ກອງປະຊຸມພົບປະແລກປ່ຽນສະພາບປະຈໍາປີ2019 ລະຫວ່າງ ກອງບັນຊາການ ປກສ ແຂວງສະຫວັນນະເຂດ ແລະ ກອງບັນຊາການຕໍາຫຼວດແຂວງກວາງບິງ ໄດ້ຈັດຂື້ນໃນວັນທີ 10 ຕຸລາ 2019ນີ້ຢູ່ທີ່ ນະຄອນ ດົງເຫີຍ, ແຂວງ ກວາງບິງ ສສ ຫວຽດນາມ ໂດຍປະຕິບັດຕາມບົດບັນທຶກຊ່ວຍຈຳ ທີ່ໄດ້ລົງນາມຮ່ວມກັນ ໃນຄັ້ງວັນທີ13ພະຈິກ/2017 ຢູ່ທີ່ນະຄອນ ໄກສອນ ພົມວິຫານ, ແຂວງສະຫວັນນະເຂດ ຝ່າຍລາວນຳໂດຍທ່ານ ພັທ ຈັນທາ ແສນສຸລິວົງ ຮອງຫົວຫນ້າກອງບັນຊາການ ປກສ ແຂວງສະຫວັນະເຂດ, ຝ່າຍຫວຽດນາມນຳໂດຍທ່ານ ພັອ ບຸຍ ກວາງແທັງ ຮອງກອງບັນຊາການ ຕໍາຫຼວດແຂວງກວາງບິງ ພ້ອມດ້ວຍຄະນະຜູ້ແທນທັງສອງຝ່າຍເຂົ້າຮ່ວມ

ໃນກອງປະຊຸມດັ່ງກ່າວແມ່ນຈະໄດ້ປຶກສາຫາລືແລກປ່ຽນບົດຮຽນເຊິ່ງກັນໃນຂົງເຂດວຽກງານຕ່າງໆ, ລາຍງານສະພາບການທີ່ີເກີດຂື້ນພາຍໃນແຂວງຂອງຕົນໃຫ້ກັນ ແລະ ກັນຊາບ ໂດຍສະເພາະດ້ານການເມືອງ, ເສດຖະກິດ,ວັດທະນະທຳ, ບັນຫາຢາເສບຕິດ,ຄ້າຂາຍເຖື່ອນ ແລະ ບັນຫາຊາແດນທີ່ໄດ້ສົ່ງຜົນກະທົບຕໍ່ສອງປະເທດເວົ້າລວມ, ເວົ້າສະເພາະສອງແຂວງສະຫວັນະເຂດ-ກວ່າງບິງ ເພື່ອພ້ອມກັນຄົ້ນຄົ້ວຕີລາຄາຫາວິທີແກ້ໄຂບັນຫາກົນອຸບາຍແລະຮູບການເຄືອນໄຫວຂອງບັນດາອິດທິຂອງກຳລັງປໍລະປັກທີ່ມີຕໍ່ລາວແລະ ຫວຽດນາມ ເປັນຕົ້ນແມ່ນກົນອຸບາຍການເຄື່ອນໄຫວຂອງບັນດາເປົ້າໝາຍນັກສືບສອກແນມ ແລະ ຜູ້ກໍ່ການຮ້າຍ, ເພີ່ມທະວີການແລກປ່ຽນບົດຮຽນ, ປະສານສົມທົບແລກປ່ຽນຂໍ້ມູນຂ່າວສານ, ຜັນຂະຫຍາຍ ການຮ່ວມມືສະກັດກັ້ນ ແລະ ຕ້ານຢາເສບຕິດ, ເພີ່ມທະວີແລກປ່ຽນຂໍ້ມູນຂ່າວສານ, ປະສານສົມທົບກັນຕໍ່ສູ້ແກ້ໄຂ້ລາຍຄະດີຕ່າງໆ ທີ່ ກ່ຽວຂ້ອງກັບສອງຝ່າຍ ໃຫ້ສອດຄອ່ງຕາມຫຼັກການວິຊາສະເພາະ ແລະ ຖືກຕ້ອງຕາມ ລະບຽບກົດຫມາຍຂອງທັງສອງປະເທດ,

ສຶກສາອົບຮົມປະຊາຊົນບັນດາເຜົ່າ ທີ່ຢູ່ລຽບຕາມຊາຍແດນ ໃຫ້ເປັນເຈົ້າການປະຕິບັດສົນທິສັນຍາວ່າ ດວ້ຍລະບຽບການຊາຍແດນ ລາວ-ຫວຽດນາມ, ເອົາໃຈໃສ່ຊີ້ນໍາໆພາພະນັກງານ-ນັກຮົບວິຊາສະເພາະ ກອງບັນຊາການຕໍາຫຼວດເມືອງ ທີ່ມີຊາຍ ແດນຕິດຈອດ, ເອົາໃຈໃສ່ເຮັດຫນ້າທີ່, ຕັ້ງຫນ້າຜັນຂະຫຍາຍບັນດາເນື້ອໃນບົດບັນທຶກຊ່ວຍຈໍາທີ່ໄດ້ລົງນາມກັນໃຫ້ໄດ້ຮັບຜົນສໍາເລັດຕາມລະດັບຄາດຫມາຍ ເພື່ອແນ່ໃສ່ຮັບປະກັນຄວາມສະຫງົບ, ຄວາມເປັນລະບຽບຮຽບຮ້ອຍຕາມຊາຍແດນເຮັດໃຫ້ແຂວງສະຫວັນະເຂດ-ແຂວງກວາງບິງ ເປັນຊາຍແດນແຫ່ງສັນຕິພາບ-ມິດຕະພາບ
ຈາກນັ້ນຄະນະຜູ້ແທນທັງສອງຝ່າຍກໍ່ໄດ້ລົງນາມເຊັນບົດບັນທຶກຊ່ວຍຈຳ ເພື່ອ ພ້ອມກັນສືບຕໍ່ແກ້ໄຂປະກົດການຕ່າງໆທີ່ຍັງຄົງຄ້າງ ແລະ ສືບຕໍ່ເພີ່ມທະວີ, ຫັດແໜ້ນສາຍພົວພັນມິດຕະພາບຄວາມສາມະຄີພິເສດ ແລະ ການຮ່ວມມືຮອບດ້ານລະຫ່ວາງສອງຊາດ ສອງກອງທັບລາວຫວຽດນາມ ແລະ ມອບຂອງຂັວນທີ່ລະນຶກ ໃຫ້ກັນ ແລະ ກັນຕື່ມອີກ

ພາບ-ຂ່າວ: ສີສະເຫຼີມສັກ ສິມມາລາ
Medialaos