ໃນວັນທີ 08 ຕຸລາ 2019 ນີ້; ທ່ານນາງ ພົມມາ ທອງເພັງ ຮອງປະທານສະຫະພັນກໍາມະບານແຂວງ ສະຫວັນນະເຂດ ພ້ອມດ້ວຍຄະນະ, ໄດ້ເດີນທາງມາເຜີຍແຜ່ມະຕິກອງປະຊຸມວິສາມັນຂອງຄະນະບໍລິຫານງານສະຫະພັນກໍາມະບານແຂວງ ແລະ ຊຸກຍູ້ວຽກງານຮອບດ້ານສະຫະພັນກໍາມະບານຢູ່ເມືອງ ອາດສະພັງທອງ. ໂດຍພາຍໃຕ້ການຕ້ອນຮັບຢ່າງອົບອຸ່ນຂອງທ່ານນາງ ຄອນສະຫວັນ ວອນທະວີສຸກ ປະທານສະຫະພັນກໍາມະບານເມືອງ ອາດສະພັງທອງ ພ້ອມດ້ວຍຄະນະ, ມີບັນດາທ່ານຄະນະປະຈໍາພັກເມືອງ, ກໍາມະການພັກເມືອງ, ຄະນະກໍາມະບານຮາກຖານ, ໜ່ວຍກໍາມະບານພ້ອມດ້ວຍສະມາຊິກກໍ່ໄດ້ເຂົ້າຮ່ວມຕ້ອນຮັບນໍາດ້ວຍ.

ໃນການລົງເຜີຍແຜ່ມະຕິກອງປະຊຸມວິສາມັນຂອງຄະນະບໍລິຫານງານສະຫະພັນກໍາມະບານແຂວງ ແລະ ຊຸກຍູ້ວຽກງານຮອບດ້ານສະຫະພັນກໍາມະບານຢູ່ເມືອງ ອາດສະພັງທອງ ໃນຄັ້ງນີ້; ທ່ານນາງ ພົມມາ ທອງເພັງ ຮອງປະທານສະຫະພັນກໍາມະບານແຂວງ ສະຫວັນນະເຂດ ພ້ອມດ້ວຍຄະນະ ກໍ່ໄດ້ຮັບຟັງການລາຍງານບົດສະຫລຸບວຽກງານໃນໄລຍະຜ່ານມາ ແລະ ທິດທາງແຜນການໃນຕໍ່ໜ້າເຊິ່ງລາຍງານໂດຍທ່ານ ນາງ ຄອນສະຫວັນ ວອນທະວີສຸກ ປະທານສະຫະພັນກໍາມະບານເມືອງ ອາດສະພັງທອງໃນນັ້ນໄດ້ມີຫຼາຍຜົນງານທີ່ໂດດເດັ່ນເປັນຕົ້ນກໍ່ແມ່ນວຽກງານວຍກງານການຈັດຕັ້ງເຊິ່ງໃນປະຈຸບັນສະຫະພັນກໍາມະບານເມືອງ ອາດສະພັງທອງປະກອບມີຄະນະ 03 ສະຫາຍ, ຍິງ 01 ສະຫາຍ, ມີ 03 ໜ່ວຍງານຂຶ້ນກັບຄື: ໜ່ວຍງານບໍລິຫານ – ຈັດຕັ້ງກວດກາ, ໜ່ວຍງານປົກປ້ອງແຮງງານ ແລະ ກອງທຶນ ແລະ ໜ່ວຍງານໂຄສະນາອົບຮົມ ແລະ ຂະບວນການແຂ່ງຂັນ – ຍ້ອງຍໍ, ມີພະນັກງານທັງໝົດ 07 ສະຫາຍ, ຍິງ 03 ສະຫາຍ, ມີ 26 ຮາກຖານ, ຂະຫຍາຍໃໝ່ 03 ຮາກຖານ, ສະມາຊິກກໍາມະບານຍ້າຍອອກຈໍານວນ 04 ສະຫາຍ, ຍິງ 03 ສະຫາຍ, ເສຍຊີວິດ 07 ສະຫາຍ, ຍິງ 01 ສະຫາຍ, ສະມາຊິກກໍາມະບານຍ້າຍເຂົ້າ 29 ສະຫາຍ, ຍິງ 08 ສະຫາຍ, ຂະຫຍາຍໃໝ່ 10 ສະຫາຍ, ຍິງ 06 ສະຫາຍ, ໃນປະຈຸບັນໃນທົ່ວເມືອງມີສະມາຊິກກໍາມະບານທັງໝົດ 971 ສະຫາຍ,ຍິງ 514 ສະຫາຍ. ຈາກນັ້ນ; ໃນພິທີທ່ານນາງ ພົມມາ ທອງເພັງ ຮອງປະທານສະຫະພັນກໍາມະບານແຂວງ ສະຫວັນນະເຂດ ກໍ່ໄດ້ໃຫ້ກຽດຂຶ້ນຜ່ານມະຕິກອງປະຊຸມວິສາມັນຂອງຄະນະບໍລິຫານງານສະຫະພັນກໍາມະບານແຂວງໃນນັ້ນ; ທ່ານໄດ້ຍົກໃຫ້ເຫັນເຖິງກົດໝາຍວ່າດ້ວຍການປະກັນສັງຄົມ ( ສະບັບປັບປຸງ ). ພ້ອມນັ້ນ; ຍັງໄດ້ຮ່ວມປຶກສາຫາລືຫາວິທີທາງແກ້ໄຂຊຸກຍູ້ວຽກງານຮອບດ້ານຂອງສະຫະພັນກໍາມະບານຂອງສະຫະພັນກໍາມະບານເມືອງ ອາດສະພັງທອງເຊັ່ນວຽກງານໜ່ວຍງານບໍລິຫານ – ຈັດຕັ້ງກວດກາ, ໜ່ວຍງານປົກປ້ອງແຮງງານ ແລະ ກອງທຶນ ແລະ ໜ່ວຍງານໂຄສະນາອົບຮົມ ແລະ ຂະບວນການແຂ່ງຂັນ – ຍ້ອງຍໍຮ່ວມກັນອີກດ້ວຍ.

ພາບຂ່າວ:ສາຍສະໝຸດ ສິມພະລີວົງ
ນັກຂ່າວເມືອງ: ອາດສະພັງທອງ
Medialaos