ເລື່ອງດີໆ ທີ່ມີສາລະປະໂຫຍດ ມື້ນີ້ເຮົານຳມາຝາກກັນຄື ວິທີການລ້າງສີ່ງທີ່ຕົກຄ້າງໃນຮ່າງກາຍເຊັ່ນ: ການລ້າງສານພິດໃນໄຂມັນ  ເຮົາມີ 4 ວິທີ ມາຝາກທຸກຄົນ ຫາກທ່ານໃດມັກກໍ່ຢ່າລືມ ທີ່ຈະເກັບສູດເຫຼົ່ານີ້ເອົາໄວ້.

ສູດທຳອິດສາມາດຊ່ອຍຫຼຸດໄຂມັນທີ່ຕິດອອກໃຫ້ໝົດ

ສ່ວນປະສົມຕົ້ນຕໍທີ່ຕ້ອງໃຊ້ກໍ່ຄື ນົມສົດຈືດ 1 ປ່ອງ, ໂຍເກີດລົດທຳມະຊາດ 1 ຖ້ວຍ, ນໍ້າເຜີ້ງ 1 ບ່ວງກາເຟ ແລະ ນໍ້າໝາກນາວ 1 ໜ່ວຍ.

ໃຫ້ເອົາສ່ວນປະສົມທັງໝົດມາປະສົມເຂົ້າກັນແລ້ວກໍ່ຊີມຕາມໃຈມັກ ສູດນີ້ຄວນຈະດື່ມໃນຕອນເຊົ້າມື້ດຽວ ກ່ອນອາຫານ ແລະ ຈຳເປັນຈະຕ້ອງໃຊ້ໝາກນາວສົດ ເພື່ອທີ່ຈະຮັກສາວິຕາມິນຊີໄວ້ໃຫ້ໄດ້ຫຼາຍທີ່ສຸດ ເມື່ອດື່ມສູດນີ້ແລ້ວຄວນທີ່ຈະດື່ມນໍ້ານຳ ປະມານ 1 ຫາ 2 ຈອກ ຈະເຫັນຜົນດີທີ່ສຸດ, ເພາະຕື່ນເຊົ້າມາຂອງມື້ໃໝ່ ຫຼື ໃນຕອນແລງຂອງມື້ທີ່ດື່ມຈະເຮັດໃຫ້ຖ່າຍສະດວກ, ຮູ້ສຶກປອດໂປ່ງ ເມື່ອເຮັດເປັນປະຈຳອາທິດລະ 3 ເທື່ອ ຈະເຮັດໃຫ້ຜິວພັນງາມ ແລະ ດີຂື້ນ, ຜິວນຽນນຸ້ມຕັ້ງແຕ່ອາທິດທຳອິດທີ່ທົດລອງເຮັດສູດນີ້.

ສັບພະຄຸນນີ້ຊ່ວຍໃນເລື່ອງຂອງການຫຼຸດໜ້າທ້ອງ ແລະ ນໍ້າໜັກໄດ້ໂດຍຕົງ ແລະ ຈະຊ່ວຍລ້າງໄຂມັນເກົ່າທີ່ຕິດຢູ່ໃນຮ່າງກາຍຂອງເຮົາໃຫ້ຫຼຸດອອກໄປ ຈະເຫັນສີ່ງທີ່ເຮົາຂັບຖ່າຍອອກນັ້ນຈະເປັນສີດຳເຂັ້ມ ແລະ ຍັງຊ່ວຍໄລ່ລົມໃນກະເພາະອາຫານໄດ້ດີຫຼາຍ, ໜ້າທ້ອງກໍ່ຈະຍຸບລົງ, ເຮັດໃຫ້ລະບົບການເຮັດວຽກຂອງລໍາໃສ້ ແລະ ກະເພາະອາຫານເປັນປົກກະຕິດີຂື້ນ.

