ເພື່ອເປັນການກະກຽມບັນດາເນື້ອໃນໃຫ້ແກ່ກອງປະຊຸມຄົບຄະນະບໍລິຫານງານ ຄັ້ງທີ 5 ສະໄໝທີ VII ຂອງສະຫະພັນກຳມະບານແຂວງສະຫວັນນະເຂດ ທີ່ຈະເປີດຂຶ້ນໃນມໍ່ໆນີ້ ໃຫ້ເຕັມໄປດ້ວຍເນື້ອໃນ ແລະ ຄວາມໝາຍອັນເລິກເຊິ່ງ. ສະນັ້ນ, ມາໃນວັນທີ 8-10 ຕຸລາ 2019 ຜ່ານມານີ້ສະຫະພັນກຳມະບານແຂວງ ນຳໂດຍ ທ່ານ ນາງ ພົມມາ ທອງເພັງ ຮອງປະທານຄະນະບໍລິຫານ ງານສະຫະພັນກຳມະບານແຂວງ ທັງເປັນປະທານກອງທຶນ ກຊທ ຂັ້ນແຂວງ ພ້ອມດ້ວຍຂະແໜງ ການທີ່ກ່ຽວຂ້ອງ ໄດ້ມີການລົງເຄື່ອນໄຫວວຽກງານເພື່ອເຜີຍແຜ່ ມະຕິກອງປະຊຸມຄົບຄະນະບໍລິ ຫານງານສະຫະພັນກຳມະບານແຂວງ 6 ເດືອນຕົ້ນ ປີ 2019 ໃຫ້ແກ່ສະມາຊິກກອງທຶນ ກຊທ ເມືອງອາດສະພັງທອງ, ເມືອງພະລານໄຊ ແລະ ເມືອງພີນໄດ້ຮັບຊາບ ພ້ອມທັງເປັນການທາບທາມ ເອົາບັນດາຄຳຄິດ-ຄຳເຫັນ ຂອງສະມາຊິກ ເພື່ອມາດັດປັບລະບຽບກອງທຶນໃຫ້ມີຄວາມສອດຄ່ອງກັບ ແຕ່ລະໄລຍະ ໂດຍມີຄະນະປະຈຳພັກເມືອງ, ກຳມະການພັກເມືອງ, ປະທານ, ຮອງປະທານ, ຄະນະ ບໍລິຫານງານສະຫະພັນກຳມະບານເມືອງ ຕະຫຼອດຄະນະກຳມະບານຮາກຖານພາຍໃນເມືອງດັ່ງກ່າວ ເຂົ້າຮ່ວມຈຳນວນ 179 ທ່ານ, ຍິງ 87 ທ່ານ.

ໃນພິທີ ທ່ານ ນາງ ພົມມາ ທອງເພັງ ຍັງໄດ້ຍົກໃຫ້ເຫັນວ່າ: ປະຈຸບັນພາຍຫຼັງອົງການ ປະກັນສັງຄົມແຫ່ງຊາດ ໄດ້ເຂົ້າມາມີສ່ວນຮ່ວມຊ່ວຍເຫຼືອທາງດ້ານການປິ່ນປົວຟຣີໂດຍບໍ່ໄດ້ເສຍຄ່າ.

ດັ່ງນັ້ນ, ຈຶ່ງເປັນປັດໃຈຕົ້ນຕໍທີ່ສຳຄັນໃນການລົງມາທາບທາມ ເອົາຄຳຄິດ-ຄຳເຫັນຂອງບັນດາສະມາ ຊິກໃນທົ່ວແຂວງເວົ້າລວມ ເວົ້າສະເພາະກໍ່ຄືບັນດາເມືອງ ແລະ ຮາກຖານ ເພື່ອນຳມາດັດປັບລະບຽບ ກອງທຶນ ກຊທ ໃຫ້ມີຄວາມສອດຄ່ອງ ແລະ ເທດເໝາະກັບແຕ່ລະໄລຍະ ໂດຍຈະໄດ້ມີການຢຸດ ຈ່າຍນະໂຍບາຍເຈັບເປັນ-ຜ່າຕັດ ເພື່ອນຳມາເພີ່ມໃສ່ນະໂຍບາຍເສຍຊີວິດໃຫ້ມີຈຳນວນທີ່ສູງຂື້ນຕື່ມ, ສ່ວນການປະຕິບັດນະໂຍບາຍເກີດລູກ, ອັກຄີໄພ ແມ່ນຍັງຮັກສາໄວ້ຄືເກົ່າ. ຊຶ່ງຂໍ້ຄິດເຫັນດັ່ງກ່າວ ແມ່ນໄດ້ຮັບຄວາມສົນອົກສົນໃຈ ຈາກສະມາຊິກກອງທຶນທີ່ໄດ້ເຂົ້າຮ່ວມໃນຄັ້ງນີ້ ແລະ ໄດ້ພັດປ່ຽນກັນ ຂື້ນປະກອບຄຳຄິດ-ຄຳເຫັນຢ່າງເປັນຂະບວນຟົດຟື້ນ ໂດຍສ່ວນຫຼາຍແມ່ນເຫັນດີເປັນເອກະພາບຕັດ ນະໂຍບາຍເຈັບເປັນ-ຜ່າຕັດອອກ ແລ້ວເພີ່ມນະໂຍບາຍເສຍຊີວິດໃຫ້ມີຈຳນວນທີ່ສູງຂຶ້ນ.

ຂ່າວ – ພາບ : ວັນນະເລດ ມະນີວົງ.
Medialaos