ເຫດລະເບີດຫີນຢູ່ນໍ້າບາກ

0
206

ອີງຕາມແຫລ່ງຂ່າວຈາກ ໜັງສືພິມ ເສດຖະກິດ-ສັງຄົມ.

ດັ່ງທີ່ເປັນຂ່າວ ໃນຕອນແລງຂອງວັນທີ່ 5 ຕຸລາ 2019 ນີ້ ໄດ້ມີການລະເບີດຫີນ ເພື່ອເອົາຫີນປູນເຂົ້າເປັນວັດຖຸດິບຂອງໂຮງງານຊີມັງນໍ້າຖ້ວມ ເມືອງນໍ້າບາກ ແຂວງຫຼວງພະບາງ ຕາມເຄີຍປະຕິບັດມາເປັນປົກກະຕິ ແຕ່ເຫດ ການລະເບີດຄັ້ງນີ້ ໄດ້ສ້າງຄວາມສູນເສຍທາງດ້ານຊີວິດ ແລະ ຊັບສິນຂອງປະຊາຊົນຢູ່ ບ້ານໂພນມະນີຢ່າງທີ່ບໍ່ເຄີຍມີມາກ່ອນ.

          ທ້າວ ຄຳເຊັງ ຢ່າງ ປະຊາຊົນບ້ານໂພນມະນີ ເປັນຜູ້ໜຶ່ງທີ່ໄດ້ຮັບຜົນກະທົບ ໄດ້ໃຫ້ສຳພາດວ່າ: ເຫດການໄດ້ເກີດຂຶ້ນເວລາປະມານ 17:00 ໂມງ ໃນໄລຍະນັ້ນ ປະຊາຊົນພວມເຕົ້າໂຮມສົນທະນາກັນຢູ່ບາງຫຼັງຄາເຮືອນຕາມປົກ ກະຕິ ພາຍຫຼັງໄດ້ຍິນສຽງລະເບີດ ປະຊາຊົນໄດ້ແຕກຕຶ່ນ ແລະ ພ້ອມກັນຊອກບ່ອນກຳບັງ ແຕ່ຍັງມີຜູ້ໂຊກຮ້າຍເຖິງຂັ້ນບາດເຈັບ ແລະ ເສຍຊິວິດ, ໂຊກດີທີ່ສະມາຊິກພາຍໃນຄອບຄົວຕົນບໍ່ມີຜູ້ໄດ້ຮັບບາດເຈັບ ຫຼື ເສຍຊີວິດ ແຕ່ເຮືອນຢູ່ໄດ້ຮັບຄວາມເສຍຫາຍຫຼາຍສົນຄວນ ກ່ອນຈະມີການລະເບີດຫີນທຸກຄັ້ງ ອົງການປົກຄອງເມືອງ ໄດ້ແຕ່ງຕັ້ງຄະນະຮັບຜິດຊອບ ເພື່ອລົງຕິດຕາມ-ກວດກາຢ່າງໃກ້ສິດ ທັງໄດ້ຊີ້ນຳໃຫ້ມີການປະກອບພິທີທາງສາສະໜາທຸກຄັ້ງ ກ່ອນການລະເບີດຫີນ, ຕາມປົກກະຕິຄວາມແຮງຂອງລະເບີດຈະບໍ່ມີຜົນກະທົບ ມາຮອດເຮືອນປະຊາຊົນ ສຳລັບເທ່ື່ອນີ້ຜາຫີນໄດ້ມີການວາງທາດລະເບີດຈຳນວນ 4 ຈຸດ ລວມ 12 ໂຕນ, ໂດຍມີຄະນະກຳມະການຕິດຕາມ-ກວດກາຂອງເມືອງເຂົ້າຮ່ວມນຳ ໃນນັ້ນໄດ້ມີການແຈ້ງເຕືອນປະຊາຊົນທີ່ຢູ່ໃກ້ຄຽງຕາມທີ່ເຄີຍປະຕິບັດທຸກຄັ້ງກ່ອນຈະມີການຈຸູດລະເບີດ ແຕ່ການລະເບີດເຫັນວ່າໄດ້ເກີດຄວາມຜິດພາດ ບໍ່ຮັບປະກັນທາງດ້ານການວາງ ແລະ ການຈູດ ອັນເປັນຜົນເຮັດໃຫ້ແຮງດັນລະເບີດນຳເອົາຫີນຈຳນວນຫຼາຍອອກມານອກເຂດ ແລະ ທິດທາງທີ່ກຳນົດໄປກະທົບເຖິງບ້ານປະຊາຊົນຫ່າງຈາກຈຸດລະ ເບີດປະມານ 1 ກິໂລແມັດ.

          ຕາມການລາຍງານເບື້ອງຕົ້ນມີ: ມີຄົນເສຍຊີວິດ 1 ຄົນ, ບາດເຈັບຈຳນວນ 23 ຄົນ, ເປັນຍິງ 5 ຄົນ, ໃນນັ້ນ ບາດເຈັບສາຫັດ 8 ຄົນ, ຍິງ 1 ຄົນ ແລະ ເປັນຄົນຈີນ 1 ຄົນ, ເຮືອນເປ່ເພ 81 ຫຼັງ, ເສຍຫາຍໜັກ 2 ຫຼັງ, ລົດຈັກ, ລົດໃຫຍ່ໄດ້ຮັບຄວາມເສຍຫາຍຫຼາຍຄັນ, ດ້ານໂຮງງານຊີມັງ, ເຕົາເຜົາຊີມັງ ແລະ ອາຄານຈຳນວນໜຶ່ງໄດ້ຮັບຄວາມເສຍຫາຍ ປະຈຸບັດໄດ້ຢຸດເຊົາການຜະລິດ ເພື່ອປະເມີນຄາມເສຍຫາຍ, ເບື້ອງຕົ້ນໂຮງງານຊີມັງໄດ້ມອບເງິນຊ່ວຍເຫຼືອຜູ້ເຄາະຮ້າຍຈຳນວນ 10 ລ້ານກີບ, ສ່ວນຄະນະສະເພາະກິດຂອງແຂວງ-ເມືອງ ຍັງສືບຕໍ່ເກັບກຳຂໍ້ມູນ ເພື່ອເປະເມີນຄວາມເສຍຫາຍຢ່າງລະອຽດ ແລະ ເຈົ້າໜ້າທີ່ໄດ້ກັກຕົວທ້າວ ລາວເຈົ່າ ເຈົ້າຂອງທາດລະເບີດ ແລະ ເປັນຜູ້ລະເບີດ ເພື່ອດຳເນີນຄະນະຈາກຄວາມເສຍຫາຍທີ່ເກີດຂຶ້ນດັ່ງກ່າວ.