ວັນທີ່ 8.9.2019 ນີ່ ແຂວງຜົ້ງສາລີໄດ້ຈັດໃຫ້ມີຂະບວນການຍ່າງເພື່ອສະເຫຼີມສະຫຼອງວັນຄົນພິການແຫ່ງຊາດ ແລະ ວັນຜູ່ອາຍຸສູງ ສາກົນ ຄົບຮອບ 20ປີ ຄືແຕ່ວັນທີ່ 1.10.1999 – 1.10.2019 ໂດຍການເຂົ້າຮ່ວມຂອງທ່ານ ຄຳເຈນ ວົງໂພສີ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆຜົ້ງສາລີ, ມີບັນທ່ານກຳມະການປະຈຳພັກແຂວງ, ກຳມະພັກແຂວງ, ຫົວໜ້າ – ຮອງຫົວໜ້າພະແນກ, ອະດິດການນຳ, ພະນັກງານປະຕິວັດອາວູໂສເຂົ້າຮ່ວມຢ່າງຫຼວງຫຼາຍ.

ຈຸດປະສົງຂອງການຢ່າງໃນຄັ້ງນີ່ກໍ່ເພື່ອເປັນການສະ ແດງໃຫ້ເຫັນເຖີ່ງຄວາມຮູ້ບູນຄຸນ ແລະ ການປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດ ຊາດຂອງຜູ່ອາຍຸສູງໃນອາດິດກໍ່ຄືປັດຈຸບັນທີ່ໄດ້ຜ່ານການຕໍ່ສູ້ກັບຈັກກະພັດຜູ່ຮຸກຮານ ແລະ ທັງເປັນການລະນືກເຖີ່ງຄຸນງາມຄວາມດີພ້ອມທັງເປັນການປູກລະດົມ ແລະ ຊຸກຍູ້ໃຫ້ຜູ່ອາຍຸສູງເປັນຕົ້ນແມ່ນອາດິດການນຳ, ພະນັກງານປະຕິວັດອາວຸໂສ, ພະນັກງານບຳນານ, ເສຍອົງຄະໃນເທດສະບານແຂວງຜົ້ງສາລີໃຫ້ຫັນມາອອກກຳລັງກາຍມີສຸຂະພາບແຂງແຮງຕະຫຼອດໄປ.
ການຢ່າງໃນຄັ້ງນີ່ໄດ້ເລີ່ມຈາກໜ້າຫ້ອງວ່າການປົກ ຄອງແຂວງໄປຕາມທາງໜ້າກອງບັນຊາການ ປ ກ ສ ແຂວງອ້ອມມາທາງໜ້າຕະຫຼາດແລ້ວມາທາງຫຼັກສູນ ແລະ ກັບມາທີໜ້າຫ້ອງວ່າການປົກຄອງແຂວງຄືເກົ່າລວມໄລຍະທາງກ່ວາ 2 ກິໂລແມັດ.

ພາບ – ຂ່າວ: ແສງຄຳ ສາລີວັນ
MEDIALAOS