ຜູ້ສໍາປະທານ ພັດທະນາຕາດແຊປ້ອງໄລ ແລະ ແຊພະ ເມືອງສະໜາມໄຊ ແຂວງອັດຕະປືເລັ່ງຟື້ນຟູຄືນ ແລະ ຕັດເສັ້ນທາງໃໝ່ ບໍລິເວນເທິງຕາດ ພາຍຫລັງໄດ້ຖືກກະທົບໄພພິບັດນໍ້າຖ້ວມໃນປີຜ່ານມາ ເຊິ່ງໄດ້ເຮັດໃຫ້ພື້ນຖານໂຄງລ່າງໄດ້ຮັບຄວາມເສຍຫາຍທັງໝົດ.
ທ່ານ ວົງວິໄລ ໄຊຍະສອນ ຜູ້ສໍາປະທານຕາດແຊປ້ອງໄລ ແລະ ແຊພະ ໃຫ້ສໍາພາດຕໍ່ສື່ມວນຊົນໃນວັນທີ 3 ຕຸລາ 2019 ໃຫ້ຮູ້ວ່າ: ພາຍຫລັງບໍລິສັດໄດ້ຮັບສໍາປະທານ ແລະ ເລີ່ມລົງມືກໍ່ສ້າງພັດທະນາພື້ນຖານໂຄງລ່າງມາແຕ່ ປີ 2012 ແລະ ຈະເປີດບໍລິການໃຫ້ກັບນັກທ່ອງທ່ຽວໃນປີ 2018 ຜ່ານມາ ແຕ່ໄດ້ຖືກກະທົບຈາກໄພພິບັດນໍ້າຖ້ວມ ຈາກສັນເຂື່ອນເຊປ່ຽນ-ເຊນໍ້ານ້ອຍ ຊຸເຮັດໃຫ້ສະຖານທີ່ປູກສ້າງບໍ່ວ່າຈະເປັນເສັ້ນທາງ, ຣິສອດ, ບ່ອນນັ່ງພັກຜ່ອນ-ຈຸດຊົມທິວທັດ, ຮ້ານອາຫານ ແລະ ອື່ນໆ ໄດ້ຮັບຄວາມເສຍຫາຍທັງໝົດ ລວມມູນຄ່າເສຍຫາຍ 50 ກວ່າຕື້ກີບ.