ໃນວັນທີ 8 ຕຸລາ ປີ 2019 ນີ້ເມືອງເລົ່າງາມແຂວງສາລະວັນໄດ້ສະຫຼຸບການຈັດຕັ້ງເຄື່ອນໃຫວວຽກງານການສ້າງຄັ້ງແຮ່ ປກຊ-ປກສທົ່ວເມືອງຂື້ນຢູ່ທີ່ຫ້ອງປະຊຸມສະໂມສອນຂອງເມືອງໂດຍການເປັນປະທານຂອງທ່ານ ນາງ ສູນທອນ ແກ້ວບົວລະພາ ເລຂາພັກເມືອງເຈົ້າເມືອງໆເລົ່າງາມ ທັງແມ່ນປະທານປ້ອງກັນຊາດ-ປ້ອງກັນຄວາມສະຫງົບຂັ້ນເມືອງ, ເປັນກຽດເຂົ້າຮ່ວມຂອງທ່ານ ສີສຸວັນ ວົງຈອມສີ ເລຂາພັກແຂວງ ເຈົ້າແຂວງໆສາລະວັນ, ທັງແມ່ນປະທານປ້ອງກັນຊາດ-ປ້ອງກັນຄວາມສະຫົງບຂັ້ນແຂວງ ແລະທ່ານ ພົນຈັດຕະວາ ພູວຽງ ຫຼ່ຽມມະວົງສາ ຫົວໜ້າກອງບັນຊາການທະຫານແຂວງ ທັງແມ່ນຮອງປະທານປ້ອງກັນຊາດ-ປ້ອງກັນຄວາມສະຫງົບຂັ້ນແຂວງ, ມີບັນດາທ່ານຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ເຈົ້າເມືອງໃນ 7 ຕົວເມືອງ, ພ້ອມດ້ວຍຕ່າງໜ້າເເຈົ້າເມືອງຕ່າງໆອ້ອມຂ້າງເຊັນເມືອງທ່າແຕ່ງ ແຂວງເຊກອງ, ເມືອງປາກຊອງ, ເມືອງບາຈຽງ ແລະເມືອງຊະນະສົມບູນ ແຂວງຈຳປາສັກຕະຫຼອດຮອດກຸ່ມບ້ານ, ນາຍບ້ານ, ຫົວໜ້າປກຊ-ປກສບ້ານໃນ 97 ບ້ານເຂົ້າຮ່ວມຢ່າງຫຼວງຫຼາຍ.​

ທ່ານ ວາດສະໜາ ວົງວັນດີ ຫົວໜ້າໜ່ວຍງານສັງລວມວຽກງານສອງກຳລັງ ປກຊ-ປກສ ຂອງເມືອງກໍ່ໄດ້ຜ່ານບົດສະຫຼຸບລາຍງານການຈັດຕັ້ງເຄື່ອນໃຫວ, ພ້ອມທັງວາງທິດທາງແຜນການໃນຕໍ່ໜ້າ, ເມືອງເລົ່າງາມປະກອບມີ 8 ກຸ່ມ, ມີ 97 ບ້ານ ແລະມີ 13,470 ຫຼັງຄາເຮືອນ ແລະ 15,615 ຄອບຄົວ, ຜ່ານການຈັດຕັ້ງປະຕິບັດໃນໄລຍະ 2 ປີຜ່ານມາເຫັນໄດ້ວ່າເປັນຂະບວນກວ້າງຂວາງ ແລະຕໍ່ເນື່ອງດີເຮັດໃຫ້ບັນດານິຕິກຳ ແລະເອກະສານຕ່າງໆທີ່ກ່ຽວພັນກັບການສ້າງຄັ້ງແຮ່ໂດຍສະເພາະກໍ່ແມ່ນດຳລັດເລກທີ 093 ຂອງນາຍົກລັດຖະມົນຕີ ແຫ່ງ ສປປລາວ ແລະຂໍຕົກລົງເລກທີ 17 ຂອງປະທານປ້ອງກັນຊາດ-ປ້ອງກັນຄວາມສະຫງົບ ແຂວງສາລະວັນກໍ່ຄືທິດຊີ້ນຳຂອງປະທານປ້ອງກັນຊາດ-ປ້ອງກັນຄວາມສະຫງົບເມືອງເລົາງາມໄດ້ຮັບການຈັດຕັ້ງຜັນຂະຫຍາຍ ແລະໄດ້ຊຸກຍູ້ບັນດາຄະນະຮັບຜິດຊອບຕ່າງໆໃນຂັ້ນບ້ານໃຫ້ມີການເຄື່ອນໃຫວເກັບກຳຫົວໜ່ວຍຫຼັງຄ່າເຮືອນ ແລະຫົວໜ່ວຍຜູ້ປະກອບການດ້ານໆທີ່ນອນໃນຂອບເຂດຄວາມຮັບ ຜິດຊອບຂອງຕົນເພື່ອສ້າງເປັນສຳມະໂນໃນການຈັດເກັບເງິນເຂົ້າຄັ້ງແຮ່ ປກຊ-ປກສ ໃຫ້ຖືກຕ້ອງຕາມຂໍມູນຕົວຈິ່ງໃນແຕ່ລະບ້ານ, ພ້ອມທັງເກັບໃຫ້ຖືກຕ້ອງຕາມຂໍຕົກລົງ ແລ້ວເອົາເຂົ້າມາຝາກຢູ່ທະນະຄານພັດທະນາລາວ ເພື່ອຄວາມເປັນເອກະພາບກັນໃນ 97 ບ້ານທົ່ວເມືອງໂດຍແມ່ນມອບໃຫ້ບ້ານເປັນຜູ້ຖືບັນຊີ, ສ່ວນຂັ້ນເມືອງແມ່ນຄຸ້ມຄອງແບບມະຫາພາກ, ມີລະບົບການຈັດຕັ້ງໃນການຄຸ້ມຄອງຮັກສາ, ເພື່ອເຮັດໃຫ້ຄັ້ງແຮມີຄວາມໂປ່ງໃສ່ ແລະມີການຂະຫຍາຍຕົວເພີ້ມຂື້ນໃນແຕ່ລະປີ ແລະມີລະບົບບັນຊີທີ່ມີຄວາມເປັນເອກະພາບລະຫວ່າງບ້ານກັບເມືອງ, ກັບທະນະຄານ, ສາມາດກວດສອບສອບໄດ້ທຸກວັນ, ທຸກເວລາໃນໂມງລັດຖະການ, ສ່ວນການນຳໃຊ້ແມ່ນປະຕິບັດຕາມ 4 ເປົ້າໝາຍໃຫຍ່ຄື: ຫັດແອບຮໍ່າຮຽນການເມືອງ-ວິຊາສະເພາະແມ່ນນຳໃຊ້ 20% ຂອງຄັ້ງແຮ, ເຄື່ອນໃຫວສູ້ຮົບ ແລະຮັກສາຄວາມສະຫງົບນຳໃຊ້ 30% ຂອງຄັ້ງແຮ, ຊື້ເຄື່ອງນຸ່ງຫົມ, ກອງຫຼອນ ແລະປກສບ້ານນຳໃຊ້ 30% ຂອງຄັ້ງແຮ ແລະສຳຮອງແຮໄວ້ຢູ່ໃນຄັງ 20% ຂອງຄັ້ງແນ່ ເຊິ່ງມາຮອດປະຈຸບັນນີ້ມີຍອດເຫຼືອ, ພ້ອມດອກເບຍທີ່ຝາກໄວ້ຢູ່ທະນະຄານພັດທະນາລາວມີທັງໝົດ 611,184,378 ກີບ

