ໃນຕອນເຊົ້າຂອງວັນທີ 8 ຕຸລາ 2019 ຜ່ານມານີ້ ຢູ່ທີ່ສະໂມສອນຂອງເມືອງອຸທຸມພອນ ໄດ້ຈັດກອງປະ ຊຸມເຜີຍແຜ່ກົດໝາຍ ວ່າດ້ວຍ ການປະກັນສັງຄົມ (ສະບັບປັບປຸງ). ໂດຍການເຂົ້າຮ່ວມເປັນປະທານຂອງທ່ານ ໂພໄຊ ອິນທະວົງສາ ຮອງເຈົ້າເມືອງໆອຸທຸມພອນ, ທ່ານ ຈັນສະໝອນ ອະລິຍະວົງ ຫົວໜ້າສູນບໍລິການກອງທຶນປະ ກັນສັງຄົມ ພະແນກແຮງງານ-ສະຫວັດດີການສັງຄົມແຂວງ, ທ່ານ ໂພຄຳ ແວວມະນີ ຫົວໜ້າຫ້ອງການແຮງງານ-ສະຫວັດດີການເມືອງ, ມີບັນດາຫົວໜ້າຫ້ອງການ, ຄະນະຫ້ອງການ, ພະນັກງານ ນັກຮຽນຮູ້ ປັນຍາຊົນພາຍໃນ ເມືອງເຂົ້າຮ່ວມ.

ຕໍ່ກອງປະຊຸມ ທ່ານ ວັນນະແສງ ກອງໄຊສີ ຜູ້ຮັບຜິດຊອບວຽກງານກອງທຶນປະກັນສັງຄົມແຫ່ງຊາດ ປະຈຳແຂວງສະຫວັນນະເຂດ ກໍ່ໄດ້ອະທິບາຍຊີ້ແຈງໃຫ້ເຂົ້າໃຈກ່ຽວກັບ ກົດໝາຍວ່າດ້ວຍການປະກັນສັງຄົມ (ສະ ບັບປັບປຸງ) ເລກທີ 54/ສພຊ ລົງວັນທີ 27 ມີຖຸນາ 2019. ໂດຍໃຫ້ຮູ້ເຖິງຈຸດປະສົງ ແລະ ນະໂຍບາຍການປະກັນ ສັງຄົມ, ການອຸດໜູນພາກລັດ, ການອຸດໜູນພາກແຮງງານ, ການອຸດໜູນຜູ້ປ່ວຍການ, ອຸດໜູນເສຍກຳລັງແຮງງານ, ອຸດໜູນບຳນານ, ເສຍຊີວິດ, ອຸດໜູນສະມາຊິກພາຍໃນຄອບຄົວ, ອຸດໜູນວ່າງງານ ແລະ ອື່ນໆ.
ສ່ວນທາງດ້ານ ທ່ານ ຈັນສະໝອນ ອະລິຍະວົງ ຫົວໜ້າສູນບໍລິການກອງທຶນປະກັນສັງຄົມ ໄດ້ໃຫ້ຮູ້ວ່າ: ນະໂຍບາຍປະກັນສັງຄົມມີຄວາມໝາຍສຳຄັນຕໍ່ກັບສັງຄົມ ໂດຍຖືເອົາຄົນເປັນກົກ ທັງແມ່ນເງື່ອນໄຂ ແລະ ຈຸດພິ ເສດອັນພົ້ນເດັ່ນຂອງສັງຄົມ ດັ່ງນັ້ນ ພັກ-ລັດ ຈຶ່ງເພີ່ມທະວີຊຸກຍູ້ໃຫ້ສັງຄົມ ມີຄວາມສາມັກຄີປອງດອງ ດ້ວຍການ ອອກເງິນສົມທົບເຂົ້າກອງທຶນປະກັນສັງຄົມແຫ່ງຊາດ ເພື່ອສະສົມເປັນກອງທຶນຊ່ວຍເຫຼືອເຊິ່ງກັນ ແລະ ກັນ, ກອງ ທຶນດັ່ງກ່າວ ສ້າງຂຶ້ນມາບໍ່ສະເພາະແຕ່ພະນັກງານ-ລັດຖະກອນເທົ່ານັ້ນ, ແຕ່ຍັງສາມາດເປີດໂອກາດໃຫ້ພໍ່ຄ້າຊາວ ຂາຍ ປະຊາຊົນທີ່ຫາເຊົ້າກິນຄ່ຳກໍ່ສາມາດເຂົ້າກອງທຶນປະກັນສັງຄົມນີ້ໄດ້ ຫຼື ເວົ້າອີກຢ່າງໜຶ່ງວ່າກອງທຶນປະກັນຕົນ, ໃນເວລາເຈັບໄຂ້ໄດ້ປ່ວຍໄປໂຮງໝໍກໍ່ປິ່ນປົວຟີ ໂດຍບໍ່ເສຍຄ່າ.

ນັກຂ່າວເມືອງອຸທຸມພອນ
ພອນປະເສີດ ແຜນພັກດີ
MediaLaos