ພິທີມອບ-ຮັບໜ້າທີ່ຮອງຫົວໜ້າຫ້ອງການ ຖວທ ເມືອງທ່າປາງທອງ ແຂວງສະຫັວນະເຂດ ໄດ້ຈັດຂື້ນຢ່າງເປັນທາງການ ໃນວັນທີ 07 ຕຸລາ 2019 ທີ່ຫ້ອງການດັ່ງກາວ ພາຍໃຕ້ການເຂົ້າຮ່ວມຂອງທ່ານ ສີທະນົນໄຊ ສີລິວົງ ກຳມະການພັກເມືອງ ຫົວໜ້າຫ້ອງການ ຖວທ ເມືອງ,ທ່ານ ນາງ ປັດທຸມມາ ສີສຸລາດ ຮອງຫົວໜ້າ ຖວທ ເມືອງ ຜູ້ເກົ່າ,ທ່ານ ບຸນລຽງ ຄໍາສຸນີໄຊ ຮອງຫົວໜ້າຫ້ອງການ ຖວທ ເມືອງ ຜູ້ໃໜ່ ຕະຫຼອດເຖີງພະນັກງານວິຊາການພາຍໃນຫ້ອງການດັ່ງກາວເຂົ້າຮ່ວມຢ່າງພ້ອມພຽງ.

ຈາກນັ້ນ,ທ່ານ ນາງ ປັດທຸມມາ ສີສຸລາດ ຮອງຫົວໜ້າຫ້ອງການ ຖວທ ເມືອງຜູ້ເກົ່າ ໄດ້ຂື້ນລາຍງານວຽກງານ ທີ່ໄດ້ຮັບຜິດຊອບຕາມການມອບໜາຍໃນໄລຍະຜ່ານມາ.ຮັບຜິດຊອບຊີ້ນໍາໆພາ 2 ໜ່ວຍງານຄື:ໜ່ວຍງານຖະແຫຼງຂ່າວ,ໜ່ວຍງານວັດທະນະທໍາ ແລະ ເປັນຫົວໜ້າຄະນະບັນນາທິການຂ່າວສານ,ຫົວໜ້າຄະນະຮັບຜິດຊອບສະຖານນີວິທະຍຸກະຈ່າຍສຽງຂອງເມືອງຫົວໜ້າຊຸກຍູ້ຫົວໜ່ວຍທຸລະກິດ ແລະ ຈັດເກັບລາຍຮັບປະຈໍາປີ 2019 ວຽກງານກວດກາໄດ້ຈັດຕັ້ງປະຕິບັດໃນໄລຍະຜ່ານມາໄດ້ຮັບຜົນສໍາເລັດຫຼາຍດ້ານ.
ອີງຕາມ ຂໍ້ຕົກລົງຂອງທ່ານເຈົ້າທ່າປາງທອງ ເລກທີ 276/ຈມ.ທທ ລົງວັນທີ 3 ກັນຍາ 2019 ວ່າດ້ວຍການຍົກຍ້າຍພະນັກງານໄປປະຈໍາການຢູ່ບ່ອນໃໜ່.ອີງຕາມ ຂໍ້ຕົກລົງຂອງທ່ານເຈົ້າເມືອງທ່າປາງທອງ ເລກທີ 278/ຈມ.ທທ,ລົງວັນທີ 3 ກັນຍາ 2019 ວ່າດ້ວຍການແຕ່ງຕັ້ງຮອງຫົວໜ້າຄະນະໂຄສະນາອົບຮົມເມືອງ.ອີງຕາມ ການມອບໜາຍ ແລະ ການຈັດຕັ້ງປະຕິບັດໜ້າທີ່ວຽກງານຂອງຫ້ອງການ ຖວທ ເມືອງ ,ດັ່ງນັ້ນ,ໄດ້ມອບໜາຍໜ້າທີ່ວຽກງານລະຫວ່າງ ທ່ານນາງ ປັດທຸມາ ສີສຸລາດ ຍົກຍ້າຍໄປຮັບໜ້າທີ່ໃໜ່ ເປັນຮອງຫົວໜ້າໂຄສະນາອົບຮົມເມືອງ ແລະ ທ່ານ ບຸນລຽງ ຄໍາສຸມີໄຊ ເປັນຮອງຫົວໜ້າ ຖວທ ເມືອງ.

ຂ່າວ-ພາບ:ດວງໃຈ ແສນບຸດຕະລາດ
MEDIALAOS