງ ໄດ້ມີທຶນ ຈຳນວນ 4 ຕື້ຂຶ້ນໄປຈຶ່ງຈະສາມາດດຳເນີນທຸລະກິດ ພາຍໃນປະເທດລາວໄດ້. ນອກນັ້ນກໍ່ໄດ້ແນະນໍາພໍ່ຄ້າຊາວຂາຍຄົນຕ່າງປະເທດ ກ່ຽວກັບການຂາຍສິນຄ້າຕ້ອງຫ້າມ,ສິນຄ້າເຊຶ່ອມຄຸນນະພາບ,ສິນຄ້າປອມແປງ ແລະສິນຄ້າໝົດອາຍຸ, ທັງນີ້ເພື່ອຄວາມເປັນລະບົບ,ລະບຽບຂຶ້ນຕື່ມ.

MEDIALAOS