ທິດທາງຕໍ່ໜ້າເອົາໃຈໃສ່ກຳແໜັ້ນທີ່ຕັ້ງຈຸດພິເສດ ແລະເງື່ອນໄຂຂອງແຕ່ລະຄອບຄົວ, ຂອງແຕ່ລະບ້ານ ແລະແຕ່ລະກຸ່ມໃນທົ່ວເມືອງເພື່ອໃຫ້ສະດວກສະບາຍໃນການຈັດຕັ້ງປະຕິບັດໜ້າທີ່ວຽກງານ, ເປັນເຈົ້າການເອົາໃຈໃສ່ຂຸນຄົ້ນທຸກທ່າແຮງບົ່ມຊ້ອນເພື່ອເຮັດໃຫ້ຄັ້ງແຮມີການຂະຫຍາຍຍຕົວ ແລະເພີ້ມຂື້ນໃນແຕ່ລະປີໂດຍຕິດພັນກັບການເຮັດວຽກງານການເມືອງ-ນຳພາແນວຄິດ, ພ້ອມທັງແບ່ງຄວາມຮັບຜິດຊອບໂດຍປະສານສົມທົບກັນ ແລະກຳນົດວຽກງານດັ່ງກ່າວ, ການຈັດຕັ້ງປະຕິບັດໃນການເກັບເງິນເຂົ້າຄັງແຮແຕ່ລະປີຕ້ອງປະຕິບັດໄປພ້ອມໆກັນທັງ 4 ດ້ານຄື: ດ້ານການເມືອງແນວຄິດ, ດ້ານການຈັດຕັ້ງ ແລະດ້ານຕົວເລກຄາດໝາຍຕ້ອງລະອຽດຊັດເຈນ, ຖືກຕ້ອງ ແລະໂປ່ງໃສ່, ຈາກນັ້ນທ່ານ ນາງ ສູນທອນ ແກ້ວບົວລະພາ ເລຂາພັກເມືອງ ເຈົ້າເມືອງເມືອງເລົ່າງາມ ປະທານປ້ອງກັນຊາດ-ປ້ອງກັນຄວາມຫງົບຂັ້ນເມືອງ ກໍ່ໄດ້ໃຫ້ກຽດຂື້ນມອບໃບຍ້ອງຍໍຈຳນວນ 8 ກຸ່ມບ້ານ ແລະ 39 ບ້ານ ແລະທ່ານ ພົນຈັດຕະວາ ພູວຽງ ຫຼ່ຽມມະວົງສາ ຫົວໜ້າກອງບັນຊາການທະຫານແຂວງ ທັງແມ່ນຮອງປະທານປ້ອງກັນຊາດ-ປ້ອງກັນຄວາມສະຫງົບຂັ້ນແຂວງກໍ່ໄດ້ມອບໃບຍ້ອງຍໍໃຫ້ຈຳນວນ 19 ກົມກອງ ທີ່ມີຜົນງານດີເດັ່ນໃນການຈັດຕັ້ງປະຕິບັດໜ້າທີວຽກງານໃນໄລຍະຜ່ານມາ.

ພາບ-ຂ່າວ: ສິດຕາ ເພັດວົງສາ
Medialaos