ສູດຖ່າຍສະດວກ ຕື່ນມາໜ້າທ້ອງຫຼຸດເລີຍ

ສູດນີ້ສ່ວນປະສົມທີ່ສຳຄັນກໍ່ຄືນົມສົດ ໃຫ້ເຮົາເອົານົມສົດມາປະສົມກັບນ້ຳເຜີ້ງ ປະສົມກັບແກ່ນອີ່ຕູ່ ແລະ ນໍ້າສະອາດໃນປະລິມານທີ່ເໝາະສົມ ປະສົມເຂົ້າກັນແລ້ວດື່ມໃນໄລຍະຕອນແລງ ຫຼື ໄລຍະກ່ອນນອນ 1 ຊົ່ວໂມງ. ສັບພະຄຸນຂອງສູດນີ້ຈະຊ່ວຍໃຫ້ທ່ານຮູ້ສຶກອີ່ມໄວ, ນອນຫຼັບງ່າຍ, ຫຼັບແຈບຫຼັບສະບາຍ ແລະ ຍັງຊ່ວຍຫຼຸດຜ່ອນອາການໃນເລື່ອງຂອງການເຈັບຫົວນຳອີກ, ຕື່ນເຊົ້າມາກໍ່ຈະຖ່າຍສະດວກ, ສູດນີ້ແມ່ນໄດ້ຖືກທົດລອງແລ້ວ ຮູ້ສຶກວ່າດີເປັນອັນດັບ 2 ທົດລອງ 2 ຫາ 3 ມື້ ແລ້ວທ່ານຈະຮູ້ສຶກເລີຍວ່າໜ້າທ້ອງຂອງທ່ານນ້ອຍລົງ ເມື່ອເຮັດສູດນີ້ເລື້ອຍໆ ຈະເລີ່ມຮູ້ສຶກເຫັນຜົນຕັ້ງແຕ່ອາທິດທີ 2 ແຂນຂາ ຂອງທ່ານກໍ່ຈະເບີ່ງນ້ອຍລົງ, ກະດູກແໜ້ນຂື້ນ ແລະ ຍັງຊ່ວຍໃນເລື່ອງຂອງການລ້າງສານພິດໃນລຳໃສ້ ແລະ ກະເພາະອາຫານຂອງທ່ານນຳອີກ ປະໂຫຍດຂອງສູດນີ້ເພີ່ມເຕີມໃນເລື່ອງຂອງຜິວພັນກໍ່ຄື ຈະເຮັດໃຫ້ຜິວຂອງທ່ານເບີ່ງຂາວກະຈ່າງໃສ.

ນໍ້າໝາກນາວ ແລະ ນໍ້າອຸ່ນ

ສູດນີ້ແມ່ນສູດທີ່ງ່າຍທີ່ສຸດ ແຕ່ບໍ່ເຊື່ອວ່າຈະໄດ້ຜົນແທ້ໆ ຫາກໄດ້ລອງດື່ມນໍ້າຫຼັງຕື່ນນອນ ດື່ມກ່ອນກິນອາຫານ ເຮັດຕໍ່ເນື່ອງທຸກມື້ເປັນປະຈຳ ຈະສຳພັດໄດ້ເຖີງຄວາມປ່ຽນແປງໃນອາທິດທຳອິດ ເມື່ອເຮັດຄົບ 21 ມື້ ຮ່າງກາຍພາຍໃນ ແລະ ຜິວພັນພາຍນອກກໍ່ຈະຮູ້ສຶກດີຂື້ນທັນທີ, ໂດຍອັດຕາສ່ວນ ຂອງນໍ້າໜາກນາວ ແລະ ນໍ້າອຸ່ນກໍ່ຄື: ນໍ້າໜາກນາວ 1 ໜ່ວຍ, ນໍ້າອຸ່ນ 1 ຈອກ ບອກເລີຍວ່າຜິວດີຈົນຄົນອ້ອມຂ້າງທ້ວງ.

ໃບຫອມລາບ, ໝາກແຕງ, ສະຕໍເບີລີ້ ແລະ ໜາກນາວ

ສູດນີ້ເປັນສູດຍອດຮິດຂອງໄວລຸ້ນທີ່ນິຍົມກັນຫຼາຍ ນັ້ນກໍ່ຄືໃຫ້ເອົາໃບຫອມລາບ, ໝາກແຕງ, ສະຕໍເບີລີ້ ແລະ   ໜາກນາວມາປະສົມເຂົ້າກັນແລ້ວດື່ມ, ການດື່ມແມ່ນດື່ມງ່າຍ, ມີກີ່ນທີ່ບໍ່ໜ້າເບື່ອ, ແຖມຍັງມີສ່ວນຊ່ວຍໃນເລື່ອງຂອງການຕ້ານອະນຸມູນອິດສະລະ, ບຳລຸງຫຼອດເລືອດ, ຊ່ວຍຫຼຸດໄຂມັນ, ເພີ່ມພູມຕ້ານທານ ແລະ ຍັງຊ່ວຍໃນເລື່ອງຂອງການຈັດການລ້າງສານພິດໃນຮ່າງກາຍໄດ້ອີກ. ໂດຍສູດນີ້ໃຫ້ເອົາສ່ວນປະສົມທັງໝົດມາປັ່ນເຂົ້າກັນເຕີມ ນໍ້າເຂົ້າໄປໜ້ອຍໜື່ງ ເພື່ອຈະປັ່ນງ່າຍ ໃສ່ນໍ້າກ້ອນລົງໄປແດ່ກໍ່ຈະແຊບຫຼາຍ.