ເພື່ອປະຕິບັດຕາມທິດຊີ້ນໍາຂອງທ່ານເຈົ້າແຂວງໆສະຫວັນນະເຂດ ແລະຂໍ້ຕົກລົງ ຂອງທ່ານເຈົ້ານະຄອນໄກສອນພົມວິຫານ ສະບັບເລກທີ1069/ຈນ,ກສ ລົງວັນທີ19/9/2019 ວ່າດ້ວຍການແຕ່ງຕັ້ງຄະນະກຳມະການຊີ້ນຳກະກຽມງານບຸນປະເພນີອອກພັນສາແລະຊ່ວງເຮືອປະຈຳປີພສ 2562 ເພື່ອເຮັດໃຫ້ງານບຸນດັ່ງກ່າວ ໃຫ້ມີຄວາມສະຫງົບ ມີຄວາມເປັນລະບຽບຮຽບຮ້ອຍແລະປອດໄພ100% ດັ່ງນັ້ນມາໃນວັນທີ 9ຕຸລາ2019ນີ້ ກອງບັນຊາການ ປກສ ແຂວງສະຫວັນນະເຂດ ໄດ້ຈັດກອງປະຊຸມກຽມແຜນປ້ອງກັນງານບຸນຊ່ວງເຮືອປະຈໍາປີພສ 2562 ທີ່ຈະໄດ້ຈັດຂຶ້ນໃນລະຫວ່າງວັນທີ09-14ຕຸລາ2019 ໂດຍເປັນປະທານຂອງ ທ່ານ ພັອ ວັນໄຊ ລີໄຊຍະລາດ ຮອງຫົວໜ້າກອງບັນຊາການ ປກສ ແຂວງ , ມີຄະນະພັກ-ຄະນະບັນຊາ,ຄະນະຫ້ອງ, ກອງບັນຊາການ ປກສ ນະຄອນ ແລະ ພະແນກການກ່ຽວຂ້ອງ, ພະນັກງານ-ນັກຮົບເຂົ້າຮ່ວມ.

ພັຕ ຜີວພອນ ແສງສີລາທອງ ຫົວໜ້າພະແນກຫ້ອງການ ກອງບັນຊາການ ປກສ ນະຄອນໄກສອນພົມວິຫານໄດ້ຂື້ນຜ່ານແຜນປ້ອງກັນທີ່ບັນຈຸຊັບຊ້ອນກຳລັງເຮັດໜ້າທີ່ປ້ອງກັນຄວາມສະຫງົບ ລົງປະຈຳການປະຕິບັດໜ້າທີ່ຢູ່ໃນແຕ່ລະຈຸດ ເຄື່ອນໄຫວເຮັດໜ້າທີ່ວິຊາສະເພາະ ຕິດຕາມກຳແໜ້ນສະພາບຮອບດ້ານຢູ່ຈຸດສຳຄັນຕ່າງໆ :ແລະ ບັນຫາ ຫລີ້ນກີນ ມ່ວນຊື່ນເກີນຂອບເຂດ ກຳນົດຢູ່ຕາມຮ້ານບັນເທີງ ຈຸດຫລີ້ນມ່ວນຊື່ນຕ່າງໆ ບັນຫາຂີ້ລັກງັດແງະ ຄ້າຂາຍ-ເສບຢາເສບຕິດ ,ຕິດຕາມ ແຂກພາຍໃນ ແລະ ຕ່າງປະເທດທີ່ມາທ່ຽວງານໃນຄັ້ງນີ້ , ກອງປະຊຸມໄດ້ມີການແລກປ່ຽນປະກອບຄໍາຄິດເຫັນ ເພື່ອເຮັດໃຫ້ແຜນປ້ອງກັນງານບຸນດັ່ງກ່າວໃຫ້ມີຄວາມເປັນລະບຽບຮຽບຮ້ອຍ ແລະທັງຮັບປະກັນເຂົ້າໃນການບັນຈຸກຳລັງຢູ່ໃນແຕ່ລະຈຸດໃຫ້ໄດ້ຮັບປະກັນແລະຄຸນນະພາບສູງ. ແລະໃນໂອກາດດຽວກັນນີ້ກໍ່ໄດ້ມີພິທີປະກາດການເລື່ອນຊັ້ນໃຫ້ນາຍຕໍາຫຼວດກອງບັນຊາການ ປກສ ແຂວງສະຫວັນນະເຂດ ເຊິ່ງໃນນີ້ ເລື່ອນຊັ້ນ ພັນຕີຂຶ້ນພັນໂທມີ 07ສະຫາຍ, ເລື່ອນຊັ້ນຮ້ອຍເອກຂຶ້ນ ພັນຕີ ມີ 17ສະຫາຍ,ຍິງ04ສະຫາຍແລະເລື່ອນຊັ້ນຮ້ອຍໂທຂຶ້ນຮ້ອຍເອກມີ 06ສະຫາຍ,ຍິງ 02ສະຫາຍ.

ພັອ ວັນໄຊ ລີໄຊຍະລາດ ຮອງຫົວໜ້າກອງບັນຊາການ ປກສ ແຂວງສະຫວັນນະເຂດ ໄດ້ເນັ້ນໃຫ້ພະນັກງານນັກຮົບທຸກສະຫາຍທີ່ຖືກແຕ່ງຕັ້ງແລະປະຕິບັດໜ້າທີ່ລົງປະຈຳການຢູ່ໃນແຕ່ລະຈຸດຈົ່ງພ້ອມກັນເອົາໃຈໃສ່ເຮັດໜ້າທີ່ ໃນເທື່ອນີ້ຢ່າງຕັ້ງໜ້າ ກຳໄດ້ທຸກສະພາບການໃນເຄື່ອນໄຫວຂອງພວກກຸ່ມຄົນບໍ່ດີ,ເປົ້າໜາຍ ທີ່ຈະເຂົ້າມາກໍ່ຄວາມບໍ່ສະຫງົບໃນງານບຸນດັ່ງກ່າວ ເພື່ອຮັບປະກັນໄດ້ຄວາມສະຫງົບຄວາມເປັນລະບຽບຮຽບຮ້ອຍ,ກຽມຄວາມພ້ອມເພື່ອແກ້ໄຂ ຫາກມີເຫດການທີ່ກໍ່ຄວາມບໍ່ສະຫງົບເກີດຂື້ນ,ບໍ່ໃຫ້ເກີດມີສຽງແຕກ,ອຸບັດຕິເຫດທາງຖະໜົນ,ດື່ມສິ່ງມືນເມົາແລ້ວອາລະວາດຕີກັນ, ເມື່ອພົບເຫັນສະພາບບໍ່ປົກກະຕິໃຫ້ຮີບຮ້ອນລາຍງານຕໍ່ການຈັດຕັ້ງຂອງຕົນເພື່ອມີວິທີແກ້ໄຂທັນເວລາ ຮັບປະກັນໃຫ້ການທ່ອງທ່ຽວຫຼີ້ນບຸນປີໃຫມ່ລາວໃນປີນີ້ ໃຫ້ມີແຕ່ບັນຍາການເບີກບານມື່ນຊື່ນ ຮັກສາໄດ້ຮີດຄອງປະເພນີ,ຄວາມສາມັກຄີອັນດີງາມ ແລະ ທ່ຽວງານບຸນຊ່ວງເຮືອປະຈໍາປີພສ 2562 ສະດວກສະບາຍມີຄວາມສະຫງົບປອດໄພ100%

ພາບ:ຂ່າວ ປກສ ແຂວງສະຫວັນນະເຂດ
MediaLaos